ރާއްޖޭގެ މިނިވަންކަމަށް ކުރާ މަސައްކަތަށް އެމެރިކާއިން އަބަދުވެސް އެހީވާނެ: ސަފީރު

އެމެރިކާގެ ސަފީރު ޔޮން: ރާއްޖޭގެ މިނިވަންކަމަށް ކުރާ މަސައްކަތަށް އެމެރިކާއިން އަބަދުވެސް އެހީވާނެ ކަމަށް އޭނާ ވިދާޅުވި --- ފޮޓޯ: ރައީސް އޮފީސް

އެމެރިކާގެ ސަފީރު ޔޮން: ރާއްޖޭގެ މިނިވަންކަމަށް ކުރާ މަސައްކަތަށް އެމެރިކާއިން އަބަދުވެސް އެހީވާނެ ކަމަށް އޭނާ ވިދާޅުވި --- ފޮޓޯ: ރައީސް އޮފީސް

މިނިވަންކަމާއި އަމިއްލަވަންތަކަން ދެމެހެއްޓުމަށް ރާއްޖެއިން ކުރާ މަސައްކަތްތަކަށް އެމެރިކާއިން އަބަދުވެސް އެހީތެރިވާނެ ކަމަށް އެ ގައުމުން ރާއްޖެއަށް ކަނޑައާޅާފައި ހުންނަވާ ސަފީރު ހޫގޯ ޔޮން ވިދާޅުވެއްޖެ އެވެ.

ރާއްޖޭގައި އެމެރިކާގެ އެމްބަސީއެއް ހުޅުވިތާ އަހަރެއް ފުރުން ފާހަގަކުރުމަށް ރޭ ބޭއްވި ރަސްމިއްޔާތެއްގައި ވާހަކަ ދައްކަވަމުން އޭނާ ވިދާޅުވީ، ދެ ގައުމުގެ ގުޅުން ބިނާވަނީ ޑިމޮކްރަސީއާއި މިނިވަންކަމާއި ރާއްޖޭގެ ރައްކާތެރިކަމުގެ މައްޗަށް ކަމަށެވެ.

"ރާއްޖޭގެ މިނިވަންކަމަށް ކުރާ މަސައްކަތްތަކާއި ރަހުމަތްތެރިޔެއްގެ ގޮތުގައި ކުރެވޭ ކަންކަމަށް އެމެރިކާއިން އަބަދުވެސް އެހީތެރިވާނަން. ދުނިޔޭގެ އެންމެ މުހިންމު ކަނޑުދަތުރުގެ މަގުތައް ރާއްޖޭގެ ކަނޑުގެ ސަރަހައްދު ހުރަސް ކުރުމަކީ އެމެރިކާއިން ރާއްޖެއާ އެކު މަސައްކަތް ކުރާ އެއް ސަބަބު،" އޭނާ ވިދާޅުވި އެވެ.

Advertisement

ކަނޑުދަތުރުފަތުރުގެ ރައްކާތެރިކަމުގައި ރާއްޖެއިން ކުޅޭ ރޯލު ފާހަގަކޮށް ޔޮން ވަނީ ދިވެހިންނަށް ޝުކުރު އަދާކުރައްވާފަ އެވެ.

ކުރިއަށް އޮތް ތަނުގައި ދެ ގައުމުގެ ގުޅުން ބިނާކުރުމަށް ކުރަން ޖެހޭ އެންމެ މުހިންމު ކަމަކީ އާންމުންގެ މެދުގައި ގުޅުން ބަދަހިކުރުން ކަމަށްވެސް އޭނާ ވިދާޅުވި އެވެ. އަދި، ތަކުރާރުކޮށް ރާއްޖޭގެ ކަނޑުތަކަށް ދުނިޔޭގެ އިގުތިސޯދު ބަރޯސާވާ މިންވަރު ސަފީރު ފާހަގަކުރެއްވި އެވެ.

އެމެރިކާގެ އެމްބަސީއެއް ރާއްޖޭގައި ގާއިމުކޮށް ސަފީރަކު ފުރަތަމަ ފަހަރަށް ރާއްޖެއަށް އައްޔަން ކުރީ ސެޕްޓެމްބަރު 2023, ގަ އެވެ. އްޖެއިން އެމެރިކާއާ އެކު ސިޔާސީ ގުޅުން ޤާއިމްކޮށްފައި ވަނީ، 1965 ގަ އެވެ.

މި ސަރުކާރަކީ މި ފަހުން އެމެރިކާއާއެކު އެންމެ ގާތް ގުޅުމެއް ބާއްވަން މަސައްކަތް ކުރަމުންދާ ސަރުކާރެވެ. އެކަމާ ގުޅިގެން ގިނަ ބައެއްގެ ފާޑުކިޔުންވެސް ސަރުކާރަށް އަމާޒުވެފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox