ރާއްޖޭގެ ފުރަތަމަ ފީފާ ރެފްރީ މައްލާ ޅަތުއްތު އަވަހާރަވެއްޖެ

Aug 15, 2024, 10:35 AM
ރާއްޖޭގެ ފުރަތަމަ ފީފާ ރެފްރީ މައްލާ ޅަތުއްތު އަވަހާރަވެއްޖެ

ރާއްޖޭގެ އެންމެ ފުރަތަމަ ފީފާ ރެފްރީ، މައްލާ ޅަތުއްތު އަވަހާރަވެއްޖެ އެވެ.

އުމުރުން 76 އަހަރުގައި، މައްލާ ޅަހުއްތު އަވަހާރަވީ ކެންސަރު ބައްޔަށް ފަރުވާ ހޯދަމުން ދަނިކޮށް، މިއަދު އިންޑިއާގެ ޓްރެވިންޑްރަމް ހޮސްޕިޓަލެއްގެ އައިސީޔޫގައި ފަރުވާދެމުން ދަނިކޮށެވެ.

މައްލާ އަކީ ރާއްޖޭން ފީފާ ބެޖު ހާސިލްކުރި ފުރަތަމަ ރެފްރީ އެވެ. އަދި އޭނާ ވަނީ އެންމެ މަތީ ފަންތީގައި 1969 އިން 1995 އަށް ރެފްރީކަން ކޮށްފަ އެވެ. ފީފާ ބެޖުގައި ރެފްރީކަން މައްލާ ކުރެއްވީ 1990 އިން 1993 އަކާ ހަމަ އަށެވެ.

Advertisement

ކުރީގެ ފުޓްބޯޅަ ކުޅުންތެރިޔާ، އިބްރާހިމް ފިރާޒް މޫސާ (ކުޑަމައްލާ) އާއި ގައުމީ ބެޑްމިންޓަން ޓީމާ އެކު ގިނަ މުބާރާތްތަކެއް ކުޅުނު، އައިމިނަތު ޝަހުރުނާޒް މޫސާ އަކީ މައްލާ ޅަ ތުއްތުގެ ދަރިންގެ ތެރެއިން ކުޅިވަރުގައި ފާހަގަކޮށްލެވޭ ދެ ނަމެވެ.

މީގެ އިތުރުން މައްލާ އަކީ ރެފްރީން ތަމްރީނުކުރެއްވުމުގައި ވެސް ގިނަ ދުވަސްތަކެއް ހޭދަކުރެއްވި ބޭފުޅެކެވެ. އެ ގޮތުން މަޝްހޫރު ރެފްރީ އަލީ ސަލީމާއި, އަހުމަދު އަބީރު އަދި އަހުމަދު އަމީޒު ތަމްރީނުކޮށްދެއްވީ މައްލާ އެވެ.

މައްލާ ވަނީ ރާއްޖޭގެ ކުޅިވަރަށް 52 އަހަރަށް ވުރެ ގިނަ ދުވަހު ހިދުމަތްކޮށްދެއްވައިފަ އެވެ. އަދި ކުޅިވަރުގެ ގިނަ އެވޯޑްތަކެއް ހޯދި އެެވެ. އޭގެ ތެރޭގައި، 1990 ވަނަ އަހަރު ހޯދި ކުޅިވަރަށް ހިދުމަތްކުރުމުގެ ރޮނގުން ޢާންމު ހިދުމަތުގެ ހިތްވަރު ދިނުމުގެ އިނާމު، 2018 ވަނަ އަހަރު، އެފްއޭއެމްގެ "ޕްރެޒިޑެންޝަލް އެވޯޑް"، 2022 ވަނަ އަހަރު ރާއްޖޭގެ ކުޅިވަރަށް ހިދުމަތްކުރުމުގެ ރޮނގުން އާންމު ހިދުމަތުގެ ޝަރަފުވެރިކަމުގެ އިނާމު ހޯދުމުގެ އިތުރުން، މިދިޔަ އަހަރު ހޯދި ދިވެހި ދައުލަތަށް ހިދުމަތްކުރުމުގެ އިނާމް އަދި މިދިޔަ އަހަރު މޯލްޑިވްސް ސްޕޯޓްސް އެވޯޑްސްގައި ހޯދި ލައިފްޓައިމް އެޗީވްމަންޓް އެވޯޑް ހިމެނެ އެވެ.

ދައުލަތަށް އެކި ރޮނގުރޮނގުން ހިދުމަތްކޮށްދެއްވި، މައްލާ ޅަތުއްތު ވަނީ މީގެ ކުރިން، މިނިސްޓްރީ އޮފް ކޮންސްޓްރަކްޝަން އެންޑް ޕަބްލިކް ވޯކްސްގެ އެކި މަގާމުތަކުގައި 11 އަހަރަށް ވުރެ ގިނަ ދުވަހު މަސައްކަތް ކުރައްވައިފަ އެވެ.

މައްލާ ޅަތުއްތު އެންމެ ފަހުން ހިދުމަތްކުރައްވާފައިވަނީ، ރައްޔިތުންގެ މަޖިލީހުގެ އިދާރާގަ އެވެ. އެ އިދާރާގައި ހަ އަހަރަށް ވުރެ ގިނަ ދުވަހު ހިދުމަތް ކުރެއްވި، މައްލާ ވަނީ އެ އިދާރާގެ އެސިސްޓެންޓް ޑިރެކްޓާ ޖެނެރަލުގެ މަގާމާއި، ޑެޕިއުޓީ ޑިރެކްޓާ ޖެނެރަލް ކަމުގެ މަގާމުގެ ޒިންމާ އަދާކުރައްވައިފަ އެވެ. އޭނާ އެންމެފަހުން އަދާކުރެއްވީ، އެ އިދާރާގެ ޑިރެކްޓާ ޖެނެރަލް ކަމުގެ މަގާމެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox