އަމިއްލަ ސްކޫލުތަކުގައި އޭ ލެވެލަށް ކިޔަވަން ސަރުކާރުން ފީ ދައްކާ އުސޫލަށް ކުއްލި ބަދަލެއް!

އޭ ލެވެލް ކިޔަވާ ދަރިވަރަކު އިމްތިހާން ހެދުމަށް ދިޔުން: މިފަހަރު އޭ ލެވެލް ފީ ލިބޭނީ ހަމައެކަނި ސަރުކާރު ސްކޫލްތަކަށް ވަންނަ ދަރިވަރުންނަށް -- ފޮޓޯ: އަދަދު ފައިލް

އޭ ލެވެލް ކިޔަވާ ދަރިވަރަކު އިމްތިހާން ހެދުމަށް ދިޔުން: މިފަހަރު އޭ ލެވެލް ފީ ލިބޭނީ ހަމައެކަނި ސަރުކާރު ސްކޫލްތަކަށް ވަންނަ ދަރިވަރުންނަށް -- ފޮޓޯ: އަދަދު ފައިލް

އަމިއްލަ ސްކޫލްތަކުގައި ގްރޭޑު 11، 12 އަށް ކިޔެވުމަށް ސަރުކާރުން މި އަހަރު ފީ ދައްކާނީ, ސަރުކާރު ސްކޫލްތަކުގެ ޖާގަ ފުލްވެގެން އަމިއްލަ ސްކޫލުތަކަށް ދާންޖެހޭ ދަރިވަރުންނަށް އެކަނި ކަމަށް އެޑިއުކޭޝަން މިނިސްޓްރީން ނިންމައިފި އެވެ.

"އަދަދު" އަށް އެނގިފައިވާ ގޮތުގައި ޕަބްލިކް ޕްރައިވެޓް ޕާޓްނާޝިޕްގެ ދަށުން ހިންގާ ސްކޫލްތަކުގައި އަލަށް އޭ ލެވެލް އަށް ކިޔަވަން ފަށާ ދަރިވަރުންގެ ތެރެއިން ސަރުކާރުން ފީ ދައްކާނީ ފަސް މާއްދާއިން ފާސްވެ، ސަރުކާރުގެ ސްކޫލަކުން ޖާގަ ނުލިބޭ ދަރިވަރުންގެ ތެރެއިން އަމިއްލަ ސްކޫލަށް ވަންނަން އެދޭ ދަރިވަރުންނަށެވެ.

ސެޕްޓެމްބަރު މަހު އޭ ލެވެލްގެ ކިޔެވުން ފަށާއިރު، ޕްރައިވެޓު ސްކޫލުތަކަށް ވަންނަން އެދޭ ދަރިވަރުންނަށް ސަރުކާރުން ފީ ދައްކާ އުސޫލު ބަދަލުކޮށް އެކަން އެ ސްކޫލުތަކަށް ވަނީ އަންގައިފަ އެވެ.

Advertisement

އެޑިއުކޭޝަން މިނިސްޓްރީގެ އޮފިޝަލަކު ވިދާޅުވީ ކުރިން ވެސް އުސޫލު އޮތީ މިހާރު ވެސް އޮތް ގޮތަކަށް ކަމަށާއި، ނަމަވެސް މައްސަލައަކަށް ދިމާވީ އެ އުސޫލަށް މިހާތަނަށް ފުރިހަމަ އަށް އަމަލު ކުރެވި ނެތުން ކަމަށެވެ.

އަދަދު ނޫހާ ވާހަކަ ދެއްކި ބެލެނިވެރިންގެ ކަންބޮޑުވުމަކީ މާލޭގައި ހަދާ ސީއެޗްއެސްސީގެ އެނެކްސް އާއި އަސްލު ސީއެޗްއެސްސީގެ ފެންވަރުގެ ފަރަގު ބޮޑުވެދާނެތީ އެވެ.

"އެންމެ ފަހު ވަގުތު ނިންމުންތައް ބަދަލު ކުރުމަކީ މައްސަލައެއް. އަމިއްލަ ސްކޫލުތަކުން ފުރުސަތު ލިބޭނެ ކަމުގެ އުއްމީދުގައި ތިބީ. ނަމަވެސް މިހާރު އެ ވީގޮތް ވަރަށް ދެރަ،" ބެލެނިވެރިޔަކު ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox