ޅ. ނައިފަރު ހޮސްޕިޓަލުގެ ސާވާ ބަޔަކު ހެކު ކުރި މައްސަލަ ތަހުގީގު ކުރަމުންދާ ކަމަށް ފުލުހުން ބުނެފި އެވެ.
މީޑިއާތަކަށް ފުލުހުން ފޮނުވި މެސެޖެއްގައި ބުނީ އެ މައްސަލަ ފުލުހުންގެ އިދާރާއަށް ހުށަހެޅީ މިދިޔަ ބުރާސްފަތި ދުވަހު ކަމަށެވެ. އެ މައްސަލަ ތަހުގީގު ކުރުމަށް މާލެއިން ހާއްސަ ތަހުގީގު ޓީމެއް ނައިފަރަށް ގޮސް ހަރަކާތްތެރިވަމުންދާ ކަމަށް ފުލުހުން ބުންޏެވެ.
ނައިފަރު ހޮސްޕިޓަލުގެ ސާވާ ބަޔަކު ހެކު ކޮށްފައިވާއިރު، އެ ހޮސްޕިޓަލަކީ އެ އަތޮޅުގައި ހުންނަ އެންމެ ބޮޑު ހޮސްޕިޓަލެވެ. ނައިފަރު ހޮސްޕިޓަލުގެ ސާވާ ބަޔަކު ހެކޮ ކޮށްފައިވާއިރު، އެ ހޮސްޕިޓަލުގެ ވެބްސައިޓަށް މިހާރު ވެސް ނުވަދެވެ އެވެ.
އެކަމާ ގުޅޭގޮތުން މައުލޫމާތު ހޯދުމަށް އެ ހޮސްޕިޓަލުގެ މެނޭޖަރަށް ގުޅުމުން ފޯނަށް ޖަވާބު ނުދެއްވާތީ އިތުރު މައުލޫމާތެއް ނުލިބުނެވެ.
