ދެކުނުގެ ރަށެއްގައި ނުކުޅެދުންތެރިކަން ހުންނަ ފިރިހެނަކަށް ޖިންސީގޯނާ ކުރި ކަމުގެ ތުހުމަތުގައި 57 އަހަރުގެ މީހަކު ފުލުހުން ހައްޔަރުކޮށްފި އެވެ.
ފުލުހުން ބުނީ އެޕްރިލް 14، ގައި ހުށަހެޅި މައްސަލައަކާ ގުޅިގެން 57 އަހަރުގެ އެ މީހާ ހައްޔަރުކުރީ ކޯޓު އަމުރެއްގެ ދަށުން މިދިޔަ ބުދަ ދުވަހު ކަމަށެވެ.
އޭނާގެ ބަންދާ މެދު ގޮތެއް ނިންމަން މިދިޔަ ބުރާސްފަތި ދުވަހު ކޯޓަށް ހާޒިރު ކުރުމުން ޝަރީއަތް ނިމެންދެން ބަންދު ކުރުމަށް ކޯޓުން އަމުރުކޮށްފައިވާ ކަމަށް ވެސް ފުލުހުން ބުންޏެވެ.
"ޖިންސީ އަނިޔާ ލިބުނު މީހާއަކީ ނުކުޅެދުންތެރިކަން ހުންނަ މީހަކަށްވާތީ، ގާނޫނުގައިވާ ގޮތުގެ މަތިން މި މައްސަލަ ފުލުހުން ތަހުގީގު ކުރަމުން ދަނީ ކުޑަ ކުއްޖަކަށް ޖިންސީ ގޯނާ ކުރި މައެއްސަލައެއް ގޮތުގައި،" ފުލުހުން ބުންޏެވެ.
ކުޑަކުދިންނާ ގުޅޭ ސީރިއަސް މައްސަލަތަކުގައި ފުލުހުން އަމަލު ކުރާ އުސޫލުގެ ދަށުން މި ހާދިސާ ހިނގި ރަށާއި، މީހާގެ ވަނަވަރު ހާމަކޮށްފައެއް ނުވެ އެވެ. ޖިންސީގޯނާކުރި ކަމަށް ތުހުމަތުވާ މީހާގެ ވަނަވަރު ވެސް އެ އުސޫލުން ހާމައެއް ނުކުރެ އެވެ.
