އިތުރު ފަރުވާއަށް ޔުމްނު މެލޭޝިއާއަށް ގެންދިއުމުގައި ދަތިތަކެއް

ޔުމްނު އަށް އިންސާފު ހޯދައިދިނުމަށް ގޮވާލާ ރޭ ކުރި މުޒާހަރާގައި ބޭނުންކުރި ސައިންބޯޑެއް. ޔުމްނުގެ އާއިލާއިންވެސް ރޭގެ މުޒާހަރާގައި ބައިވެރިވި --- ފޮޓޯ: އަތޫފް އާތިފް / އަދަދު

ޔުމްނު އަށް އިންސާފު ހޯދައިދިނުމަށް ގޮވާލާ ރޭ ކުރި މުޒާހަރާގައި ބޭނުންކުރި ސައިންބޯޑެއް. ޔުމްނުގެ އާއިލާއިންވެސް ރޭގެ މުޒާހަރާގައި ބައިވެރިވި --- ފޮޓޯ: އަތޫފް އާތިފް / އަދަދު

މިދިޔަ ހުކުރު ދުވަހުގެ ފަތިހު އުސް އިމާރާތަކުން ވެއްޓި ބޮޑެތި އަނިޔާތެއް ލިބުނު ހައްވާ ޔުމްނު ރަޝީދު 21، އަށް އިތުރު ފަރުވާ ދިނުމަށް މެލޭޝިއާއަށް ގެންދިއުމުގައި ދަތިތަކެއް ކުރިމަތިވެފައިވާކަން އެނގިއްޖެ އެވެ.

އަދަދު އަށް މައުލޫމާތު ލިބިފައިވާ ގޮތުގައި ޔުމްނުއަށް އަދިވެސް ފަރުވާ ދެމުން ދަނީ އައިޖީއެމް ހޮސްޕިޓަލުގެ އައިސީޔޫގަ އެވެ. ޔުމްނުގެ އާއިލާއިން ބޭނުންވަނީ އިތުރު ފަރުވާ ދިނުމަށް އޭނާ މެލޭޝިއާއަށް ގެންދިޔުމަށެވެ. މައުލޫމާތު ލިބިފައިވާ ގޮތުގައި އާއިލާއިން ޔުމްނު މެލޭޝިއާއަށް ގެންދަން ބޭނުންވަނީ އެ ގައުމުގައި އާއިލާގެ ބަޔަކު ދިރިއުޅޭތީ އެވެ. އޭނާގެ ބޭސްފަރުވާއަށް ގިނަ ދުވަސްތަކެއް ނަގާނެ ކަމަށް ބެލެވެ އެވެ.

މިކަމަށް އާސަންދަ އަދި އެންސްޕާ ހިމެނޭހެން ސަރުކާރުގެ އިދާރާތަކުގައި އާއިލާއިން ވަނީ އެދިފަ އެވެ. އެކަންކަން ހަމަޖެހުމާ ގާތަށް ގޮސްފައިވާ ކަމަށްވެސް މައުލޫމާތު ލިބެ އެވެ. ދަތިތަކެއް ކުރިމަތިވެފައިވަނީ ޔުމްނު މެލޭޝިއާއަށް ގެންދަން ކުރާ ދަތުރު ހަމަޖެއްސުމަށެވެ.

ފަސޭހައިން މިކަން ކުރުމަށް އާއިލާއިން ސަރުކާރުގައި އެދުނީ މި ފެށޭ ހަފުތާ މޯލްޑިވިއަނުން މެލޭޝިއާއަށް ކުރާ ޗާޓަރު ދަތުރުތަކުން ދަތުރެއްގައި ޔުމްނު ގެންދެވޭނެ ގޮތް ހަދައިދިނުމަށެވެ. ނަމަވެސް އެކަން ހަމަޖެހޭ ގޮތް ވެފައެއް ނުވެ އެވެ.

މި ފުލައިޓުތަކުން ޖާގަ ނުލިބޭ ސަބަބެއްގެ ގޮތުގައި ސަރުކާރުން ބުނަނީ މޯލްޑިވިއަނުން މި ދަތުރުކުރާ ވައިޑް ބޮޑީ އެއާކްރާފްޓުގައި ސްޓްރެޗާ ހަރުކުރުމުގެ ހުއްދަ މިހާތަނަށް ލިބިފައި ނެތުމެވެ. މައުލޫމާތު ލިބިފައިވާ ގޮތުން މި ލައިސަންސަށް ޓްރާންސްޕޯޓް މިނިސްޓްރީގައި އެދިފައިވަނީ މީގެ ދެ މަހެއްހާ ދުވަސް ކުރިންނެވެ.

އެކަން ނުވުމުން މޯލްޑިވިއަންގެ އިތުރު ބޯޓެއްގައި މެލޭޝިއާއަށް ގެންގޮސްދިނުމަށް އެދުމުންވެސް މިހާތަނަށް އެކަށީގެންވާ ޖަވާބެއް ލިބިފައި ނުވާ ކަމަށް މައުލޫމާތު ލިބިފައިވެ އެވެ. އާއިލާއިން މިހާރު މަސައްކަތް ކުރަމުންދަނީ އިތުރު އެއާލައިނެއްގައި ނަމަވެސް ވީހާވެސް އަވަހަކަށް ޔުމްނު މެލޭޝިއާއަށް ގެންދިއުމަށެވެ.

މި ހާދިސާ ހިނގިތާ ހަ ދުވަސް ފަހުން ފުލުހުން ރޭ އިރާކޮޅު ފުލުހުން ވަނީ އެ މައްސަލައިގައި ތުހުމަތުކުރެވޭ ރައުދު އަަހުމަދު ޒިލާލް 21، ހައްޔަރުކޮށްފަ އެވެ. މީގެއިތުރުން އެ މައްސަލައިގައި ހިމެނޭ ކަމަށް ތުހުމަތު ކުރެވޭ ހަތް މީހެއްގެ ފޯނު ވެސް ހިފެހެއްޓީ އިއްޔެ އެވެ.

ހާދިސާއަށް ހަ ދުވަސް ވެގެން ދިޔައިރު، މިއީ މާބޮޑު މައްސަލައެއްގެ ގޮތުގައި ފުލުހުން ތަހުގީގު ކުރަމުން ގޮސްފައެއް ނުވެ އެވެ. މި މައްސަލައަށް ހާއްސަ ސަމާލުކަމެއް ދީގެން ތަހުގީގުކުރަން ފެށީ މި މައްސަލައާ ގުޅިގެން އެކި ފަރާތްތަކުން ސޯޝަލް މީޑިއާގައި ފުލުހުންނަށާއި، ސަރުކާރަށް ވަރަށް ބޮޑަށް ފާޑު ކިޔަން ފެށުމުންނެވެ.

މި ތަހުގީގުގެ ފޮރުވުންތައް ގިނަ ކަމާއި ފުލުހުން ދޮގު މައުލޫމާތު ދެމުންދާ ކަމަށް ބުނެ ގިނަ ބަޔަކު ދަނީ ފުލުހުންނަށާއި ސަރުކާރަށް ފާޑުކިޔަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox