މިހާރު ކުރިއަށްދާ މާކަންޓައިލް އޮފީސް/ކޮމްޕެނީ ވޮލީބޯލް ޗެމްޕިއަންޝިޕް 2024 ގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިން ފަސޭހަކަމާ އެކު ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) ބަލިކުރިއިރު, ޕޮލިސް ކޯޕަރޭޓިވް ސޮސައިޓީ (ޕޮލްކޯ) އަތުން މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އުނދަގޫ މޮޅެއް ހޯދައިފި އެވެ.
އިއްޔެ ހަވީރު އެޗްޑީސީ ޕާކު ކޯޓުގައި ކުޅުނު މެޗުގައި ވެމްކޯ އިން އެޗްޑީސީގެ މައްޗަށް ކުރިހޯދީ ސީދާ ތިން ސެޓުންނެވެ. މި މެޗުގެ ސެޓުތައް އެޗްޑީސީ އިން ގެންދިޔައީ 25-11, 25-17 އަދި 25-14 އިންނެވެ.
ރޭ ޕޮލްކޯގެ މައްޗަށް އެމްއެންޑީއެފް އިން ކުރިހޯދީ 3-2 ސެޓުންނެވެ. ޕޮލްކޯ އިން މި މުބާރާތުގައި ކުޅުނު ފުރަތަމަ މެޗުގައި އެޗްޑީސީ އަތުން 3-1 ސެޓުން ބަލިވި ނަމަވެސް ދެވަނަ މެޗުގައި ސްޓެލްކޯ އަތުން 3-2 ސެޓުން ވަނީ މޮޅުވެފަ އެވެ.
ރޭގެ މެޗުގެ ސެޓުތައް ދިޔައީ, 25-21, 23-25, 19-25, 25-21 އަދި 15-12 އިންނެވެ.
މި މެޗުގެ ފުރަތަމަ ސެޓު އެމްއެންޑީއެފް އިން ކާމިޔާބުކުރި ނަމަވެސް ޖެހިގެން އައި ދެ ސެޓު ޕޮލްކޯ އިން ވަނީ މޮޅަށް ކުޅެ, ގެންގޮސްފަ އެވެ. އެކަމަކު ހަތަރު ވަނަ ސެޓުގަިއ އެމްއެންޑީއެފް އިން އެ ޓީމުގެ ކުޅުން ރަނގަޅުކުރިއިރު, މި ސެޓު އެ ޓީމުން ވަނީ 25-21 އިން ކާމިޔާބު ކޮށްފަ އެވެ.
މެޗުގެ ފަހު ސެޓުގައި ވެސް ޕޮލްކޯ ޓީމުން ފެނިގެންދިޔައީ ހަތަރު ވަނަ ސެޓުގައި ކުރި މަސައްކަތް ތަކުރާރުކުރި މަންޒަރެވެ. އެއާ އެކު, މި ސެޓު ޕޮލްކޯ އިން ކާމިޔާބުކުރީ 15-12 އިންނެވެ.
މުބާރާތުގައި މިއަދު ހަވީރު ސްޓެލްކޯ އިން ކުޅޭނީ އެޗްޑީސީއާ އެވެ. އަދި މިރޭ، ޕޮލްކޯ އާއި ވެމްކޯ ބައްދަލުކުރާނެ އެވެ.
