ރައީސްގެ ހުއްދަ ނަގައިގެން ނޫނީ ރަށްތައް ދޫނުކުރެވޭ ގޮތަށް އޮތް މާއްދާ އުވާލަނީ

ޓޫރިޒަމް މިނިސްޓަރު ފައިސަލް: އެމްއެމްޕީއާރުސީ ކޮރަޕްޝަނަށްފަހު ރައީސްގެ ހުއްދަ ނަގައިގެން ނޫނީ ރިސޯޓުހަދަން ރަށްތައް ނުވިއްކޭގޮތަށް އޮތް މާއްދާ އުވާލަން ސަރުކާރުން ވަނީ ހުށަހަޅާފަ --- ފޮޓޯ: އަދަދު

ޓޫރިޒަމް މިނިސްޓަރު ފައިސަލް: އެމްއެމްޕީއާރުސީ ކޮރަޕްޝަނަށްފަހު ރައީސްގެ ހުއްދަ ނަގައިގެން ނޫނީ ރިސޯޓުހަދަން ރަށްތައް ނުވިއްކޭގޮތަށް އޮތް މާއްދާ އުވާލަން ސަރުކާރުން ވަނީ ހުށަހަޅާފަ --- ފޮޓޯ: އަދަދު

ކުރީގެ ރައީސް އަބްދުﷲ ޔާމީނުގެ ވެރިކަމުގައި ހިންގި އެމްއެމްޕީއާރުސީ ހިޔާނާތަށް ފަހު، ރިސޯޓު ތަރައްގީކުރަން ބިމާއި، ރަށް އަދި ފަޅު ދޫކުރުމުގެ ކުރިން ރައީސް އޮފީހުން ހުއްދަ ނަގަން ޖެހޭ ގޮތަށް ގާނޫނަށް އިތުރުކުރި މާއްދާ އުވާލަން ސަރުކާރުން ރައްޔިތުންގެ މަޖިލީހަށް ހުށަހަޅައިފި އެވެ.

މިގޮތަށް ގާނޫނަށް އިސްލާހު ގެންނަން ހިމެނީ ސަރުކާރުގެ ފަރާތުން މަޖިލީހުގެ މައްޗަންގޮޅި ދެކުނު ދާއިރާގެ މެންބަރު މުސްތަފާ ހުސެއިން، ޓޫރިޒަމާ ބެހޭ ގާނޫނަށް އިސްލާހު ގެނައުމަށް ހުށަހެޅި ބިލުގަ އެވެ. އެ ބިލުގެ ފުރަތަމަ ކިޔުން މިއަދު މަޖިލީހުގައި އިއްވި އެވެ.

އެ ބިލުގައި ހުށަހެޅީ، ފަތުރުވެރިކަމާބެހޭ ކަންކަމަށް ރަށްރަށާއި ބިންބިމާއި ފަޅު ކުއްޔަށް ދިނުމުގެ ކުރިން ރައީސް އޮފީހުން ހުއްދަ ހޯދުން ލާޒިމްކުރާ މާއްދާ އުނިކުރުމަށެވެ. ނަމަވެސް ހަމަ އެ މާއްދާގައި، މި އުސޫލުން ރަށްތައް ދިނުމުގެ ކުރިން އެކަމުގެ މައުލޫމާތު އެންޓިކޮރަޕްޝަން ކޮމިށަނާއި، އޮޑިޓަރ ޖެނެރަލްގެ އޮފީހާ ހިއްސާކުރުން ލާޒިމްކުރާ މާއްދާ އުވާލަން ހުށަހަޅާފައެއް ނުވެ އެވެ.

Advertisement

އެ އިސްލާހާ ގުޅިގެން ސުވާލުކުރުމުން، ޓޫރިޒަމް މިނިސްޓަރު އިބްރާހިމް ފައިސަލް "އަދަދު" އާ ވާހަކަ ދައްކަވަމުން ވިދާޅުވީ މިއީ ރަށްތައް ދޫކުރުމަށް މިހާރު އޮންނަ ދިގު މަގު ކުރުކުރުމަށް ގެންނަ ބަދަލެއް ކަމަށެވެ. ނަމަވެސް، ދެންވެސް ދޫކުރާނީ އެކަމަށް ކޮންމެ އަހަރަކު ސީދާ ރައީސް ހަދާ ލިސްޓަކުން ކަންވެސް މިނިސްޓަރު ފާހަގަކުރެއްވި އެވެ. އެވެސް މި ބިލުން ހުށަހެޅި އިސްލާހެކެވެ.

"އެ ޕްރޮސެސް ތަންކޮޅެއް ދިގުވަނީ. އިވެލުއޭޝަން ނިންމާފަ އަދި ފޮނުވާނީ އެޕްރޫވަލް އަށް. ރައީސް އޮފީހަށް. ފޮނުވައިގެން އަދި އޭޖީގެ ލަފަޔަށްވެސް ފޮނުވާނެ. އެހެންވެގެން އަސްލު ޓޫރިޒަމް މިނިސްޓްރީންތާ މި ހުރިހާ މަސައްކަތެއް ކުރާނީ. އެހެންވެ ޕްރޮސެސް އަވަސްކުރުމުގެ ގޮތުން [ބަދަލު ގެންނަނީ]،" ފައިސަލް ވިދާޅުވި އެވެ.

ޓޫރިޒަމާ ބެހޭ ގާނޫނަށް މި މާއްދާ އިތުރުކުރީ އެމްއެމްޕީއާރުސީ ހިޔާނާތަށްފަހު އޭރުގެ ސަރުކާރުން އެ ގާނޫނަށް ގެނައި ބަދަލުތަކުގެ ތެރެއިން ޖުލައި 10، 2016 ގަ އެވެ. އެ އިސްލާހު މަޝްހޫރުވީ އިއުލާނުކުރުމަކާ ނުލާ ޓޫރިޒަމަށް ރަށްތައް ދޫކުރެވޭ ގޮތް ހެދި އިސްލާހުގެ ގޮތުގަ އެވެ.

ސަރުކާރުން މިފަހަރު ހުށަހެޅި ބިލުގައި މިކަމުގެ އިތުރުން ވެސް ގާނޫނަށް އިސްލާހުތަކެއް ވަނީ ހުށަހަޅާފަ އެވެ.

އޭގެ ތެރޭގައި އަންނަ އަހަރުގެ ޖޫން މަހުން ފެށިގެން ޓީޖީއެސްޓީ 17 ޕަސެންޓަށް އުފުލުން ހިމެނެ އެވެ. މިހާރު ޓީޖީއެސްޓީގެ ގޮތުގައި ނަގަނީ 16 ޕަސެންޓެވެ. އޭގެ އިތުރުން ގްރީން ޓެކްސް ވެސް ބޮޑު ކުރަން ސަރުކާރުން ވަނީ އެ ގާނޫނު އިސްލާހު ކުރަން ނިންމައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox