ހުލާސާކޮށް އިއްޔެ: ޓީޗަރުން ސޯޝަލް މީޑިއާގައި ޝުއޫރުފާޅުކުރާތީ މިނިސްޓްރީގެ ނުރުހުން

Feb 23, 2026, 3:06 AM
އެޑިއުކޭޝަން މިނިސްޓްރީގެ ޕީއެސް ޝިފާޒް މުހައްމަދު

އެޑިއުކޭޝަން މިނިސްޓްރީގެ ޕީއެސް ޝިފާޒް މުހައްމަދު

ސޯޝަލް މީޑިއާގައި ޓީޗަރުން ޝުއޫރުފާޅުކުރާތީ އެޑިއުކޭޝަން މިނިސްޓްރީން ނުރުހުން ފާޅުކޮށްފި ކަމަށް އިއްޔެ ރިޕޯޓުކުރި އެވެ.

މިދިޔަ ހަފުތާގައި ރާއްޖޭގެ ހުރިހާ ސްކޫލެއްގެ ޕްރިންސިޕަލުންނާއެކު ބޭއްވި ބައްދަލުވުމެއްގައި ޓީޗަރުން ސޯޝަލް މީޑިއާގައި ޝުއޫރުފާޅުކުރުމާ ގުޅޭގޮތުން ނުރުހުން ފާޅުކުރެއްވީ އެޑިއުކޭޝަން މިނިސްޓްރީގެ ޕާމަނަންޓް ސެކެޓްރީ ޝިފާޒް މުހައްމަދު އެވެ.

ޓީޗަރުންނާމެދު ޝިފާޒް ނުރުހުން ފާޅުކޮށްފައިވާ އޯޑިއޯ ސޯޝަލް މީޑިއާގައި ދަނީ ދައުރުވަމުންނެވެ. އެއީ ސައްހަ އޯޑިއޯއެއްތޯ ޔަގީންކުރުމަށް ޝިފާޒަށް ގުޅުމުން އޭނާ ވަނީ އެއީ ސައްހަ އޯޑިއޯއެއްކަން ކަށަވަރުކޮށްދީފަ އެވެ.

އެ ބައްދަލުވުމުގައި އެއްވެސް ޓީޗަރަކު ސިޔާސީ އޮއިވަރުގައި ނުޖެހި އެއީ ރައްޔިތުންނަށް ހިދުމަތް ކޮށްދޭން ތިބި ބައެއްކަން ހަދުމަކޮށްދޭން ޕްރިންސިޕަލުން ކިބައިން ޝިފާޒް ވަނީ އެދިވަޑައިގެންފަ އެވެ.

"ހުރިހާ ބޭފުޅުންނަށް ވެސް ދަންނަވާތި އެހެން އަންނަ އެކިއެކި ސިޔާސީ އޮއިވަރުގައި އެއްވެސް ބޭފުޅަކު ނުޖެހުމަށް އެނގޭތޯ. އަޅުގަނޑުމެންނަކީ މީ ކޮމިއުނިޓީއަށް ހިދުމަތް ދޭން ތިބި ބައެއް. ޕަބްލިކް ސާވެންޓުން އަޅުގަނޑުމެންނަކީ. އެނގޭތޯ؟،" ޝިފާޒް ވިދާޅުވި އެވެ.

ޝިފާޒް ވިދާޅުވީ އެއްވެސް ޓީޗަރަކު ސިޔާސީ އޮއެވަރުގައި ޖެހިގެން އުޅޭ ކަމަށްވާނަމަ، ޓީޗަރުން ދޭ ހިދުމަތާ މެދު ސުވާލު އުފައްދާނެ މީހުން ވެސް އުޅޭނެ ކަމަށާއި އެހެންކަމުން އެއްވެސް ޓީޗަރަކު ވަކި އަތަކަށް ޖެހިގެން ވާހަކަ ދައްކައިގެން ނުވާނެ ކަމަށެވެ.

"އެހެންވީމަ އެއްވެސް އަތަކަށް އެއްވެސް ބޭފުޅަކު ޖެހިއްޖެކަމަށްވަންޏާ ހަގީގަތުގައި އަޅުގަނޑުމެންނަށް ދޭ ހިދުމަތާ ދޭތެރޭގައި ހިތްހަމަނުޖެހި ޝައްކު އުފެދޭ ރައްޔިތުން ތިބޭނެ. އަޅުގަނޑުމެން ތިބެންވާނީ އަބަދުވެސް ހަމަ ނިއުޓްރަލްކޮށް. އެެހެންވީމަ އެއްވެސް ވަކި އަތަކަށް، ވަކި ގޮތަކަށް އެގޮތަށް ވާހަކަ ނުދެއްކުމަކީ އަޅުގަނޑުގެ ވަރަށް ބޮޑު އެދުމެއް. އެނގޭތޯ. އެހެން ވާހަކަ ދައްކައިގެންވެސް ނުވާނެ،" އޭނާ ވިދާޅުވި އެވެ.

ސޯޝަލް މީޑިއާގައި އިދާރާއަކުން އާންމުކުރާ ކޮންމެ އެއްޗަކަށް ރައްދުދޭ ޓީޗަރުން ތިބޭކަން ފާހަގަކުރައްވައި ޝިފާޒް ވިދާޅުވީ އެފަދަ ކޮމެންޓްތައް ބެލެނިވެރިންނަށް ވެސް ފެންނާނެ ކަމަށެވެ. މިގޮތުން އެފަދައިން ކޮމެންޓުކޮށް ޝުއޫރުތައް ފާޅުނުކުރަން އޭނާ އެދިވަޑައިގަތެވެ.

ޕްރިންސިޕަލުންނާއެކު ބޭއްވި އެ ބައްދަލުވުމުގައި ޓީޗަރުންނަށް ޕެންޝަން ފައިސާ ޖަމާނުވުމާ ގުޅޭގޮތުން ވެސް ވާހަކަ ދައްކާފައިވެ އެވެ. ޝިފާޒް ވިދާޅުވީ ޕެންޝަން ފައިސާ ޕެންޝަން އޮފީހަށް ޖަމާކޮށްފައިވާ ކަމަށާއި އެ ފައިސާ ޓީޗަރުންނަށް ލިބުނު ކަމަށް ނުފެންނަނީ ޕެންޝަންގެ ސިސްޓަމް އަޕްޑޭޓަކާ ގުޅިގެން ކަމަށެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox