މާލެ އާ ދުރު އަތޮޅުތަކުން ފަތުރުވެރިކަމާ ގުޅުންހުރި ޓެކްސް ދައްކަން ޖެހޭ މިންވަރު ދަށްކުރަނީ

ޓޫރިޒަމް މިނިސްޓަރު އިބްރާހިމް ފައިސަލް: އޭނާގެ ވިސްނުން ހުރީ ރާއްޖޭގެ ދުރު އަތޮޅުތަކަށް ފަތުރުވެރިކަން ފުޅާކުރަން -- ފޮޓޯ: ރައީސް އޮފީސް

ޓޫރިޒަމް މިނިސްޓަރު އިބްރާހިމް ފައިސަލް: އޭނާގެ ވިސްނުން ހުރީ ރާއްޖޭގެ ދުރު އަތޮޅުތަކަށް ފަތުރުވެރިކަން ފުޅާކުރަން -- ފޮޓޯ: ރައީސް އޮފީސް

މާލެ އާ ދުރު އަތޮޅުތަކަށް ފަތުރުވެރިކަން ފުޅާ ކުރުމަށް އެ ސަރަހައްދުތަކުން ޓެކުހުގެ ގޮތުގައި ދައްކަން ޖެހޭ ފައިސާ އާއި ބިމު ކުލި ކުޑަ ކުރަންޖެހޭ ކަމަށާއި، އެކަން ކުރުމަށް ޓަކައި ގާނޫނަށް ގެންނަން ޖެހޭ ބަދަލުތައް ގެނައުމުގެ މަސައްކަތް މިހާރު ކުރަމުންދާ ކަމަށް ޓޫރިޒަމް މިނިސްޓަރު، އިބްރާހިމް ފައިސަލް ވިދާޅުވެއްޖެ އެވެ.

މަޖިލީހަށް ހާޒިރުކޮށް މެންބަރަކު ކުރެއްވި ސުވާލަކަށް ޖަވާބު ދެއްވަމުން ފައިސަލް ވިދާޅުވީ ރާއްޖެއަށް އިންވެސްޓު ކުރަން ޕްރޮޕޯޒަލްތައް އަބަދުވެސް ހުށަހަޅަނީ މާލެ އާއި ކައިރި އަތޮޅުތަކަށް ކަމަށެވެ. އެކަން ބަދަލުކޮށް، މާލެ އާ ދުރު ސަރަހައްދުތަކަށް ފަތުރުވެރިކަން ފުޅާ ކުރުމަށް އެ ސަރަހައްދުތަކުގައި އިންވެސްޓު ކުރާ ފަރާތްތައް ޝައުގުވެރިވާ ފަދަ ލުއިތަކެއް ގާނޫނުގެ ތެރެއިން ލިބޭނެ ގޮތެއް ހަދަންޖެހޭ ކަމަށް ފައިސަލް ވިދާޅުވި އެވެ.

"މި ސަރުކާރުގެ އަދި ޓޫރިޒަމް މިނިސްޓަރެއްގެ ހައިސިއްޔަތުން އަޅުގަނޑުގެ ވިސްނުން ހުރީ ދިވެހިރާއްޖޭގެ ޓޫރިޒަމް ނެތް ތަންތަނަށް ޓުރިޒަމް ގެންދިޔުމަށްޓަކައި އަޅުގަނޑުމެން އެ ތަންތަނަށް ބޮޑެތި ލުއިތަކެއް އިންވެސްޓު ކުރާ ފަރާތްތަކަށް ދިނުން، އެގޮތުން އަޅުގަނޑު ގަބޫލު ކުރަނީ އެ ތަންތަނުގެ އިކުއިޒިޝަން ކޯސްޓު ވެސް ކުޑަވެގެން ދާން ޖެހޭނެ ކަމަށް އަދި ލޭންޑް ރެންޓު ވެސް ކުޑަ ވެގެން ދާން ޖެހޭނެ ކަމަށް، އެކަމުގެ މަޝްވަރާގައި، އަދި ޓެކްސްގެ ތެރެއިން ވެސް ލުއިތަކެއް ލިބިގެން ދާން ޖެހޭނެ ކަމަށް،" ފައިސަލް ވިދާޅުވި އެވެ.

މާލެ އާ ދުރު އަތޮޅުތަކުގައި ފަތުރުވެރިކަން ފުޅާ ނުވެ އޮތުމުން އެ ސަރަހައްދުތަކުގެ ރައްޔިތުންގެ ކަންބޮޑުވުން އޮތްކަން ފާހަގަ ކުރައްވައި ފައިސަލް ވިދާޅުވީ އެ ސަރަހައްދުތަކުގައި އިންވެސްޓު ކުރާ ފަރާތްތަކަށް އެ ލުއިތައް ލިބިގެން ނޫނީ އެ ކަންބޮޑުވުންތަކަށް ހައްލެއް ނުލިބޭނެ ކަމަށެވެ.

"އެކަން މަޖިލީހަށް ގެންނަން، ގާނޫނަށް ގެންނަންޖެހޭ އިސްލާހުތައް ހުށަހަޅާނެ ވާހަކަ ދަންނަވަން، އެގޮތަށް އެކަން ކުރެވިގެން ނޫނީ ދިވެހިރާއްޖޭގެ ޓޫރިޒަމް ނެތް ތަންތަނަށް ޓޫރިޒަމް ގެންދެވިދާނެ ކަމަކަށް އަޅުގަނޑަށް ގަބޫލެއް ނުކުރެވޭ، އެހެންވީމަ ދާދި އަވަހަށް އަޅުގަނޑު މި އިއްޒަތްތެރި މަޖިލީހަށް ދައުލަތުގެ ބަންޑާރަ ނައިބު ހުށަހަޅާނެ ކަމަށް އަޅުގަނޑު ގަބޫލު ކުރަން އަދި އެ މަސައްކަތް ކުރެވެމުންދާ ކަމުގެ މައުލޫމާތު ވެސް ހިއްސާ ކޮށްލަން،" ފައިސަލް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox