ތެލުގެ އަގު ބޮޑުވުމާ ގުޅިގެން ޓެކްސީގެ އަގުތައް މުރާޖާ ކުރުމަށް ސަރުކާރަށް ގޮވާލައިފި

ހުޅުލޭގައި ދެ ޓެކްސީއެއް ދުއްވާފައި ދަނީ --- ފޮޓޯ: އަދަދު

ހުޅުލޭގައި ދެ ޓެކްސީއެއް ދުއްވާފައި ދަނީ --- ފޮޓޯ: އަދަދު

ބާޒާރުގައި ތެލުގެ އަގު އުފުލެމުންދާ ދިޔުމާ ގުޅިގެން މާލެ ސަރަހައްދުގައި ޓެކްސީގެ ހިދުމަތްދޭ އަގުތައް މުރާޖާ ކުރުމަށް ޓެކްސީ އެސޯސިއޭޝަންގެ ފަރާތުން ސަރުކާރަށް ގޮވާލައިފި އެވެ.

އެ އެސޯސިއޭޝަނުން ނެރުނު ނޫސްބަޔާނެއްގައި ބުނީ ތެލުގެ އަގަށް އެސްޓީއޯއިން ގެނައި ބަަދަލާ ގުޅިގެން އިގުތިސާދީ ގޮތުން އެތައް ދަތިތަކެއް ޓެކްސީ ޑްރައިވަރުންނަށް ކުރިމަތިވެފައިވާ ކަމަށެވެ. އަދި، ޓެކްސީގެ ހިދުމަތް ދިނުމުގައި ޑްރައިވަރުންނަށް ދިމާވެފައިވާ ދަތިތަކަށް ހައްލެއް ހޯދައިދިނުމަށް އެކަށީގެންވާ ފިޔަވަޅުތަކެއް ސަރުކާރުތަކުން އަޅާފައި ނުވާ ކަމަށް ޓެކްސީ އެސޯސިއޭޝަނުން ބުންޏެވެ.

"ތެލުގެ އަގު އުފުލުމާ ގުޅިގެން ޓެކްސީ ދަތުރުތަކުގެ އަގުތައް މުރާޖާކޮށް އިންސާފުވެރި ބަދަލެއް ގެނައުމަށް ޑްރައިވާސް އެސޯސިއޭޝަނުން ސަރުކާރަށް ގޮވާލާމެވެ، އަދި މިކަމާ ގުޅޭގޮތުން ކަމާބެހޭ ހުރިހާ ފަރާތްތަކާއެކު މަޝްވަރާކުރުމަށް މި ޖަމިއްޔާއިން މިހާރު ވާނީ ޓްރާންސްޕޯޓް މިނިސްޓްރީގައި ރަސްމީކޮށް އެދިފައެވެ." ޓެކްސީ އެސޯސިއޭޝަނުން ނެރުނު ބަޔާނުގައި ބުންޏެވެ.

titledesc

ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުތަކާ އެއްގޮތަށް ރާއްޖޭގައި ތެލުގެ އަގު ބަދަލުކުރި ނަމަވެސް ޓެކްސީ ޑްރައިވަރުންގެ ދިރިއުޅުމުގެ ހަރަދުތައް ދެނެގަނެ ސަރުކާރާއި ކަމާބެހޭ ފަރާތްތަކުން ޑްރައިވަރުންނަށް ފަހިވާނެ ފިޔަވަޅުތަކެއް އަޅަމުން ނުދާތީ އެ އެސޯސިއޭޝަނުން ވަނީ ކަންބޮޑުވުން ފާޅުކޮށްފަ އެވެ.

ތެލުގެ އަގަށް އަންނަ ބަދަލުތަކާ ގުޅިގެން ޓެކްސީ ޑްރައިވަރުންނަށް ކުރިމަތިވަމުންދާ ދަތިތަކަށް ހައްލެއް ހޯދައިދިނުމަށް ސަމާލުކަން ނުދީފިނަމަ، ހާލަތު އިތުރަށް ގޯސްވެދާނެ ކަމަށް އެ ބަޔާނުގައި ބުންޏެވެ.

"މި ކަންބޮޑުވުންތަކަށް އެކަށީގެންވާ ސަމާލުކަމެއް ނުދީފިނަމަ، ޑްރައިވަރުންގެ މެދުގައި އޮތް ހިތްހަމަނުޖެހުން ބޮޑުވެ، އޭގެ ސަބަބުން ކުރިމަތިވެދާނެ އެންމެހައި ކަންކަމުގެ ޒިންމާ އުފުލަންޖެހޭނީ ކަމާބެހޭ މުއައްސަސާތަކުން ކަމުގައި މިޖަމިއްޔާއިން ދެކެމެވެ." ޓެކްސީ އެސޯސިއޭޝަނުން ނެރުނު ބަޔާނުގައި ބުންޏެވެ.

އެހެންކަމުން ހާލަތު އިތުރަށް ގޯސްވުމުގެ ކުރިން، ޒިންމާދާރުކަމާއެކު މަޝްވަރާކޮށްގެން އެ މައްސަލައަށް ދާއިމީ އަދި އިންސާފުވެރި ހައްލެއް ހޯދައިދިނުމަށް އެ އެސޯސިއޭޝަނުން ވަނީ ޓްރާންސްޕޯޓް މިނިސްޓްރީއަށް އިލްތިމާޒްކޮށްފަ އެވެ.

ޓެކްސީގެ އަގުތަކަށް އައި ބަދަލުގެ ތާރީހު

މާލޭގައި ޓެކްސީ ދަތުރު އެންމެ ފުރަތަމަ ކުރަމުން އައީ ދަތުރަކަށް 10ރ. އާއި 15ރ. އާ ދެމެދުގެ އަގުތަކެއްގަ އެވެ. މާލޭގައި ކުރާ ޓެކްސީ ދަތުރުތަކުގެ އަގުތަކަށް ރަސްމީކޮށް ފުރަތަމަ ފަހަރަށް ބަދަލު ގެނައީ ނޮވެމްބަރު 17، 2007 ގަ އެވެ. އޭރު ކަނޑައެޅީ މާލޭގައި ޓެކްސީ ދަތުރެއް ކުރެވޭނެ އަގަކީ 20ރ. ކަމަށެވެ. އޭގެފަހުން ޖޫން 26، 2008 ގައި އެ އަގު 25ރ. އަށް ބޮޑުކުރި އެވެ.

އެއަށްފަހު ޓެކްސީގެ އަގުތަކަށް ދެން ބަދަލު ގެނެސްފައި ވަނީ ޑިސެމްބަރު 15، 2013 ގައި ގެޒެޓުކުރި ޓެކްސީ ގަވާއިދުގަ އެވެ. އެ ގަވާއިދުގައި ވާގޮތުން ރޭގަނޑު 12 ގެ ފަހުން 30ރ. ނެގޭނެ ކަމަށާއި ޑިކީއަށް ދާގީނާއެއް ލައިގެން ކުރާނަމަ، އިތުރަށް 5.ރ އަދި އެއަށްވުރެ ގިނަ ދާގީނާ އަރުވާނަމަ، އިތުރަށް 10ރ. ނެގެ އެވެ. އޭގެ އިތުރުން ގަޑި ދަތުރުތަކުގެ އަގުތައް ވެސް އެ ގަވާއިދުގައި ބަޔާން ކުރި އެވެ.

އެ ގަވާއިދަށް ފުރަތަމަ ފަހަރަށް އިސްލާހެއް ގެނެސް ޓެކްސީގެ އަގުތަކަށް ބަދަލު ގެނައީ ހުޅުމާލެ އާއި މާލެއާ ދެމެދު ސިނަމާލެ ބްރިޖު އަޅައި ދަތުރުފަތުރު ކުރެވެން ފެށުމުންނެވެ.

ސެޕްޓެމްބަރު 10، 2018 ގައި އޭރުގެ ޓްރާންސްޕޯޓް އޮތޯރިޓީން ކުރި އިއުލާނުގައި ކަނޑައެޅީ، މާލެ އާއި ހުޅުލެ އާ ދެމެދު ނުވަތަ ހުޅުމާލެ އާއި ހުޅުލެ އާ ދެމެދު ކުރާ ދަތުރެއްގެ އަގަކީ 35ރ. ކަމަށެވެ. އަދި ހުޅުމާ އާއި މާލެއާ ދެމެދު ކުރާ ދަތުރެއްގެ އަގަކީ 40ރ. ކަމަށް އެ އިއުލާނުގައި ކަނޑައެޅި އެވެ. ޑިކީއަށް ދާގީނާއެއް އަރުވައިގެން ކުރާ ދަތުރެއް ނަމަ، ދަތުރު ފީގެ އިތުރުން 5ރ. ނެގޭނެ ކަމަށް އެ އިއުލާނުގައި ބުންޏެވެ.

އެ އަގުތައް މުރާޖާކޮށް، ޓެކްސީ އަގުތައް އަލުން ބަދަލުކުރީ ޖުލައި 31، 2019 ގަ އެވެ. އެ ފަހަރު ގެނައި ބަދަލުގައި މާލެ އާއި ހުޅުލެއާ ދެމެދު ނުވަތަ ހުޅުމާލެ އާއި ހުޅުލެއާ ދެމެދުގެ ދަތުރެއްގެ އަގަކީ 60ރ. ކަމަށް ކަނޑައެޅި އެވެ. އަދި، މާލެ އާއި ހުޅުމާލެއާ ދެމެދު ކުރާ ދަތުރުތަކުގެ އަގަކީ 75ރ. ކަމަށް އެ އިއުލާނުގައި ކަނޑައެޅި އެވެ.

ޓެކްސީގެ އަގުތަކަށް ދެން ބަދަލު ގެނައީ ހުޅުމާލޭގެ ދެވަނަ ފިޔަވަހީގައި މީހުން އާބާދުވެ ދިރިއުޅެން ފެށި ހިސާބުންނެވެ. ފެބްރުއަރީ 3، 2021 ގައި ކުރި އިއުލާނުގައި ކަނޑައެޅީ މާލެ އާއި ހުޅުމާލެ ދެވަނަ ފިޔަވައްސާ ދެމެދު ކުރާ ދަތުރެއްގެ އަގަކީ 90ރ. ކަމަށެވެ. އަދި ހުޅުމާލެ ދެވަނަ ފިޔަވައްސާއި ހުޅުލެ އާ ދެމެދު ކުރާ ދަތުރެއްގެ އަގަކީ 75ރ. ކަމަށެވެ. އޭގެ އިތުރުން ހުޅުމާލެ ދެވަނަ ފިޔަވައްސާއި ފުރަތަމަ ފިޔަވައްސާ ދެމެދު ކުރާ ދަތުރެއްގެ އަގަކީ 40ރ. ކަމަށް އެ ފަހަރު ކަނޑައެޅި އެވެ.

މާލެ ސަރަހައްދުގައި ޓެކްސީގެ ހިދުމަތް ދިނުމަށް މިހާރު ނަގާ އަގުތައް ސަރުކާރުން ކަނޑައެޅީ 2024 ގަ އެވެ. މެއި 14، 2024 ގައި ޓްރާންސްޕޯޓް މިނިސްޓްރީން ކުރި އިއުލާނުގައި ހަ ސީޓަށްވުރެ ދަށުގެ އުޅަނދާއި ހަތް ސީޓާއި 10 ސީޓާ ދެމެދުގެ އުޅަނދުގެ އަގުތައް ކަނޑައެޅި އެވެ. އެއީ:

ޓެކްސީގެ އަގުތަކަށް އެންމެފަހުން ސަރުކާރުން ގެނައި ބަދަލު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox