އިސްތިއުފާ ދެއްވައި ސުއޫދު ފޮނުއްވި ސިޓީ ލިބުނުކަން ކަށަވަރުކޮށްދޭން ޖޭއެސްސީން ދެކޮޅު ހަދައިފި

ޖޭއެސްސީގެ މިދިޔަ އަހަރުގެ އަހަރީ ބައްދަލުވުމުގައި އެ ކޮމިޝަނުގެ ރައީސް އަދި މެންބަރުންތަކެއް ބައިވެރިވަނީ --- ފޮޓޯ: ޖޭއެސްސީ

ޖޭއެސްސީގެ މިދިޔަ އަހަރުގެ އަހަރީ ބައްދަލުވުމުގައި އެ ކޮމިޝަނުގެ ރައީސް އަދި މެންބަރުންތަކެއް ބައިވެރިވަނީ --- ފޮޓޯ: ޖޭއެސްސީ

ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި ސަރުކާރުގެ އިސްވެރިން ސުޕްރީމް ކޯޓަށް ނުފޫޒު ފޯރުވަން މަސައްކަތް ކުރަމުންދާ ކަމަށް ބުނެ މިއަދު އިސްތިއުފާދެއްވި އެ ކޯޓު ފަނޑިޔާރު ހުސްނުއްސުއޫދުގެ އިސްތިއުފާގެ ސިޓީ ލިބުނުކަން ކަށަވަރުކޮށްދޭން ޖުޑީޝަލް ސާވިސް ކޮމިޝަން (ޖޭއެސްސީ) އިން ދެކޮޅު ހަދައިފި އެވެ.

އިސްތިއުފާ ދޭން ނިންމައި ސުއޫދު ފުރަތަމަ ސިޓީއެއް ފޮނުއްވީ ރައީސް މުއިއްޒަށެވެ. އޭގެ ފަހުން މިއަދު މެންދުރު ސުއޫދު ވަނީ ޖޭއެސްސީއަށް ވެސް ސިޓީއެއް ފޮނުއްވައިފަ އެވެ. އެ ސިޓީ ފޮނުއްވިކަން ފަނޑިޔާރު ވަނީ މި ނޫހަށް ކަށަވަރުކޮށްދެއްވައިފަ އެވެ.

ޖޭއެސްސީއަށް އެ ސިޓީ ލިބުނުކަން ކަށަވަރުކުރަން އަދަދު ގެ ނޫސްވެރިން ގުޅުމުން ޖޭއެސްސީގެ ސެކެޓްރީ ޖެނެރަލް އާމިނަތު ނަދާ ހުސެއިން ވިދާޅުވީ އެކަމާ ގުޅިގެން މިވަގުތަށް ކޮމިޝަނުގެ ރަސްމީ ކޮމަންޓެއް ނެތް ކަމަށެވެ.

Advertisement

މީގެ އިތުރުން، ޖޭއެސްސީއަށް އިސްތިއުފާގެ ސިޓީ ލިބުމުން އެ ކޮމިޝަނުން ކޯޓަށް ފޮނުވަން ޖެހޭ ޗިޓު މިހާތަނަށް ފޮނުވާފައި ނުވާ ކަމަށް މި ނޫހާ ވާހަކަ ދެއްކި ސުޕްރީމް ކޯޓުގެ އޮފިޝަލަކު ވިދާޅުވެފައިވެ އެވެ. ނަމަވެސް އިސްތިއުފާގެ ސިޓީ ޖޭއެސްސީއަށް ފޮނުވިކަން ފަނޑިޔާރު ކޯޓަށް ވެސް ކަށަވަރުކޮށްދީފައިވެ އެވެ.

ޖޭއެސްސީއަށް ފޮނުއްވި ސިޓީގައި ސުުއޫދު ވަނީ ރައީސްގެ އިތުރުން ބަންޑާރަ ނައިބު އަހުމަދު އުޝާމް ވެސް ކޯޓަށް ނުފޫޒު ފޯރުވަން މަސައްކަތް ކުރައްވާ ކަމަށް ވިދާޅުވެފަ އެވެ. އަދި މިކަމަށް ފަހިކޮށްދެމުން ދަނީ ޖޭއެސްސީގެ ރައީސް އާއި އޭސީސީގެ ރައީސް ކަމަށް އޭނާ ލިޔުއްވާފައިވެ އެވެ.

ސުއޫދު ވިދާޅުވީ އޭނާ އިސްތިއުފާ ދެއްވަނީ މިކަންކަމަށް އިހުތިޖާޖު ކުރުމުގެ ގޮތުން ކަމަށެވެ.

މަޖިލީހުގެ މެންބަރުންގެ ގޮނޑި ގެއްލުވާލުމުގެ ބާރު ސިޔާސީ ޕާޓީތަކަށް ލިބޭ ގޮތަށް ގާނޫނު އަސާސީއަށް ގެނައި ބަދަލު ބާތިލް ކުރަން ރައްޔިތުންގެ މަޖިލީހުގެ ކުރީގެ މެންބަރު އަލީ ހުސައިން ހުށަހެޅުއްވި މައްސަލަ ބެލުން ހުއްޓުވުމަށްޓަކައި، އޭސީސީއިން މައްސަލައެއް ބަލަމުންދާ ކަމަށް ބުނެ ސަސްޕެންޑުކުރީ ފަނޑިޔާރު ސުއޫދުގެ އިތުރުން، ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު އަދި ފަނޑިޔާރު އަޒްމިރަލްދާ ޒާހިރެވެ.

ފަނޑިޔާރުންގެ ގާނޫނު އޮންނަ ގޮތުން އެއްވެސް ކޯޓެއްގެ ފަނޑިޔާރަކު އިސްތިއުފާ ދިން ކަން ޖޭއެސްސީއަށް އެންގުމުން އިސްތިއުފާ ދެވުނީ އެވެ. އިސްތިއުފާ ބަލައިނުގަތުމުގެ ހައްގެއް އެ ކޮމިޝަނަކަށް ނުލިބެ އެވެ. ނަމަވެސް ޖޭއެސްސީން ސުއޫދުގެ އިސްތިއުފާ ބަލައިނުގަންނާން ނިންމާފައިވާ ކަމަށް ބައެއް ނޫސްތަކުން މިއަދު ރިޕޯޓުކުރި އެވެ.

ސުއޫދު އިސްތިއުފާ ދެއްވިއިރު ސުޕްރީމް ކޯޓުގެ ފަނޑިޔާރުންގެ އަދަދު ހަތަކުން ފަހަކަށް ބަދަލުކުރަން ގާނޫނަށް ބަދަލު ގެންނަން މަޖިލީހުން މިދިޔަ ހަފުތާ ފާސްކުރި އެވެ. ފާސްކުރިތާ ހަ ދުވަސް ވެފައިވާއިރު މިހާތަނަށް ރައީސް އެ ބިލު ތަސްދީގުކުރައްވާފައެއް ނުވެ އެވެ. އެކަމަށް ރައީސަށް 15 ދުވަހުގެ މުހުލަތެއް ލިބޭއިރު އަވަސް އަރުވާލައިގެން ފާސްކުރި ބިލު ތަސްދީގުކުރުން ލަސްވާ ސަބަބެއް ސަރުކާރުން ހާމަކޮށްފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox