ދީމާ އާއި ރަފާ އަށް އިސްލާމިކް ސޮލިޑާރިޓީ ގޭމްސް އިން ލޯ މެޑަލް ހޯދައިފި

Nov 13, 2025, 4:41 AM
ސޮލިޑާރިޓީ ގޭމްސްގެ އަންހެން ޑަބަލްސް ފައިނަލުގައި ރަފާ (ކ) އާއި ދީމާ ވާދަކުރި މެޗުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ / އިސްމާއިލް ތޯރިގު

ސޮލިޑާރިޓީ ގޭމްސްގެ އަންހެން ޑަބަލްސް ފައިނަލުގައި ރަފާ (ކ) އާއި ދީމާ ވާދަކުރި މެޗުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ / އިސްމާއިލް ތޯރިގު

ސައުދީ އަރަބިއްޔާގެ ރިޔާދުގައި ކުރިއަށްދާ އިސްލާމިކް ސްލިޑާރިޓީ ގޭމްސްގެ ޓޭބަލް ޓެނިސް އިވެންޓުގެ އޯޕަން ބައިގެ އަންހެން ޑަބަލްސް އިވެންޓުން ރާއްޖޭގެ ފާތިމަތު ދީމާ އަލީ އާއި އައިޝަތު ރަފާ ނާޒިމް ލޯ މެޑަލް ހޯދައިފި އެެވެ.

މިއީ، އިސްލާމިކް ސޮލިޑާރިޓީ ގޭމްސް އިން ރާއްޖެ އަށް ލިބުނު ދެ ވަނަ މެޑަލް އެވެ. މީގެ ކުރިން، 2022 ވަނަ އަހަރު ޓީޓީ އަންހެން ޓީމުން ވަނީ ލޯ މެޑަލް ހޯދައިފަ އެވެ.

މި ފަހަރުގެ ސޮލިޑާރިޓީ ގޭމްސްގައި ދީމާ އާއި ރަފާގެ ޕެއާ އަށް އަންހެން ޑަބަލްސް އިން ލޯ މެޑަލް ލިބުނީ ސެމީ ފައިނަލުގައި ތުރުކީގެ އެޝޭ ހަރާޝް އާއި އޮޒްގޭ ޔިލްމާޒްގެ ޕެއާ އަތުން ބަލިވުމުންނެވެ. އެޝޭ އާއި އޮޒްގޭގެ ޕެއާ އިން މި މެޗު ކާމިޔާބުކުރީ 3-1 ސެޓުންނެވެ.

Advertisement

މެޗުގެ ފުރަަތަމަ ދެ ސެޓު، އެޝޭ އާއި އޮޒްގޭ އަށް ލިބުނީ 11-07، 11-05 އިންނެވެ. ތިން ވަނަ ސެޓުގައި ރަފާ އާއި ދީމާ ކުޅުން ރަނގަޅުކޮށް، 07-11 އިން ސެޓު ގެންދިޔަ އެެވެ. އެހެން ނަމަވެސް، ހަތަރު ވަނަ ސެޓު، 11-06 އިން ގެންގޮސް އެޝޭ އާއި އޮޒްގޭ މެޗުން މޮޅުވީ އެވެ.

ސެމީ ފައިނަލް މެޗުގެ ތެރެއިން ރަފާ (ވ) އާއި ދީމާ.--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު

ރަފާ އާއި ދީމާ، ފުރަތަަމަ ކުުޅުނީ ގަދަ 16 ބުރުގައި ޕާކިސްތާންގެ ހޫރު ފަވާދު އާއި ހަލްސޫމް ހާންއާ ދެކޮޅަށެވެ. އެ މެޗުން ރަފާ އާއި ދީމާގެ ޕެއާ 3-0 އިން މޮޅުވިއިރު، ސެޓުތައް ގެންދިޔައީ، 11-07، 11-07 އަދި 11-09 އިންނެވެ.

އެ އަށް ފަހު، ކުއާޓާ ފައިނަލް މެޗުގައި، ރަފާ އާއި ދީމާ ވާދަކުރީ މިސްރުގެ ޔުސްރާ އަޝްރަފް އަބްދެލްރައްޒާގު އާއި ހެންދު މުހައްމަދު ފާތީ އަބްދެލްހަލީމްގެ ޕެއާއާ އެވެ. އެ މެޗުން ރަފާ އާއި ދީމާ ވަނީ ވާދަވެރި ކުޅުމަކަށް ފަހު، 3-1 ސެޓުން މޮޅުވެފަ އެވެ. މެޗުގެ ސެޓުތައް ދިޔައީ، ފުރަތަމަ ސެޓުން، 03-11 އިން މިސްރުގެ ޔުސްރާ އާއި ފާތީގެ ޕެއާ މޮޅުވެގެންނެެވެ. އެކަމަކު، ދެން ކުޅުނު ތިން ސެޓުން މޮޅުވެ، ރަފާ އާއި ދީމާ ސެމީ ފައިނަލުން ޖާގަ ހޯދީ އެވެ. ދީމާ އާއި ރަފާ، ސެޓުތައް ގެންދިޔައީ، 11-09، 13-11 އަދި 11-05 އިންނެވެ.

އޯޕަން ބައިގެ ފިރިހެން ޑަބަލްސްގައި ރާއްޖޭގެ މޫސާ މުންސިފް އަހުމަދު އާއި މުހައްމަދު ޝައްފާން އިސްމާއިލްގެ ޕެއާ އިން ކުއާޓާ ފައިނަލުގައި ވާދަކުރިއިރު، މިކްސް ޑަބަލްސް އިން މުންސިފް އާއި ރަފާގެ ޕެއާ ވެސް ވަނީ ކުއާޓާގައި ކުޅެފަ އެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox