މަކަރާއި ހީލަތުގެ މައްސަލައެއްގައި ތުހުމަތު ކުރެވޭ މީހަކު ދެނެގަތުމަށް ފުލުހުން ފޮޓޯއެއް އާއްމުކޮށްފި އެވެ.
ފުލުހުން ބުނީ ފޮޓޯއިން ފެންނަ މީހާ ހޯދަން ބޭނުންވަނީ މަކަރާއި ހީލަތުގެ މައްސަލައަކަށް ތުހުމަތު ކުރެވިގެން ފުވައްމުލަކު ސިޓީ ޕޮލިހުން ކުރަމުންދާ ތަހުގީގަކަށް ކަމަށް ކަމަށެވެ.
ތުހުމަތުކުރެވޭ މީހާގެ ފޮޓޯ އާންމުކުރި ސަބަބު ހިއްސާކުރަމުން ފުލުހުން ބުނީ މިހާތަނަށް އެ މީހާއަކީ ކާކުކަން ދެނެގަތުމަށް ފުލުހުން ކުރި މަސައްކަތުން އެއީ ކާކުކަން ނޭގޭ ކަމަށެވެ.
ފޮޓޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ ފުވައްމުލަކު ޕޮލިސް ސްޓޭޝަންގެ ނަންބަރު 9792803 ނަންބަރަށް ގުޅައި މައުލޫމާތު ހިއްސާ ކުރަން ފުލުހުން އެދެ އެވެ.
މަކަރާއި ހީލަތުގެ މައްސަލަތައް ރާއްޖޭގައި ދުވަހެއް ދުވަހަކަށް ދަނީ އިތުރުވަމުންނެވެ. މިގޮތުން އެފަދަ ގިނަ މައްސަލަތަކެއް ފުލުހުން ދަނީ ތަހުގީގު ވެސް ކުރަމުންނެވެ.
