އެމެރިކާގެ އަސްކަރީ މަތިންދާބޯޓެއް ރާއްޖޭގައި ދެ ދުވަސް ހޭދަކޮށްފި

މި މަހު ކުރީކޮޅު ރާއްޖެއަށް އައި އެމެރިކާ އަސްކަރިއްޔާގެ ބޯޓު : މި ބޯޓު މިހާރު އޮތީ އިޓަލީގައި ---

މި މަހު ކުރީކޮޅު ރާއްޖެއަށް އައި އެމެރިކާ އަސްކަރިއްޔާގެ ބޯޓު : މި ބޯޓު މިހާރު އޮތީ އިޓަލީގައި ---

އެމެރިކާ އަސްކަރިއްޔާގެ މަތިންދާބޯޓެއް ރާއްޖެ އައިސް، ވެލާނާ އިންޓަނޭޝަނަލް އެއާޕޯޓުގައި ދެ ދުވަސް ހޭދަކޮށްފި އެވެ.

މި މަހުގެ 9، ގައި ރާއްޖެ އައީ އެމެރިކާ އަސްކަރިއްޔާގެ Beechcraft UC-12F Huron މަރުކާގެ މަތިންދާ ބޯޓެކެވެ. އެ ބޯޓު ވެލާނާ އިންޓަނޭޝަނަލް އެއާޕޯޓަށް ދަތުރުކުރީ އަވައްޓެރި ސްރީލަންކާގެ ވެރިރަށް ކޮލަމްބޯ އިންނެވެ.

އެ ބޯޓު ވެލާނާ އެއާޕޯޓުން ފުރީ އޭޕްރީލް 11، ގަ އެވެ. ރާއްޖެއިން ފުރައިގެން ބޯޓު ދިޔައީ ސީޝެލްސްގެ މަހެ އައިލެންޑަށެވެ.

Advertisement

އޭގެފަހުން އެ ބޯޓު ދަތުރުކުރި ގައުމުތަކުގެ ތެރޭގައި ކެންޔާ، އިތިއޯޕިއާ، ޔަމަން، ބަހްރެއިން، ސައިޕްރަސް، އަދި އިޓަލީ ހިމެނެ އެވެ. އެންމެ ފަހުން ގޮސްފައިވަނީ އިޓަލީގެ މިލާން އަށެވެ.

މީގެތެރެއިން ގިނަ ގައުމުތަކުގައި އެމެރިކާގެ އަސްކަރީ މަރުކަޒުތައް ހުރެ އެވެ. ދެން ހުރި ގައުމުތަކަކީ އެމެރިކާގެ އަސްކަރީ މިތުރުން ނުވަ އެ ގައުމުން އަސްކަރީ ހަރަކާތްތައް ހިންގަމުންދާ ގައުމުތަކެވެ. މިފަދަ ލިސްޓެއްގައި ރާއްޖެ އޮންނަން ޖެހޭ ސަބަބެއް ސާފެއް ނޫނެވެ.

ސައިޒުން ކުޑަ މި ބޯޓު އާންމުކޮށް ބޭނުންކުރަނީ ފަސިންޖަރުންނާއި ކާގޯ އުފުލުމަށް އަދި މެޑިކަލް އެވެކުއޭޝަން ތަކަށެވެ. އެމެރިކާ އަސްކަރިއްޔާގެ މެރިން ކޯ އަދި ނޭވީގެ އިސް އޮފިޝަލުން އުފުލުމަށް ވެސް މި ބޯޓު ބޭނުންކުރެ އެވެ.

ނަމަވެސް، މި ބޯޓު ރާއްޖެ އައި ސަބަބެއް އަދި ރާއްޖޭގައި ދެ ދުވަސް ހޭދަކުރި ބޭނުމެއް ރާއްޖޭގައި ހުންނަ އެމެރިކާގެ އެމްބަސީ އަދި ދިވެހި ސަރުކާރުން ވެސް ސާފުކޮށްދީފައެއް ނުވެ އެވެ.

ސަބަބެއް ހާމަނުކޮށް އެމެރިކާގެ އަސްކަރީ ބޯޓެއް ރާއްޖެ އައިސްފައި މިވަނީ ދިވެހި އަސްކަރިއްޔާއިން ބޮޑެތި އިންވެސްޓްމަންޓުތަކެއް ކޮށްފައިވާ ދަނޑިވަޅެއްގަ އެވެ.

އެމެރިކާ އާއި އިރާނުގެ ނުތަނަވަސްކަމުގެ ތެރެއިން ރާއްޖޭގެ ދެކުނުން އޮންނަ ޑިއެގޯ ގާސީއާއަށް އެ ގައުމުގެ އެންމެ ޒަމާނީ ބޮންއަޅާ ބޯޓުތައް ވަނީ ގެންގޮސްފަ އެވެ. މި މަހުގެ ކުރީކޮޅު އެމެރިކާއިން ޑިއެގޯ ގާސިއާއަށް ފޮނުވި ބީ-2 ބޮންއަޅާ ބޯޓުތައް އަދިވެސް އެ ރަށުގައި އެބަހުއްޓެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox