ގުރުނަގަން ދުވަހަކަށް ވެފައި ވަނިކޮށް ގުޅީފަޅުގެ ލޭންޑް ޔޫސް ޕްލޭން އަނެއްކާ ވެސް ބަދަލުކޮށްފި

ހައުސިން މިނިސްޓަރު ހައިދަރު: މާދަމާ ގުރުލާން ތައްޔާރުވެފައިވަނިކޮށް ގުޅީފަޅުގެ ލޭންޑް ޔޫސް ޕްލޭން ހައުސިން މިނިސްޓްރީން ވަނީ އަނެއްކާވެސް ބަދަލުކޮށްފަ ---- ފޮޓޯ: އަދަދު

ހައުސިން މިނިސްޓަރު ހައިދަރު: މާދަމާ ގުރުލާން ތައްޔާރުވެފައިވަނިކޮށް ގުޅީފަޅުގެ ލޭންޑް ޔޫސް ޕްލޭން ހައުސިން މިނިސްޓްރީން ވަނީ އަނެއްކާވެސް ބަދަލުކޮށްފަ ---- ފޮޓޯ: އަދަދު

މިދިޔަ ސަރުކާރުން ހިންގި ބިންވެރިޔާ ސްކީމްގެ ދަށުން ގުޅީފަޅުން ދިން ގޯތިތަކުގެ ގުރުނަގަން އަލުން ކަނޑައެޅި ތާރީހަށް އެއް ދުވަހަށް ވެފައި ވަނިކޮށް ހައުސިން މިނިސްޓްރީން ގުޅީފަޅުގެ ލޭންޑް ޔޫސް ޕްލޭން ބަދަލުކޮށްފި އެވެ.

ގުޅީފަޅުން ގޯތި ލިބުނު މީހުންގެ މެދުގައި ގުރުއަތު ނެގުން އޮތީ އަންނަ އަންގާރަ ދުވަހުގެ ހެނދުނު 9:00 އިން ފެށިގެން ދަރުބާރުގޭގަ އެވެ. މިކަމަށް ތައްޔާރުވެ، ގުޅީފަޅުގެ ލޭންޑް ޔޫސް ޕްލޭން އާންމުކުރީ އޮކްޓޯބަރު 14، ގަ އެވެ.

އެ ޕްލޭންގެ ދަށުން ގޯތިތަކަށް ލޮޓު ނަންބަރުތަކުގެ ތަފުސީލު ހިޔާވަހި ޕޯޓަލަށް ހައުސިން މިނިސްޓަރީން އަޕްލޯޑު ކުރީ އިއްޔެ އެވެ. ނަމަވެސް، އެ ލޭންޑް ޔޫސް ޕްލޭން ބަދަލުކޮށް އަލަށް އެކުލަވާލި ޕްލޭން ގެޒެޓުކުރީ ވެސް އިއްޔެ އެވެ.

އަލަށް އެކުލަވާލި ޕްލޭނުގެ ދަށުން ގުޅީފަޅުގެ ބޮޑު ސަރަހައްދެއް ވަނީ އިންޑަސްޓްރިއަލް ޒޯނެއްގެ ގޮތުގައި ކަނޑައަޅާފަ އެވެ. ކުރީ ޕްލޭނުގައި އެ ސަރަހައްދުގައި 84 ގޯތި އޮތެވެ. ނަމަވެސް އާ ޕްލޭނުގައި އެ ގޯތިތައް ބަދަލުކުރީ ކޮން ސަރަހައްދަކަށް ކަމެއް ނުވަތަ އުނިކުރީ ކަމެއް ސާފެއް ނުވެ އެވެ.

މާދަމާ ގުރު ނަގާ މީހުންގެ ތެރޭގައި މި ސަރުކާރުން ހުޅުވާލި ފުރުސަތުގައި ގިރާވަރުން ގުޅީފަޅަށް ބިން ބަދަލު ކުރި މީހުން ވެސް ހިމެނޭނެ އެވެ. ގޯތިތަކުގެ ރެޖިސްޓަރީ އާއި ބިން ލިބޭ ފަރާތްތަކާ އެކުވާ އެއްބަސްވުން ތަކާގުޅޭ މައުލޫމާތު ގުރު ނަގާ ނިމުމުން ފަހުން ހިއްސާ ކުރާނެ ކަމަށް ހައުސިން މިނިސްޓްރީން މީގެ ކުރިން މިކަމާ ގުޅިގެން ކުރި އިއުލާނެއްގައި ބުންޏެވެ.

ކުރީގެ ސަރުކާރުން ނިންމީ ގޯއްޗަށް އެދި ހުށަހެޅި 97 ޕަސެންޓު މީހުންނަށް ގޯތި ދިނުމަށެވެ. އެއީ 18،955 މީހުންނަށް 9001 ގޯއްޗެވެ. ގޯތި ދެނީ ހުޅުމާލެ ދެ ވަނަ ފިޔަވައްސާއި ތިން ވަނަ ފިޔަވައްސާއި ގުޅީފަޅާއި ގިރާވަރުފަޅުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox