މާލޭގެ ބޭރު ތޮށި މަރާމާތު ކުރަން ޖަޕާނުން ދެ މިލިއަން ރުފިޔާ ދެނީ

 ބޭރު ތޮށި މަރާމާތު ކުރަން ޖަޕާނުން ދެ މިލިއަން ރުފިޔާގެ އެހީދޭން އެއްބަސްވެ ލިޔުމުގައި ސޮއިކުރަނީ --- ފޮޓޯ: ފޮރިން މިނިސްޓްރީ

ބޭރު ތޮށި މަރާމާތު ކުރަން ޖަޕާނުން ދެ މިލިއަން ރުފިޔާގެ އެހީދޭން އެއްބަސްވެ ލިޔުމުގައި ސޮއިކުރަނީ --- ފޮޓޯ: ފޮރިން މިނިސްޓްރީ

މާލޭގެ ބޭރު ތޮށިގަނޑު މާރާމާތު ކުރަން ޖަޕާނުގެ ސަރުކާރުން ދެ މިލިއަން ރުފިޔާގެ އެހީ ދޭން އެއްބަސްވެއްޖެ އެވެ.

ފޮރިން މިނިސްޓްރީން މިއަދު ބުނީ މި މަސައްކަތަށް ޖަޕާނު ސަރުކާރުން ދެނީ 140،000 އެމެރިކާ ޑޮލަރު ނުވަތަ 2.15 މިލިއަން ރުފިޔާ ކަމަށެވެ. އެ އެހީ ދިނުމަށް ލެޓާ އޮފް އެކްސްޗޭންޖުގައި ސޮއިކުރުމަށް އެ ވުޒާރާގައި މިއަދު ވަނީ ހާއްސަ ހަފުލާއެއް ބާއްވާފަ އެވެ.

އެ ލިޔުމުގައި ދިވެހި ސަރުކާރުގެ ފަރާތުން ސޮއިކުރެއްވީ ފޮރިން މިނިސްޓަރު މޫސާ ޒަމީރު އެވެ. ޖަޕާނު ސަރުކާރުގެ ފަރާތުން ސޮއިކުރެއްވީ އެ ގައުމުން ރާއްޖެއަށް ކަނޑައަޅާފައި ހުންނަވާ ސަފީރު ތަކެއުޗީ މިދޮރީ އެވެ.

Advertisement

ހާރިޖީ ވުޒާރާއިން ނެރުނު ބަޔާނުގައި ބުނީ މި އެހީގެ ދަށުން ތޮށިގަނޑަށް ގެންނަ މަރާމާތުގެ ޑިޒައިން ކުރެވިގެންދާނެ ކަމަށެވެ. މިއީ މާލޭގެ ރައްކާތެރިކަމާއި ރެޒިލިއެންސަށް މުހިންމު އެހީއެއް ކަމަށް ވެސް އެ ބަޔާނުގައި ބުނެފައިވެ އެވެ.

އެ ހަފުލާގައި ވާހަކަ ދައްކަވަމުން ރާއްޖެއަށް ކުރިމަތިވެފައިވާ ގުދުރަތީ ގޮންޖެހުންތަކާއި ތިމާވެށީގެ ބިރުން އަރައިގަތުމަށް ޖަޕާނުން އަބަދުވެސް ވެދެމުންދާ އެހީއަށް މިނިސްޓަރު ޒަމީރު ވަނީ ޝުކުރު އަދާކުރައްވައިފަ އެވެ. އަދި މާލޭގެ ތޮށިގަނޑު މަރާމަތު ކުރުމަކީ މުސްތަގުބަލުގެ ޖީލުތަކަށް ދެ ގައުމުގެ ގުޅުން ރަމްޒުކޮށްދޭނެ މަސައްކަތެއް ކަމަށް ވެސް އޭނާ ވިދާޅުވި އެވެ.

މާލޭގެ ވަށައިގެން މިހާރު މިއޮތް ތޮށިގަނޑަކީ ޖަޕާނުގެ އެހީގެ ދަށުން 1990 ގެ އަހަރުތަކުގައި ގާއިމުކުރި ތޮށްޓެކެވެ. މީގެ 20 އަހަރު ކުރިން 2004 ގައި ކުރިމަތިވި ސުނާމީ ކާރިސާގައި މާލެއަށް ލިބުނު ގެއްލުން ކުޑަކުރުމުގައި މި ތޮށިގަނޑުން ކުޅުން ރޯލު ޒަމީރު މިއަދު ފާހަގަކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox