އިޒްރޭލުން ލުބްނާނުގެ ވެރިރަށް ބެއިރޫތުއަށް އިއްޔެ ހަމަލާދީ 14 މީހަކު މަރާލައިފި އެވެ.
ލުބްނާނުގެ މިނިސްޓްރީ އޮފް ޕަބްލިކް ހެލްތާ ހަވާލާދީ "އަލްޖަޒީރާ" އިން ބުނީ ހަމަލާގައި 66 މީހުން ޒަހަމް ވެފައިވާ ކަމަށެވެ.
ދަ ނެޝަނަލް ނިއުސް އެޖެންސީ (އެންއެންއޭ) އިން ބުނީ އެފް-35 ޖެޓަކުން ދިން އެ ހަމަލާ އަމާޒުވީ ޖޭމޮސް ސްޓްރީޓުގެ އިމާރާތަކަށް ކަމަށާއި ހަމަލާގައި ފަސް ކުޑަކުދިން ޒަހަމްވި ކަމަށެވެ.
އިޒްރޭލުން ބުނީ ބެއިރޫތުއަށް ދިން ހަމަލާއެއްގައި ހިޒްބުﷲ ގެ އެންމެ ކޮމާންޑަރެއް ކަމަށްވާ އިބްރާހިމް އާގިލް މަރާލާފައިވާ ކަމަށާއި ހަމަލާ ދިނީ އެ ޖަމާއަތަށް އަމާޒުކޮށް ކަމަށެވެ. އޭނާ މަރުވިކަން އެ ޖަމާއަތުން ވަނީ ކަށަވަރުކޮށްދީފަ އެވެ.
އިޒްރޭލުން އަންނަނީ ލުބްނާނަށް ދޭ ހަމަލާތައް ވަރުގަދަ ކުރަމުންނެވެ. އެގޮތުން އެ ގައުމުން ރާވައިގެން ޕޭޖަރުތަކެއް ގޮއްވާލައިގެން ދިން ހަމަލާގައި 37 މީހުން މަރުވެ 3،000 އެއްހާ މީހުން ޒަހަމްވި އެވެ.
އިޒްރޭލުގެ ހަމަލާތައް މެދުއިރުމަތީ ގައުމުތަކުން ކުށްވެރި ކުރަމުން އަންނައިރު އެމެރިކާއިން ބުނީ އިޒްރޭލުން ހަމަލާތައް ދެމުން އަންނަނީ ދުރާލައި އެ ގައުމަށް ނާންގައި ކަމަށެވެ.
