ގެމަނަފުށި ސްކޫލު ޕްރިންސިޕަލްގެ މައްޗަށް ބޮޑެތި ތުހުމަތުތަކެއްކޮށް، ވަކިކުރަން 100 ބެލެނިވެރިންގެ ޕެޓިޝަނެއް

ގއ. ގެމަނަފުށި ސްކޫލު ޕްރިންސިޕަލް އަހްމަދު ހަބީބު: އޭނާގެ މައްޗަށް ބޮޑެތި ތުހުމަތުތަކެއްކޮށް މަގާމުން ވަކި ކުރަން ސްކޫލުގެ 100 ބެލެނިވެރިން ސޮއިކޮށް އެޑިއުކޭޝަނަށް ޕެޓިޝަނެއް ވަނީ ހުށަހަޅާފައި -- ފޮޓޯ: ކިޔުންތެރިއެއް

ގއ. ގެމަނަފުށި ސްކޫލު ޕްރިންސިޕަލް އަހްމަދު ހަބީބު: އޭނާގެ މައްޗަށް ބޮޑެތި ތުހުމަތުތަކެއްކޮށް މަގާމުން ވަކި ކުރަން ސްކޫލުގެ 100 ބެލެނިވެރިން ސޮއިކޮށް އެޑިއުކޭޝަނަށް ޕެޓިޝަނެއް ވަނީ ހުށަހަޅާފައި -- ފޮޓޯ: ކިޔުންތެރިއެއް

ގއ. ގެމަނަފުށި ސްކޫލު ޕްރިންސިޕަލް އަހްމަދު ހަބީބުގެ މައްޗަށް ބޮޑެތި ތުހުމަތުތަކެއްކޮށް، ވަކިކުރަން 100 ބެލެނިވެރިންގެ ޕެޓިޝަނެއް އެޑިއުކޭޝަން މިނިސްޓްރީއަށް ހުށަހަޅައިފި އެވެ.

ގެމަނަފުށި ސްކޫލުގެ ބެލެނިވެރިން "އަދަދު" އަށް ބުނީ އެ ޕެޓިންޝަން މިދިޔަ ޑިސެމްބަރު މަހު ހުށަހެޅުމުން، ޕެޓިޝަނަށް ރިއާއަތް ކުރުމަށްފަހު ހަބީބު އެހެން ސްކޫލަކަށް ބަދަލު ކުރާނެ ކަމުގެ އެޑިޔުކޭޝަން މިނިސްޓްރީން ޔަގީންކަން ދިން ނަމަވެސް، މި އަހަރު ސްކޫލު ފެށުނުއިރު ވެސް އޭނާ ވަކި ނުކުރާ ކަމަށެވެ.

އެގޮތުން މައްސަލައަށް ހައްލެއް ނުލިބޭނަމަ ކުރިއަށް އޮތް ދުވަސްތަކުގައި އިހުތިޖާޖަށް ނިކުންނާނެ ކަމަށް ވެސް އެ ސްކޫލުގެ ބެލެނިވެރިން މި ނޫހަށް ވަނީ މައުލުމާތު ދީފަ އެވެ.

Advertisement

ގެމަނަފުށީ ސްކޫލުގެ ބެލެނިވެރިން ހުށަހެޅި ޕެޓިޝަންގައި ބުނީ ހަބީބު ސްކޫލާ ހަވާލުވިފަހުން ކިޔެވުމަށް ވުރެ ބޮޑަށް ކުޅިވަރަށް އިސްކަން ދޭތީ، ދަރިވަރުންގެ ކިޔެވުން ދުވަހަކަށް ވުރެ ދުވަހެއް ދަށްވެ ފާއިތުވި 15 އަހަރު ތެރޭގައި ދަށްނުވާ ވަރަށް ދަރިވަރުންގެ ނަތީޖާ ދަށްވެފައިވާ ކަމަށެވެ.

"ފާއިތުވި 15 އަހަރު ތެރޭގައި ދަށްނުވާ ވަރަށް، ގެމަނަފުށީ ސްކޫލުގެ ދަރިވަރުންގެ ނަތީޖާ ވަނީ މި ޕްރިންސިޕަލް ސްކޫލާއި ހަވާލުވި ފަހުން ވަރަށް ބޮޑަށް ދަށްވެފައި. އަދި އަހުމަދު ހަބީބް ސްކޫލާއި ހަވާލުވިފަހުން ކިޔެވުމަށްވުރެ ބޮޑަށް ކުޅިވަރަށް އިސްކަންދޭކަން ފާހަގަކުރެވޭ. އެގޮތުން އަހަރަކު ތިންހަތަރު ފަހަރު އެކި ނަންނަމުގައި ސްކޫލުގެ ދަރިވަރުން ގޮވައިގެން އައްޑޫ ފަދަ ތަންތަނަށް ދަތުރު ކުރޭ،" ބެލެނިވެރިން ހުށަހެޅި ޕެޓިޝަންގައި ބުންޏެވެ.

ދަތުރުތަކަށް ބެލެނިވެރިން އަތުން ހަރަދު ހޯދުމަށް އެދެމުންދާކަން ބެލެނިވެރިން ދަނީ ފާހަގަކޮށް އެކަމާ ހިތްހަމަނުޖެހުން ފާޅުކޮށް، އެފަދަ ދަތުރުތަކަށް ހަރަދު ނުކުރެވޭ ދަރިވަރުންގެ ބެލނިވެރިން ޝަކުވާ ކުރުމުން އެ ދަރިވަރުން ބާކީ ކޮށްލާނެ ކަމަށް އިންޒާރުދޭ ކަމަށް ވެސް ޕެޓިޝަންގައި ބުންޏެވެ.

ޕެޓިޝަންގައި އިތުރަށް ބުނީ ކުޅިވަރުގެ އެކި ހަރަކާތްތައް ރާވަނީ ވެސް ހަބީބު ނިސްބަތްވާ އައްޑޫ ސިޓީގައި ކަމަށެވެ. އަދި އެ ދަތުރުތަކުގައި އެކި މުއައްސަސާތަކުން އެހީގެ ގޮތުގައި ހޯދާ ފައިސާއަށް ވާނުވާ ނޭގުމާއި ޕްރިންސިޕަލް އެ ފައިސާ ނަހަމަ ގޮތުގައި ބޭނުން ކުރާ ކަމުގެ ތުހުމަތު ވެސް ކުރެވޭ ކަމަށް ޕެޓިޝަނުގައިވެ އެވެ.

"ސްކޫލް ޓީޗަރުންނާއި ބެލެނިވެރިންގެ މެދުގައި ދޭތެރެ ޖެއްސުމާއި ފިތުނަވެރި ވާހަކަ ދެއްކުން އިންތިހާއަށް ވަނީ ބޮޑުވެފައި. ދަރިވަރުން ކައިރީގައި ޓީޗަރުންގެ ވާހަކަ ދެއްކުމާއި، ޓީޗަރުން ކައިރީގައި ދަރިވަރުންގެ ވާހަކަ ދައްކައި ފިތުނަ އުފެއްދުން ވަނީ އާންމު ކަމަކަށްވެފައި،" ޕެޓިޝަންގައި ބުންޏެވެ.

މީގެ އިތުރުން ބެލެނިވެރިންނަށް ސްކޫލް ބަންދު ގަޑީގައި އާއި ދަންވަރު ގަޑިތަކުގައި ހަބީބް ގުޅައި ބޭއަދަބީ ވާހަކަ ދައްކާ މައްސަލަ ވެސް ފާހަގަކޮށްފަ އެވެ. އަދި އެކަމުގެ ސަބަބުން ދަރިވަރުން ސްކޫލުގައި ދަރިވަރުންނާއި ދިމާކުރުމާއި، ދަރިވަރުންގެ ބެލެނިވެރިންނާއި ޕްރިންސިޕަލާ އަޅުވާކިޔުން ވަނީ އާންމުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox