ފެކްޓު ޗެކް: މެދުފަޅު އޮންނަނީ މިޔަރުކަނޑާ އިންވެގެން ނޫން

Sep 25, 2024, 6:07 AM
މެދު ފަޅާއި މިޔަރު ކަނޑު ފާހަގަކޮށްފައިވާ މެޕެއް: މިޔަރު ކަނޑު އޮންނަނީ މެދު ފަޅާ ތިން ކިލޯމީޓަރަށް ވުރެ ދުރުގައި -- ގްރެފިކްސް: އިސްމާއިލް އިމްދާދު/ގޫގުލް އާތު

މެދު ފަޅާއި މިޔަރު ކަނޑު ފާހަގަކޮށްފައިވާ މެޕެއް: މިޔަރު ކަނޑު އޮންނަނީ މެދު ފަޅާ ތިން ކިލޯމީޓަރަށް ވުރެ ދުރުގައި -- ގްރެފިކްސް: އިސްމާއިލް އިމްދާދު/ގޫގުލް އާތު

ކާނި ހޮޓެލްސްއަށް ވ. ބޮޑުފިނޮޅުގެ ބަދަލުގައި ދީފައިވާ ވ. މެދުފަޅުގެ (މެދުފަރު) މައްސަލައިގައި ވ. އަތޮޅު ކައުންސިލުން ކަންބޮޑުވާ ކަންކަން ފާހަގަކޮށް މިދިޔަ ހަފުތާގައި ޓޫރިޒަމް މިނިސްޓްރީއަށް ސިޓީއެއް ފޮނުވާފައިވެ އެވެ. މި ސިޓީ އެ އަތޮޅު ކައުންސިލުގެ ރައީސް އަލީ ސުޖާއު ސޯޝަލް މީޑިއާގައި ހިއްސާކުރައްވާފައިވެ އެވެ.

އެ ސިޓީގައި ފާހަގަކޮށްފައި ވަނީ މައިގަނޑު ދެ ކަމަކެވެ. އެއީ ވ. އަތޮޅު ކައުންސިލުގެ އިހުތިސޯސުގެ ތެރޭގައި އޮތް ތަނެއް ކައުންސިލުގެ މަޝްވަރާއެއް ނެތި ދޫކުރުމާއި އެ ފަޅުގެ ހިއްކާ ސަރަހައްދަކީ ހިމާޔަތަކޮށްފައިވާ މިޔަރު ކަނޑާ އިންވެގެން އޮންނަ ސަރަހައްދަކަށް ވުމެވެ.

ކައުންސިލުން މި ކަންބޮޑުވުން ފާޅުކުރި ނަމަވެސް މެދުފަޅަކީ މިޔަރު ކަނޑާ އިންވެގެން އޮންނަ ސަރަހައްދެއް ނޫނެނެވެ. "އަދަދު" އިން ގޫގުލް އާތު ބޭނުންކޮށްގެން މެދުފަޅާއި މިޔަރު ކަނޑާ ދެމެދު އޮންނަ ރާސްތާ ހިސާބުކުރިއިރު، އެ ދެމެދުގައި 3.4 ކިލޯމީޓަރު އޮވެ އެވެ.

Advertisement

މެދުފަޅާއި އިންވެގެން އުތުރަށް އޮންނަނީ ކަހަނބު ތިލަ ފަޅެވެ. އަދި ހުޅަނގަށް އޮންނަނީ ބޮލިކޭ ފަރެވެ. މި ދެ ތަނަކީ ވެސް ހިމާޔަތްކޮށްފައި އޮތް ސަރަހައްދުތަކެއް ނޫނެވެ. ހިމާޔަތްކޮށްފައި އޮތް މިޔަރު ކަނޑު އޮންނަކީ ބޮލިކޭ ފަރާއި ޖެހިގެން އޮންނަ އަލިމަތާ ރިސޯޓުގެ ހުޅަނގުންނެވެ. މިހެން ކަމުން މިޔަރު ކަނޑަކީ މެދުފަޅާއި އިންވެގެން އޮންނަ ތަނެކޭ ބުނެވޭނެ ތަނެއް ނޫނެވެ.

އެންވަޔަރަމަންޓް މިނިސްޓްރީގެ ގަވާއިދުތައް ހެދިފައި އޮތް ގޮތުން، ރިސޯޓު ހެދުމަށާއި ދަނޑުވެރިކަން ފަދަ ސިނާއީ ބޭނުންތަކަށް ދޫކޮށްފައިވާ ފަޅުތަކުން ހިއްކެނީ ފަޅުގެ 30 ޕަސެންޓެވެ. ބިން ހިއްކާއިރު، ވެލި ނެގޭ ސަރަހައްދުތައް ވެސް އޮންނަނީ އެ ގަވާއިދުގެ ދަށުން ކަނޑައަޅައިފަ އެވެ.

އެގޮތުން މިގޮތަށް ބިން ހިއްކާއިރު ތިމާވެށީގެ ގާނޫނުގެ ދަށުން ހިމާޔަތްކޮށްފައިވާ ސަރަހައްދުތަކާއި "ތިމާވެށީގެ ގޮތުން ނާޒުކު ސަރަހައްދުތައް" ކަމަށް ކަނޑައަޅާފައިވާ ސަރަހައްދުތަކުން ވެލި ނެގޭނީ 200 މީޓަރު ދުރުންނެވެ. މިހެން ނަމަވެސް މިދިޔަ އޭޕްރިލްގައި ގަވާއިދަށް ގެނައި އިސްލާހެއްގެ ދަށުން ވަޒީރުންގެ މަޖިލީހުގެ ހުއްދައެއްގެ ދަށުން މި ސަރަހައްދުތަކުން ވެސް ވެލި ނެގޭ ގޮތަށް ވަނީ ގަވާއިދު ބަދަލުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox