މީގެ ތިން އަހަރު ކުރިން ސަރުކާރުން އޯޑަރު ކުރި ރާއްޖޭގެ ފުރަތަމަ ސޯލާ ފެރީ އެޕްރިލް މަހު ގެންނަނީ

ރާއްޖެއަށް ގެންނަ ފުރަތަމަ ސޯލާ ފެރީ: އަންނަ އެޕްރިލް މަހުގެ ތެރޭގައި ގެނައުމަށް ވަނީ ހަމަޖެހިފައި

ރާއްޖެއަށް ގެންނަ ފުރަތަމަ ސޯލާ ފެރީ: އަންނަ އެޕްރިލް މަހުގެ ތެރޭގައި ގެނައުމަށް ވަނީ ހަމަޖެހިފައި

އިންޑިއާގެ އެންމެ ބޮޑު ސޯލާ އިލެކްޓްރިކް ބޯޓް މެނުފެކްޗަރުން ކަމަށްވާ ނަވަލްޓް އިން ރާއްޖޭގައި ބޭނުންކުރުމަށް އުފައްދާ ސޯލާ ފެރީ އަންނަ އެޕްރިލް މަހު ރާއްޖެ ގެންނަ ގޮތަށް ހަމަޖެހިފައިވާ ކަމަށް އިންޑިއާގެ ނޫސްތަކުން ބުނެފި އެވެ.

އެއީ މީގެ ތިން އަހަރު ކުރިން 2022 ވަނަ އަހަރު ސަރުކާރުން އޯޑަރު ކުރި ފެރީއެކެވެ.

ނަވަލްޓްގެ ސީއީއޯ ސަންދިތު ތަންޑަޝެރީއާ ހަވާލާދީ އިންޑިއަން އެކްސްޕްރެސް ނޫހުން ބުނެފައި ވަނީ އެ ފެރީގެ މެއިން ސްޓްރަކްޗާ ނިމި، އިންޓީރިއާ އަދި ކުލަ ކުލުމުގެ މަސައްކަތް މާޗު މަހަށް ނިންމާލެވޭނެ ކަމަށެވެ.

"ބޯޓުގެ މެއިން ސްޓްރަކްޗާ މިހާރު ވަނީ ނިމިފައި. އިންޓީރިއާ މަސައްކަތާއި ކުލަ ލުން މާޗުގެ ނިޔަލަށް ނިމޭނެ. މިއީ އަހަރުމެން މިފަދަ ޕެސެންޖާ ފެރީއެއް އެކްސްޕޯޓްކުރަން ތައްޔާރުވަމުންދާ ފުރަތަމަ ފަހަރު،" އޭނާ ވިދާޅުވި އެވެ.

"އެޕޯލޯ" ގެ ނަމުން ނަން ދީފައިވާ އެ ސޯލާ ފެރީއަކީ ރާއްޖޭގެ މާހައުލަށް ހާއްސަކޮށް ބަންނަމުންދާ ފެރީއެކެވެ. މިގޮތުން އެ ފެރީ ބަނދެފައި ވަނީ ކަނޑުގަދައިރު ވެސް ދުއްވަން އެކަށީގެންވާ ގޮތަށެވެ.

އެ ސޯލާ ފެރީގައި 50 ކިލޯވޮޓްގެ މަންޓާ ޑީއެންވީ އެޕްރޫވްޑް އެލްއެފްޕީ ބެޓަރީ ޕެކާ އެކު 40 ކިލޯވޮޓްގެ އިންބޯޑް އިލެކްޓްރިކް މޮޓޯސް ހަރުކޮށްފައި ހުރެ އެވެ. އަދި 25 ކިލޯވޮޓްގެ ސޯލާ ޕެނަލްއެއް ފެރީގެ މަތީގައި ހަރުކޮށްފައި ހުރެ އެވެ.

ފިނޭންސް މިނިސްޓްރީން އޯޑަރު ދީގެން ބަންނަ އެ ސޯލާ ފެރީއަށް 577,039 ޑޮލަރު ހަރަދުވާ ކަމަށް ރިޕޯޓްތައް ބުނެ އެވެ. އެ ބޯޓުގެ ދިގު މިނުގައި 26 މީޓަރު ހުންނައިރު، ފުޅާ މިނުގައި ހުންނަނީ ހަތް މީޓަރެވެ.

މިއީ ރާއްޖޭގައި ބޭނުންކުރާ މިފަދަ ފުރަތަމަ ސޯލާ ފެރީ އެވެ. ސަރުކާރުން އެ ފެރީ ބޭނުންކޮށްގެން ހިދުމަތް ދިނުމަށް ހަމަޖެހިފައިވާ ގޮތެއް މިހާތަނަށް ހާމަ ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox