ރައީސް ޑރ. މުހައްމަދު މުއިއްޒާއި އަނބިކަނބަލުން ސާޖިދާ މުހައްމަދު، އިނގިރޭސިވިލާތަށް ކުރެއްވި ނުރަސްމީ ދަތުރު ނިންމަވާލައްވައިފި އެވެ.
ރައީސް އޮފީހުން ހާމަކޮށްފައިވާ ގޮތުގައި ރައީސްގެ ދެކަނބަލުން ރާއްޖެ އެނބުރި ވަޑައިގަތީ އިއްޔެ ހަވީރުގެ ވަގުތެއްގަ އެވެ. ހަފްތާއެއްހާ ދުވަހުގެ މި ދަތުރުގައި ރައީސްގެ ދެކަނބަލުން ފުރާވަޑައިގަތީ ނޮވެމްބަރު 21, ގަ އެވެ.
މިއީ ވެރިކަމަށް ވަޑައިގަތުމަށް ފަހު އަމިއްލަ ދަތުރެއްގައި ރައީސް އިނގިރޭސި ވިލާތަށް ވަޑައިގަންނަވާ ފުރަތަމަ ފަހަރެވެ.
އެމަނިކުފާނާއި އަނބިކަނބަލުން އިނގިރޭސި ވިލާތަށް ވަޑައިގަންނަވަނީ ދަރިކަނބަލުން ޔަސްމީން މުހައްމަދު މުހައްމަދު މުއިއްޒު އަރިހަށެވެ. ޔަސްމީން ކިޔަވާ ވިދާޅުވާން ހުންނެވީ އެ ގައުމުގަ އެވެ.
ރައީސް މުއިއްޒު ވެސް ފުރަތަމަ ޑިގްރީ އާއި، މާސްޓާޒް އަދި ޕީއެޗްޑީ އަށް ކިޔަވައި ވިދާޅުވުވީ އިނގިރޭސި ވިލާތުގަ އެވެ.
އިނގިރޭސިވިލާތަށް ކުރެއްވި ދަތުރުގައި ދިވެއްސެއްގެ ކައިވެނި ހަފުލާގައި ވެސް ރައީސްގެ ދެކަނބަލުން ބައިވެރިވެވަޑައިގެންނެވި އެވެ.
ރައީސް އޮފީހުން ބުނި ގޮތުގައި މި ދަތުރުގެ ހުރިހާ ހަރަދެއް ކުރައްވާނީ ރައީސް އަމިއްލަ އަށެވެ. ސަރުކާރުން ހަރަދެއް ނުކުރާނެ އެވެ.
