ފްލެޓު ލިސްޓު އެކުލަވައިލުމުގައި ނުފޫޒެއް ނެތް، އިއުލާނު ކުރާނީ ހަމަ ނުވާ ޝަރުތުގެ ތަފުސީލާ އެކު: ހައިދަރު

ހައުސިން މިނިސްޓަރު އަލީ ހައިދަރު؛ އޭނާ ވިދާޅުވީ މިހާރު ކަނޑައަޅާފައި އޮތް ތާރީހުގައި ލިސްޓު އިއުލާނު ކުރެވޭނެ ކަމަށް -- ފޮޓޯ: ހައުސިން މިނިސްޓަރީ

ހައުސިން މިނިސްޓަރު އަލީ ހައިދަރު؛ އޭނާ ވިދާޅުވީ މިހާރު ކަނޑައަޅާފައި އޮތް ތާރީހުގައި ލިސްޓު އިއުލާނު ކުރެވޭނެ ކަމަށް -- ފޮޓޯ: ހައުސިން މިނިސްޓަރީ

ގެދޮރުވެރިޔާ ސްކީމުގެ ދަށުން ފުރަތަމަ ފުލެޓު ލިބޭ 4000 މީހުންގެ ލިސްޓު އެކުލަވައިލުމުގައި އެއްވެސް ނުފޫޒެއް ނެތް ކަމަށާއި އެ ލިސްޓު އާންމު ކުރާއިރު، ޝަރުތު ހަމަ ނުވާ މީހުންގެ ހަމަ ނުވަނީ ކޮން ޝަރުތެއްކަން ވެސް ބަޔާން ކުރާނެ ކަމަށް ހައުސިން މިނިސްޓަރު، ޑރ. އަލީ ހައިދަރު ވިދާޅުވެއްޖެ އެވެ.

"އަދަދު" އަށް ދެއްވި ހާއްސަ އިންޓަވިއުއެއްގައި ހައިދަރު ވިދާޅުވީ ފުލެޓު ލިސްޓު އެކުލަވައިލުމުގައި ބަލާނީ އިއުލާނު ކުރި ޝަރުތުތަކަށާއި ކަނޑައެޅިފައި ހުރި އުސޫލުތަކަށް ކަމަށެވެ.

"އަޅުގަނޑަށް ހަމަ ފުރިހަމަ ޔަގީންކަން ދެވިދާނެ އެއްވެސް ނުފޫޒެއް މިއަށް ނުވަދެ އަޅުގަނޑުމެން ހަމަ މީގައި ޝަރުތުތަކަށާއި ކަނޑައެޅިފައި ހުރި އުސޫލުތަކަށް ބަލައިގެން ނޫންގޮތަކަށް އަޅުގަނޑުމެން ހަމަ އެއްވެސް އެއްޗެއް ނުނިންމާނަން އިނގޭތޯ" ހައިދަރު ވިދާޅުވި އެވެ.

Advertisement

ގެދޮރުވެރިޔާ ސްކީމުގެ ދަށުން ފުލެޓު ލިބޭ މީހުންގެ ލިސްޓު އިއުލާނު ކުރަން ހައުސިން މިނިސްޓަރީން މީގެ ކުރިން ނިންމީ މި މަސް ނިމުމުގެ ކުރިންނެވެ. ނަމަވެސް ހުރިހާ ފޯމުތައް ރީ-އިވެލުއޭޓު ކުރުމުގެ މަސައްކަތް ކުރުމަށް އިތުރު ވަގުތު ބޭނުންވާ ކަމަށް ބުނެ ލިސްޓު އާންމު ކުރުން މިހާރު ވަނީ އަންނަ މަހުގެ ދެވަނަ ހަފުތާއަށް ފަސްކޮށްފަ އެވެ.

ފުލެޓު ލިސްޓު އާންމު ކުރާ ތާރީހަށް ބަދަލު ގެނައީ ސަރުކާރުން ބޭނުންވާ ބަޔަކަށް ފުލެޓު ދިނުމުގެ މަގުސަދުގައި ކަމަށް ބުނެ އާންމުންގެ ފަރާތުން އަމާޒުވަމުންދާ ތުހުމަތުތަކާ ގުޅޭގޮތުން ސުވާލު ކުރުމުން ހައިދަރު ވިދާޅުވީ ޝަރުތު ހަމަ ނުވާ މީހުންނަށް އެ މީހުންގެ ޝަރުތު ހަމަ ނުވާ ސަބަބު ވެސް ލިސްޓުގައި ބަޔާން ކުރާނެ ކަމަށެވެ.

"އަޅުގަނޑުމެން މިސާލަކަށް ޝަރުތު ހަމަ ނުވާ ކަމަށްވަންޏާ ކޮން ޝަރުތެއްކަން ހަމަ ނުވަނީ ވެސް އަޅުގަނޑުމެން ފާހަގަކޮށްފައި ބަހައްޓާނަން އިނގޭތޯ؟ އެއީ މިހައިތަނަށް ކަން ކޮށްފައި އޮތް ގޮތެއް ނޫން އެއީކީ، އެހެންވީމާ އެނގޭނެ ކީއްވެގެންކަން، ކަނޑައެޅިގެން އެންމެންނަށް ވެސް އެނގޭނެ ކީއްވެގެންކަން ޝަރުތު ހަމަނުވެފައި އެއޮތީ އިނގޭތޯ؟" ހައިދަރު ވިދާޅުވި އެވެ.

މިދިޔަ ސަރުކާރުގެ ގެދޮރުވެރިޔާ ސްކީމަށް ފޯމު ހުށަހެޅި މީހުންގެ ތެރެއިން 15،046 މީހުން ޝަރުތު ހަމަވާ ކަމަށް އޭރުގެ ސަރުކާރުން ކަނޑައެޅި އެވެ. އެމްޑީޕީ ސަރުކާރުން ނިންމީ އެ ހުރިހާ އެންމެންނަށް ވެސް ފުލެޓު ދިނުމަށެވެ.

އޭގެ ތެރެއިން އެންމެ ފުރަތަމަ ފުލެޓު ލިބޭ 4000 މީހުންގެ ލިސްޓު އިއުލާނު ކުރިފަހުން އޭސީސީއަށް ހުށަހެޅުނު މައްސަލައަކާ ގުޅިގެން ފުލެޓުތަކުގެ މަސައްކަތް ވަގުތީ ގޮތުން ހުއްޓައިލަން އެ ކޮމިޝަނުން އެންގި އެވެ.

އޭގެ ފަހުން އޭސީސީން ހިންގި ތަހުގީގަށް ފަހު މިދިޔަ ސަރުކާރުން އިއުލާނުކުރި ލިސްޓުގެ ބޮޑު ޕަސެންޓެއްގެ ޝަރުތު ހަމަނުވާ ކަމަށް ފެބްރުއަރީ 5، ގައި އެ ކޮމިޝަނުން އިއުލާނުކުރި އެވެ.

އޭސީސީން އެ ދުވަހު ބޭއްވި ނޫސްވެރިންގެ ބައްދަލުވުމުގައި ބުނީ ފްލެޓުތަކުގެ ދާއިމީ ލިސްޓުގައި ޝަރުތު ފުރިހަމަވެ، އެއްވެސް މައްސަލައެއް ފާހަގަކުރެވިފައި ނުވާ ފޯމުތަކުގެ ނިސްބަތަކީ 20.7 ޕަސެންޓު ކަމަށެވެ. އަދި ޝަރުތު ފުރިހަމަވީީ ނަމަވެސް 19.7 ޕަސެންޓު ފޯމުގެ މައްސަލަ ހުރި ކަމަށް އޭސީސީން ބުންޏެވެ.

ޝަރުތު ފުރިހަމަވީ ނަމަވެސް މައްސަލަ ހުރި ފޯމުތަކުގެ ތެރޭގައި ގިނައީ ދީފައިވާ މައުލޫމާތުގައި ފުށުއެރުން ހުރި ފޯމުތައް ކަމަށާއި އެއީ ޖުމުލަ ފޯމުތަކުގެ 70 ޕަސެންޓު ކަމަށް އޭސީސީން އެ ދުވަހު ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox