ބޮގަރު ކައްކައި އޭގެ ވިޔަފާރި ކުރަމުންދިޔަ ބަޔަކު ލ. އަތޮޅު ގަމުން ފުލުހުން އަތުލައިގެންފި އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ އެ މައްސަލައިގައި ހައްޔަރު ކުރީ 43 އަހަރާއި 57 އަހަރުގެ ދެ ފިރިހެން ކަމަށެވެ.
އެމީހުން ހައްޔަރު ކުރީ ލ. ގަން، ތުނޑި، ވިލެޖު ގޭގައި މަސްތުވާތަކެތި ވިއްކައި ވިޔަފާރި ކުރާ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން އެ ގެ ބަލައި ފާސް ކުރުމަށްފަހު ކަމަށް ފުލުހުން ބުންޏެވެ.
އެގެއިން 24.42 ގްރާމުގެ ހެރޮއިން އާއި ބޮގަރު ދެ ރުނބަޔާއި 5 ލީޓަރު ބޮގަރު ފުޅިއެއްގެ އިތުރުން ބޮގަރު ކައްކަން ބޭނުން ކުރާ ސާމާނު ވެސް ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް އެ މެސެޖުގައި ބުންޏެވެ.
އެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
