ފައިސަލް ގޮވައިލެއްވީ ފަތުރުވެރިކަމުގެ ސިނާއަތަށް ގެއްލުންވާނެ ކަމެއް އެއްވެސް މީހަކު ނުކުރުމަށް

ފަތުރުވެރިކަމާ ބެހޭ ވަޒީރު އިބްރާހިމް ފައިސަލް: އެންމެ ދެކެން ބޭނުންވަނީ ދިވެހި ޒުވާނުން ދެތިން ރިސޯޓުގެ އޯނަރުންނަށްވާ ދުވަސް ދެކެން ކަމަށް އޭނާ ވިދާޅުވި -- ފޮޓޯ: ރައީސް އޮފީސް

ފަތުރުވެރިކަމާ ބެހޭ ވަޒީރު އިބްރާހިމް ފައިސަލް: އެންމެ ދެކެން ބޭނުންވަނީ ދިވެހި ޒުވާނުން ދެތިން ރިސޯޓުގެ އޯނަރުންނަށްވާ ދުވަސް ދެކެން ކަމަށް އޭނާ ވިދާޅުވި -- ފޮޓޯ: ރައީސް އޮފީސް

ދިވެހިރާއްޖޭގެ ފަތުރުވެރިކަމުގެ ސިނާއަތަށް ނޭދެވޭ އަސަރެއް ކުރާނެ އެއްވެސް ކަމެއް، ދިވެހި އެއްވެސް ރައްޔިތަކު ނުކުރުމަށް ފަތުރުވެރިކަމާ ބެހޭ ވަޒީރު، އިބްރާހިމް ފައިސަލް މިއަދު ގޮވައިލައްވައިފި އެވެ.

ދުނިޔޭގެ ފަތުރުވެރިކަމުގެ ދުވަހާ ގުޅިގެން ދައުލަތުގެ މީޑިއާ، ޕީއެސްއެމް މެދުވެރިކޮށް ފައިސަލް ދެއްވި ހާއްސަ މެސެޖުގައި ވިދާޅުވީ ދިވެހިރާއްޖޭގެ އިގުތިސާދަކީ ފަތުރުވެރިކަމަށް ވަރަށް ބޮޑަށް ބަރޯސާވެފައި އޮންނަ ގައުމަކަށް ވާތީ ކުރެވޭ ކުޑަކުޑަ ކަމަކުން ވެސް އޭގެ ނޭދެވޭ އަސަރު ކުރާނެ ކަމަށެވެ.

ދުނިޔޭގެ ފަތުރުވެރިކަމުގެ ދުވަހުގެ މި އަހަރުގެ ޝިއާރަކީ "ޓޫރިޒަމް އެންޑް ޕީސް" ކަން ފާހަގަ ކުރައްވައި ފައިސަލް ވިދާޅުވީ ފަތުރުވެރިކަމުގެ މަންފާ އެންމެ އެކަށޭނެ ގޮތުގައި ހޯދުމަށް ގައުމުގެ ހަމަޖެހުމަށް ވަރަށް ބޮޑު އަހަންމިއްޔަތު ކަމެއް ދޭންޖެހޭ ކަމަށެވެ.

Advertisement

"އަޅުގަނޑުމެންނަށް ކުރެވޭ ކަމަކުން އޭގެ ސަބަބުން، އޭގެ އިމްޕެކްޓު ވަރަށް ބޮޑަށް މިތަނަށް އަންނަ ފަތުރުވެރިންގެ ތެރޭގައި، އަދި ދުނިޔޭގެ ސަމާލުކަމަށް ވެސް އެކަން އައިސްފިއްޔާމުން އަޅުގަނޑުމެންގެ ފަތުރުވެރިކަމަށް އޭގެ ނޭދެވޭ އަސަރު ކުރާނެ އެއްވެސް ކަމެއް، އެއްވެސް ދިވެހި ރައްޔިތަކު ނުކުރުމަކީ، އަދި ފަތުރުވެރިކަމަށް ދިވެހިން މިހާރު ވެސް ތިބަހައްޓާ ޝައުގުވެރިކަން އިތުރަށް ބަހައްޓައިގެން އަދި އިތުރަށް މީގެ ތެރޭގައި ވީހައިވެސް ގިނައިން ފަތުރުވެރިކަމުގެ ދާއިރާއިން އެކި ގޮތްގޮތުން ދިވެހިން މި ސިނާއަތުގައި ކުރި އަރައި ދިޔުމަކީ އަޅުގަނޑު އެންމެ ދެކެން ބޭނުންވާ ދުވަސް،" ފައިސަލް ވިދާޅުވި އެވެ.

ދުނިޔޭގެ ފަތުރުވެރިކަމުގެ ދުވަހުގެ ތަހުނިޔާ ރައްޖޭގެ ފަތުރުވެރިކަމުގެ ސިނާއަތުގައި މަސައްކަތް ކުރާ ހުރިހާ ފަރާތްތަކަށް ފޮނުއްވައި ދެއްވި މެސެޖުގައި ފައިސަލް ވިދާޅުވީ ފަތުރުވެރިކަމުގެ ސިނާއަތުގެ ތެރެއަށް ދިވެހި ޒުވާނުން ވަދެ އިންވެސްޓު ކުރުމަކީ އޭނާ ވަރަށް ބޮޑަށް ބޭނުންވެވަޑައިގަންނަވާ ކަމެއް ކަމަށެވެ.

"އަޅުގަނޑު ވަރަށް ދެކެން ބޭނުން ޒުވާނުން މީގެ ތެރެއަށް ވަދެ ޓޫރިޒަމް އިންޑަސްޓްރީގައި އިންވެސްޓުކޮށް އަދި އެ ބޭފުޅުންނަކީ މީގެ 15-20 އަހަރު ފަހުން ތިން ހަތަރު ރިސޯޓު އޯން ކޮށްގެން ތިއްބެވި ބޭފުޅުންނަށް ވާތަން ދުށުމަކީ އަޅުގަނޑުގެ ހުވަފެނެއް،" ފައިސަލް ވިދާޅުވި އެވެ.

1980 ވަނަ އަހަރުން ފެށިގެން ދުނިޔޭގެ ފަތުރުވެރިކަމުގެ ދުވަހެއް ފާހަގަ ކުރަމުން އަންނަނީ ފަތުރުވެރިކަން ކުރިއަރައި ދިޔުމުގެ ތެރެއިން އުފެދޭ ގުޅުންތައް ވަރުގަދަވެ، އެކި ގައުމުތަކުގެ ސަގާފަތާއި އާދަކާދަތަކަށް މީހުން އަހުލުވެރިވުމަށް ބާރު އެޅުމުގެ އިތުރުން، ފަތުރުވެރިކަމުގެ ސިނާއަތަށް ކުރިމަތިވާ ގޮންޖެހުންތަކުން އަރައިގަތުމަށް ބައިނަލްއަގުވާމީ ފެންވަރުގައި މަސައްކަތް ކުރުމަށެވެ.

ދުނިޔޭގެ ފަތުރުވެރިކަމުގެ ދުވަސް މިފަހަރު ރަސްމީކޮށް ފާހަގަ ކުރީ ޖޯޖިޔާގަ އެވެ. މީގެ ކުރިން، 2013 ވަނަ އަހަރު ރާއްޖޭގައި ވެސް ދުނިޔޭގެ ފަތުރުވެރިކަމުގެ ދުވަސް، ރަސްމީކޮށް ފާހަގަ ކުރި އެވެ.

ރާއްޖޭގެ ފަތުރުވެރިކަން އިތުރު ހަރުފަތަކަށް ގެންދިޔުމަށް މިވަގުތަށް އެންމެ ބޭނުން ޖެހިފައި އޮތީ ވެލާނާ އިންޓަނޭޝަލް އެއާޕޯޓުގައި ތަރައްގީ ކުރަމުން އަންނަ އާ ޓާމިނަލް ހުޅުވުން ކަމަށް ފައިސަލްގެ މެސެޖުގައި ވިދާޅުވި އެވެ.

މިހާރު އެތަނުގެ މަސައްކަތްތައް ކުރިއަށް ދާގޮތުން، އަންނަ ޑިސެމްބަރު މަހު އެތަން ހުޅުވިގެންދާނެ ކަމަށް އުއްމީދު ކުރައްވާ ކަމަށް ވެސް ފައިސަލް ވިދާޅުވި އެވެ.

"މި އުއްމީދު ކުރަނީ މިއަހަރުގެ ޑިސެމްބަރު މަހު ތެރޭގައި އެ ޓާމިނަލް ހުޅުވައިލެވޭނެ ކަމަށް، އަދި މުޅި އެއާޕޯޓް ފުލީ ފަންކްޝަން ކުރެވޭވަރު، މިއަންނަ އަހަރުގެ ފުރަތަމަ ކުއާޓާ ނުވަތަ ދެވަނަ ކުއާޓާގައި އަޅުގަނޑުމެންނަށް އެކަން ވެސް ކުރެވިގެން ދާނެ ކަމަށް، އެ ހިސާބުން އެއީ އަޅުގަނޑުމެންނަށް 7.5 މިލިއަން ފަތުރުވެރިންނަށް ކޭޓާ ކުރެވޭނެ، އެއީ ވަރަށް ބޮޑު ކުރިއެރުމެއް،" ފައިސަލް ވިދާޅުވި އެވެ.

އާ ޓާމިނަލް ހުޅުވައި ހިދުމަތް ދޭން ފެށުމުން އިތުރު އެއާލައިންތައް ރާއްޖެއަށް އަންނަން ފަށާނެ ކަމަށާއި އެ ޓާމިނަލް ހުޅުވުމާއެކު، ލޯ ސީޒަންގައި ރާއްޖެއަށް އަންނަ ފަތުރުވެރިންގެ އަދަދު އިތުރު ކުރުމަށް ހާއްސަ މަސައްކަތްތަކެއް ކުރައްވާނެ ކަމަށް ފައިސަލް ވިދާޅުވި އެވެ.

ކުރީގެ ރައީސް ޔާމީންގެ ވެރިކަމުގައި ފެށި ވެލާނާ އިންޓަނޭޝަނަލް އެއާޕޯޓު ތަރައްގީ ކުރުމުގެ މަސައްކަތް ކުރަނީ ކުވެއިތު ފަންޑާއި ސައޫދީ ފަންޑާއި އަބޫދާބީ ސަރުކާރުގެ އިތުރުން އޯޕެކް ފަންޑު ފޯ އިންޓަނޭޝަނަލް ޑިވެލޮޕްމަންޓުން 350 މިލިއަން ޑޮލަރު ނަގައިގެންނެވެ.

އެ މަޝްރޫއު މި އަހަރުގެ ސެޕްޓެމްބަރު މަހަށް އެއްކޮށް ނިންމާނެ ކަމަށް ރައީސް ޑރ. މުހައްމަދު މުއިއްޒު ވަނީ މީގެ ކުރިން ވިދާޅުވެފަ އެވެ.

ދެ ފަންގިފިލާއަށް ހުންނަ ޒަމާނީ ފެންވަރުގެ އާ ޓާމިނަލްގައި 78،000 އަކަމީޓަރުގެ ޖާގަ ހުންނާނެ އެވެ. އެ ޓާމިނަލާއެކު މިހާރުގެ ޓާމިނަލަށް ދިމާވެފައިވާ ޖާގައިގެ ދަތިކަމުގެ މައްސަލަ ހައްލު ވެގެން ދާނެ އެވެ.

ޓާމިނަލް ތަރައްގީކުރެވުމާއެކީ ރާއްޖެ އަންނަ ޓޫރިސްޓުންނަށް ދެވޭ ހިދުމަތުގެ ފެންވަރު ރަނގަޅުވެ, މިހާރަށް ވުރެ ގިނަ ޓޫރިސްޓުން ރާއްޖެ އާދެވޭނެ މަގުފަހިވާނެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox