"ކަނޑުފަޅުން" ގޯތި ދިނުން ގޯސްވި ސަރުކާރުން 1،300 އަށްވުރެ ގިނަ ގޯތި ދެނީ ގުޅީފަޅުގެ ނުހިއްކާ އޮތް ބައިން

ރައީސް މުއިއްޒު ހައުސިން މިނިސްޓަރު ހައިދަރު އާ ސަލާމްކުރައްވަނީ: މި ސަރުކާރުންވެސް ފަޅުން ގޯތި ދޫކުރަން ވަނީ ފަށާފަ --- ފޮޓޯ: ރައީސް އޮފީސް

ރައީސް މުއިއްޒު ހައުސިން މިނިސްޓަރު ހައިދަރު އާ ސަލާމްކުރައްވަނީ: މި ސަރުކާރުންވެސް ފަޅުން ގޯތި ދޫކުރަން ވަނީ ފަށާފަ --- ފޮޓޯ: ރައީސް އޮފީސް

ނިމިދިޔަ އެމްޑީޕީ ސަރުކާރުން ހިންގި ބިންވެރިޔާ ސްކީމުގެ ދަށުން ފަޅުންނާއި ކަނޑުން ގޯތި ދިން ކަމަށް ބުނެ އެކަމަށް ފާޑު ކިޔުމަށްފަހު މި ސަރުކާރުން ވެސް ގުޅީފަޅުގެ ނުހިއްކައި އޮތް ފަޅުން 1،300 އަށްވުރެ ގިނަ ގޯތި ދޫކުރަން ފަށައިފި އެވެ.

މާލެ ރައްޔިތުންނަށް އެމްޑީޕީ ސަރުކާރުން ގޯތި ދޫކުރީ ހުޅުމާލޭގެ ދެވަނަ އަދި ތިންވަނަ ފިޔަވައްސާއި ގުޅީފަޅު އަދި ގިރާވަރުފަޅުންނެވެ. އޭގެތެރެއިން ހުޅުމާލެ ދެވަނަ ފިޔައްވައްސާއި ގުޅީފަޅު އަދި ގިރާވަރު ފަޅުން ގޯތިތައް ދޫކުރިއިރު ގިނަ ގޯތިތައް ދިނީ ނުހިއްކާ އޮތް ސަރަހައްދުންނެވެ. ނަމަވެސް އެ ތަންތަން ހިއްކުމުގެ މަސައްކަތް އޮތީ ފަށާފަ އެވެ.

މި ސަރުކާރުން ބިންވެރިޔާ ސްކީމުގެ ދަށުން ގިރާވަރުފަޅުން ލިބުނު ބައެއް ގޯތި ގުޅީފަޅަށް ބަދަލުކޮށް އެ ދެ ތަނުގެ ލޭންޑް ޔޫސް ޕްލޭން ބަދަލުކޮށް ގުރުނަގަން ފެށީ މިއަދެވެ. ގުޅީފަޅުގެ ލޭންޑް ޔޫސް ޕްލޭނާއި ގޯތިތަކުގެ ޕްލޮޓު ނަމްބަރަށް ބަލާއިރު، ގުޅީފަޅުގެ ނުހިއްކާ އޮތް ސަރަހައްދުން 1،339 ގޯއްޗެއް ދޭން އޮތީ ހިމަނާފަ އެވެ.

Advertisement

މި ސަރަހައްދަކީ ކުރީ ސަރުކާރުން ހިއްކަން ޕްލޭންކޮށްފައި އޮތް ސަރަހައްދެއް ނޫނެވެ. ލޭންޑް ޔޫސް ޕްލޭން ބަދަލުކޮށް އެ ސަރަހައްދު ހިއްކަން ނިންމީ މި ސަރުކާރުންނެވެ. އެ މަޝްރޫއަށް ފައިސާ ހޯދުމަށް ކޮންސްޓްރަކްޝަން މިނިސްޓްރީން އެމްޓީސީސީއާ ހަވާލު ވެސް ކުރި އެވެ.

ނަމަވެސް މިހާތަނަށް ވެސް އެ މަސައްކަތް ފަށާފައެއް ނުވެ އެވެ. އަދި މަޝްރޫއުގެ އަމަލީ މަސައްކަތް ފެށޭނެ ތާރީހެއް ނޭނގޭ ކަމަށް ކޮންސްޓްރަކްޝަން މިނިސްޓަރު އަބްދުﷲ މުއްތަލިބު އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވިދާޅުވި އެވެ.

ރައީސް ޑރ. މުހައްމަދު މުއިއްޒު އާއި މި ސަރުކާރުގެ ވަޒީރުން އަދި މަޖިލިސް މެންބަރުން ވެސް މިކަމަށް ފާޑުކިޔެވެ. އަދި ގޯތިތައް ދިނީ ކަނޑުފަޅުން ކަމަށް ބުނެ ރިޔާސީ އިންތިހާބުގެ ކެމްޕޭނުގަ އަދި ވެރިކަމަށް އައި ފަހުން ވެސް އެމްޑީޕީ އާއި ކުރީގެ ސަރުކާރަށް ފާޑުކިޔެވެ.

"ބިންވެރިޔާ ޕްރޮގްރާމްގެ ނަމުގައި ވަރަށް ގިނަ ގޯތިތައް ދޭން ލިސްޓްކޮށްފި. މިމަސައްކަތް، ގޯތި، އެތައް ހާސް ގޯއްޗެއް މި ހުޅުމާލެއިންނާއި އަދި ނުހިއްކާ އޮތް ފަޅުފަޅުންނާއި ދޭން އިއުލާންކޮށްފި،" ރިޔާސީ ކެމްޕެއިނުގެ ތެރޭގައި ރައީސް ވިދާޅުވެފައިވެ އެވެ.

މީގެ އިތުރުން ބޯހިޔާވަހިކަމުގެ މަޝްރޫއުތައް ބަލަހައްޓާ ހައުސިން މިނިސްޓަރު ޑރ. އަލީ ހައިދަރު ވަނީ ކަނޑުންނާއި ފަޅުން ދޭ ތަންތަނަށް ގޯއްޗެކޭ ނުކިޔޭނެ ކަމަށް ވިދާޅުވެ ކުރީ ސަރުކާރަށް ފާޑުވިދާޅުވެފަ އެވެ.

"ކަނޑުން ދީފަ ހުންނަ އެއްޗަކަށް ގޯއްޗެކޭ ނުކިޔާނެ، ފަޅުން ދީފަ ހުންނަ އެއްޗަކަށް ގޯއްޗެކޭ ނުކިޔާނެ،" ގޯއްޗާއި ފުލެޓު ދިނުން ލަސްވެގެން އޯގަސްޓު މަހު މަޖިލީހަށް ހާޒިރުކުރުމުން އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox