ތެޔޮ އަގުބޮޑުކޮށްގެން ރައްޔިތުންގެ އަތުން ދުވާލަކަށް 3.5 މިލިއަން ރުފިޔާ ދަނީ ފޭރެމުން: ޣަފޫރު

އާޓިފިޝަލް ބީޗުގައި ބޭއްވި މެނިފެސްޓޯ ލޯންޗިން ޖަލްސާގައި ޣަފޫރު ވާހަކަ ދައްކަވަނީ. ސަރުކާރަށް ވަރަށް ބޮޑަށް ފާޑުވިދާޅުވި --- ފޮޓޯ: އެމްޑީޕީ

އާޓިފިޝަލް ބީޗުގައި ބޭއްވި މެނިފެސްޓޯ ލޯންޗިން ޖަލްސާގައި ޣަފޫރު ވާހަކަ ދައްކަވަނީ. ސަރުކާރަށް ވަރަށް ބޮޑަށް ފާޑުވިދާޅުވި --- ފޮޓޯ: އެމްޑީޕީ

ރާއްޖޭގައި އަގުހެޔޮކޮށް ގެނެސްފައި ހުރި ތެލުގެ ޝިޕްމަންޓުތަކެއް ހުއްޓައި ތެލުގެ އަގުބޮޑުކޮށްގެން ދުވާލެއްގެ މައްޗަށް ރައްޔިތުންގެ އަތުން 3.5 މިލިއަން ރުފިޔާ މުއިއްޒުގެ ސަރުކާރުން ފޭރެމުންދާ ކަމަށް އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޗެއާޕާސަން އަބްދުލްޣަފޫރު މޫސާ ވިދާޅުވެއްޖެ އެވެ.

އާޓިފިޝަލް ބީޗުގައި ބޭއްްވި ޖަލްސާއެއްގައި އެމްޑީޕީން ވަނީ އެޕްރީލް ހަތަރެއްގައި އޮންނަ ލޯކަލް ކައުންސިލް އިންތިހާބަށް އެ ޕާޓީން މާލެ ސިޓީއަށް ހުށަހަޅާ މެނިފެސްޓޯ ލޯންޗުކޮށްފަ އެވެ. އެ ޖަލްސާގައި ވާހަކަ ދައްކަވަމުން ހަނިމާދޫ ދާއިރާޣެ މެންބަރު ޣަފޫރު ވަނީ ތެލުގެ އަގު ސަރުކާރުން ބޮޑުކުރީ ވަގު ޖަހައިގެން ކަމަށް ވިދާޅުވެފަ އެވެ.

މީގެ ދެ ދުވަސްކުރިން އެސްޓީއޯގައި ހުސް ތާނގީއެއް ހުއްޓަސް ތެޔޮ އަޅާފައި ހުންނާނެ ކަމަށް ރައީސް މުހައްމަދު މުއިއްޒު ވިދާޅުވި ކަމަށާއި ހަތަރު ބޯޓު ރާއްޖެއަށް ތެޔޮ ހިފައިގެން މިސްރާބު ޖަހާފައިވާ ކަމަށް ވެސް ވިދާޅުވި ކަމަށް ޣަފޫރު ފާހަގަކުރެއްވި އެވެ.

Advertisement

"ރާއްޖެއަށް އަގުބޮޑު ތެޔޮ އަންނާނީ އެޕްރީލް އެއްވަނަ ދުވަހުގެ ފަހުން. ނަމަވެސް [ރައީސް އެހެން ވިދާޅުވިތާ] ދެ ދުވަސް ފަހުން 3.50ރ. ތެޔޮ ލީޓަރަކުން އަގުބޮޑުކޮށްފި. ރާއްޖޭގެ ރައްޔިތުން އެ ދަނީ ދުވާލަކު 3.5 މިލިއަން ރުފިޔާ ހަރަދުކުރަމުން، އަގުބޮޑު ތެލަށް،" ޣަފޫރު ވިދާޅުވި އެވެ.

މިދިޔަ ހޯމަ ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވަނީ ތެލުގެ މައްސަލައާ މެދު އެއްވެސް ކަންބޮޑުވުމެއް އަދި ނެތް ކަމަށް ވިދާޅުވެފަ އެވެ.

"28 ފެބުރުވަރީގައި ވެސް އޮމާނުން ފުރައިފި، އަޅުގަނޑުމެންގެ އިތުރު ޝިޕްމަންޓެއް އިނގޭތޯ. ދެން، އިތުރު ޝިޕްމަންޓެއް ހޯދުމުގެ މަސައްކަތް ރޭގައިވެސް ފަށައިފިން. މި ވަގުތުވެސް އެބަހުރި، ނިއަރލީ މަންތަކަށް ވާވަރަށް ފިއުލް އިނގޭތޯ. ދެން، ރާއްޖޭގައި ސްޓޮކް ކުރެވޭނޭ އެންމެ މެކްސިމަމް އެބަހުރި ސްޓޮކް ކޮށްފައި، މިހާރުވެސް ރާއްޖޭގައި،" މާޗު ދެވަނަ ދުވަހު މުއިއްޒު ވިދާޅުވި އެވެ.

އެހެން ނަމަވެސް މާޗު ފަހެއްގައި އެސްޓީއޯއިން ވަނީ ވަރަށް ބޮޑަށް ތެލުގެ އަގު ކުއްލިއަކަށް ބޮޑުކޮށްފަ އެވެ. އެ ދުވަހު ޕެޓްރޯލް ލީޓަރަކުން 2.51ރ. ބޮޑުކުރިއިރު ޑީސަލް ލީޓަރަކުން 3.62ރ. ބޮޑުކުރި އެވެ.

"ވަގު ޖަހައިގެން ރައްޔިތުންގެ އަތުން ދުވާލެއްގެ މައްޗަށް 3.5 މިލިއަން ރުފިޔާ އެދަނީ ފޭރެމުން. އެއީ މި ސަރުކާރަކީ. މި ސާފު ހިސާބަކުން ފެންނަން އޮތް ވާހަކަ. ވިދާޅުވީ ތާނގީތައް ފުރިފައޭ، އެސްޓީއޯގައި ހުސް ފީފާއެއް ހުއްޓަސް ހުރީ [ތެޔޮ] އަޅާފައޭ،" ޣަފޫރު ވިދާޅުވި އެވެ.

ރައްޔިތުން ލައްވައި އަގުބޮޑު ތެލަށް ސާރުކާރުން ހޭދަކުރުވަމުންދާތީ ޣަފޫރު ވަރަށް ބޮޑަށް ފާޑުވިދާޅުވި އެވެ.

އެމެރިކާ-އިރާނު ހަނގުރާމައާ ގުޅިގެން ހަކަތައިގެ ބާޒާރަށް އަންނަ ލޮޅުންތަކާ އެކީ ދުނިޔޭގެ ބާޒާރުގައި ތެލުގެ އަގު އަންނަނީ ވަރަށް ބޮޑުވަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox