ރަފާ، ޓީޓީ ކޯޗިން އަށް މަގުކޮށަނީ ވެސް އިސްކަންދަރު ސްކޫލުން

މުބާރާތުގެ މެޗެއްގެ ތެރެއިން އިއްޔެ، ރަފާ، އިސްކަންދަރު ކުޅުންތެރިންނަށް ބުނެދެނީ.--- ފޮޓޯ: އަތޫފް އާތިފް / އަދަދު

މުބާރާތުގެ މެޗެއްގެ ތެރެއިން އިއްޔެ، ރަފާ، އިސްކަންދަރު ކުޅުންތެރިންނަށް ބުނެދެނީ.--- ފޮޓޯ: އަތޫފް އާތިފް / އަދަދު

ޓޭބަލް ޓެނިސް އެސޯސިއޭޝަނުން އިންތިޒާމުކޮށްގެން މިހާރު ކުރިއަށްދާ މި އަހަރުގެ އިންޓަ ސްކޫލް ޓޭބަލް ޓެނިސް މުބާރާތް އިއްޔެ ފެށިއިރު, މި މުބާރާތުގައި ސްކޫލްތަކުގެ ކޯޗުންގެ ގޮތުގައި ގައުމީ ޓޭބަލް ޓެނިސް ޓީމުގެ ގިނަ ކުޅުންތެރިންތަކެއް އަންނަނީ ހަރަކާތްތެރި ވަމުންނެވެ. އޭގެ ތެރެއިން، ފާހަގަކޮށްލެވޭ އެއް ކުޅުންތެރިޔަކީ އިސްކަންދަރު ސްކޫލްގެ ކޯޗެއްގެ ގޮތުގައި ފެނިގެންދާ އެ ސްކޫލްގެ ކުރީގެ ދަރިވަރު، އައިޝަތު ރަފާ ނާޒިމް އެވެ.

ރަފާ، 20، އެންމެ ފުރަތަމަ ގައުމީ މުބާރާތް 2016 ވަނަ އަހަރު ކާމިޔާބުކުރިއިރު, އޭނާ ތައުލީމު ހާސިލްކުރަމުން ގެންދިޔައީ, އިސްކަންދަރު ސްކޫލުގަ އެވެ. އެއިރު، އުމުރުން 13 އަހަރެވެ.

އޭގެ ފަހުން، ޓީޓީގައި ރާއްޖޭން ބައިނަލްއަގުވާމީ ލެވަލްގައި ގިނަ ކާމިޔާބީތަކެއް ރަފާ ހޯދާފައިވާއިރު، އޭނާ އަކީ މި ވަގުތައް ބަލާއިރު ވެސް ރާއްޖޭގެ އެންމެ މަތީ ފަންތީގައި ޓީޓީ ކުޅެމުން އަންނަ، އެއް ކުޅުންތެރިޔާ އެވެ.

މި ވަގުތު ރާއްޖޭގެ އެންމެ މޮޅު އަންހެން ދެ ކުޅުންތެރިންގެ ތެރޭގައި ރަފާ ހިމެނެ އެވެ.

"އަދަދު ސްޕޯޓްސްއާ" އާ ވާހަކަ ދައްކަމުން، ރަފާ ބުނީ, މި ފަހަރުގެ އިންޓަ ސްކޫލް މުބާރާތައް ކޯޗުކަން ކޮށްދޭން ގިނަ ސްކޫލުތަކުގެ ހުށަހެޅުންތައް އޭނާ އަށް ލިބުން ކަމަށެވެ. އެކަމަކު، އިސްކަންދަރު ސްކޫލުގެ ހުށަހެޅުން ގަބޫލުކުރީ ސްކޫލްދައުރުގެ ގިނަ ދުވަސްތައް އެ ސްކޫލުގައި ހޭދަކުރެވިފައި ވުމުން ކަން ރަފާ ފާހަގަކުރި އެވެ.

"އެހެން އެއްވެސް ސްކޫލަކަށް ކޯޗުކަން ކޮށްދިނުމަށް ވުރެ އިސްކަންދަރަށް ކޯޗުކަން ކޮށްދިނުން އެއީ ލިބޭ އުފަލެއް. ގިނަ ސްކޫލުތަކުގެ ހުށަހެޅުން ލިބުނު. އެކަމަކު، އިސްކަންދަރު ހިޔާރުކުރީ ރަފާ ސްކޫލް ހަޔާތުގެ ބޮޑު ބަޔެއް ހޭދަކުރި ސްކޫލަކީ އެއީ ކަމުގައި ވުމުން" މައިލޯ ކަލާސް އެވޯޑް ވެސް ހާސިލްކޮށްފައިވާ ރަފާ ބުންޏެވެ.

ރަފާ ބުނީ އިސްކަންދަރަކީ އޭނާގެ ހަޔާތުގެ މުހިންމު ދައުރެއް އަދާކުރި ސްކޫލެއް ކަމަށެވެ. އަދި އޭގެ ބަދަލުގައި އިސްކަންދަރަށް ކަމެއް ކޮށްދެވޭތީ ހިތްހަމަޖެހޭ ކަމަށެވެ. އަދި އިސްކަންދަރުގައި ޓީޓީ އަށް ލޯބިކުރާ ގިނަ ކުދިންތަކެއް ތިބުން އެއީ ލިބޭ އުފަލެއް ކަމަށާއި، އިތުރު ކުދިންވެސް ޓީޓީ އަށް ލޯބިކުރާނެ ކަމަށް އުންމީދުކުރާ ކަމަށެވެ.

އިސްކަންދަރު ސްކޫލްގައި ރަފާ ވަނީ ސްޕޯޓްސް ކެޕްޓަންގެ ޒިންމާ ވެސް އަދާކޮށްފަ އެވެ. އަދި، އެ ސްކޫލްގެ ޑެޕިއުޓީ ބޭންޑް ލީޑަރުގެ މަގާމާއި ޑެޕިއުޓީ ކެޕްޓަންގެ މަގާމު އަދާކުރި ރަފާ ވަނީ، އިސްކަންދަރު ސްކޫލުން 2019 ވަނަ އަހަރު ހޮވި އެންމެ މޮޅު ދަރިވަރުގެ މަގާމު ހޯދައިފަ އެވެ.

އިއްޔެ އިން ފެށިގެން މި މަހު 10 ވަނަ ދުވަހުގެ ނިޔަލަށް މާލޭ ޓީޓީ ހޯލުގައި، އިންޓަ ސްކޫލް ޓޭބަލްޓެނިސް މުބާރާތް ކުރިއަށްދާނެ އެވެ. މި މުބާރާތުގައި 16 ސްކޫލަކުން ގިނަ އަދަދެއްގެ ކުޅުންތެރިން ބައިވެރިވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox