ދީމާ ޑަބްލިއުޓީޓީ ދަންމާމު ކޮންޓެންޑާ މުބާރާތުގެ ސެމީގައި ވާދަކޮށްފި

Dec 10, 2025, 1:56 PM
ގައުމީ ޓީޓީ މުބާރާތުގެ މެޗެއްގެ ތެރެއިން ދީމާ.--- ފޮޓޯ: އަދަދު ސްޕޯޓްސް/ އިމޭޖަސް.އެމްވީ

ގައުމީ ޓީޓީ މުބާރާތުގެ މެޗެއްގެ ތެރެއިން ދީމާ.--- ފޮޓޯ: އަދަދު ސްޕޯޓްސް/ އިމޭޖަސް.އެމްވީ

ސައުދީ އަރަބިއްޔާގެ ދަންމާމުގައި މިހާރު ކުރިއަށްދާ ވޯލްޑް ޓޭބަލް ޓެނިސް (ޑަބްލިއުޓީޓީ) ޔޫތު ކޮންޓެންޑާ މުބާރާތުގެ 19 އަހަރުން ދަށުގެ އަންހެން ސިންގަލްސް ސެމީ ފައިނަލުގައި ގައުމީ ޓީޓީ ކުޅުންތެރިޔާ، ފާތިމަތު ދީމާ އަލީ ވަދަކޮށްފި އެވެ.

މުބާރާތުގެ ގްރޫޕް ސްޓޭޖުގައި ފުރަތަމަ ކުޅުނު މެޗުން ދީމާ ވަނީ، މިސްރުގެ ހަބީބާ އެލްބަސޫމީއާ ވާދަކޮށް، 3-2 ސެޓުން ބަލިވެފަ އެވެ. މެޗުގެ ފުރަތަަމަ ދެ ސެޓު، 04-11، 07-11 އިން ދީމާ ކުރިހޯދައިފައިވަަނިކޮށް، ހަބީބާ މޮޅުވީ ދެން ކުޅުނު ތިން ސެޓުން، 11-08، 11-07 އަދި 11-04 އިން ގެންގޮސްގެންނެވެ. ގްރޫޕްގެ ދެ ވަނަ މެޗުގައި އިރާނުގެ މަލިކާ އައްބާސީއާ ކުޅެގެން ދީމާ ވަނީ 3-1 ސެޓުން މޮޅުވެފަ އެވެ. ދީމާ ފަހަތުން އަރައި މޮޅުވި މި މެޗުގައި ސެޓުތައް ދިޔައީ، 07-11، 11-04، 11-07 އަދި 11-03 އިންނެވެ.

ގަދަ 16 ބުރުގައި ދީމާ ކުޅެން ޖެހުނީ ޖޯޖިއާގެ ޓެކްލާ ލިޕާޓެލިއާނީއާ އެވެ. އެ މެޗުން ސީދާ ތިން ސެޓުން ދީމާ މޮޅުވީ، 11-03، 11-6 އަދި 11-03 އިން ސެޓުތައް ގެންގޮސްގެންނެވެ. ކުއާޓާ ފައިނަލުގައި، ޖޯޖިއާގެ އަނަސްތާސިއާ ޝިކަރިޝްވިލީއާ ކުޅެގެން ދީމާ ވަނީ 3-1 ސެޓުން މޮޅުވެފަ އެވެ. މެޗުގެ ސެޓުތައް ދިޔައީ، 11-06، 08-11، 11-07 އަދި 11-09 އިންނެވެ.

Advertisement

ސެމީ ފައިނަލުގައި ދީމާ ކުޅެން ޖެހުނީ، ނިއު ޒީލެންޑުގެ ލި ޝެއުކް ޓުންއާ ދެކޮޅަށެވެ. އޭނާ މޮޅުވީ ސީދާ ތިން ސެޓުންނެވެ. މުބާރާތުގެ ސެޓުތައް ގެންދިޔައީ، 11-09، 11-09 އަދި 11-05 އިންނެވެ.

އަލްސާ ގަދަ 16 ގައި

މި ފަހަރުގެ ގައުމީ ޓީޓީ މުބާރާތުގެ މެޗެއްގެ ތެރެއިން އަލްސާ ބޯޅަ ފޮނުވާލަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މުބާރާތުގެ 16 އަހަރުން ދަށުގެ ބައިގައި ވާދަކުރި ރާއްޖޭގެ އައިޝަތު އަލްސާ ނާފިޒު ވަނީ ގަދަ 16 ބުރަށް ދަތުުރުކޮށްފަ އެވެ.

ގްރޫޕްގެ ފުރަތަމަ މެޗުން ޖަޕާނުގެ މިކޫ މަތުސުޝިމާއާ ކުޅެގެން، އަލްސާ ބަލިވީ ސީދާ ތިން ސެޓުންނެވެ. ސެޓުތައް ގެންދިޔައީ، 11-03، 11-03 އަދި 11-04 އިންނެވެ. ދެ ވަނަ މެޗުން އަލްސާ ވަނީ، ބަހުރޭނުގެ ދާނާ އަލްހަޔާތު އަތުން 3-1 ސެޓުން މޮޅުވެފަ އެވެ. ސެޓުތައް ގެންދިޔައީ، ދާނާ، 11-08 އިން ފުރަތަމަ ސެޓު ގެންގޮސްފައިވަނިކޮށް، އަލްސާ މޮޅުވީ ދެން ކުޅުނު ތިން ސެޓުން، އަލްސާ މޮޅުވީ، 08-11، 05-11 އަދި 01-11 އިންނެވެ.

ގަދަ 16 ބުރުގައި އަލްސާ ބަލިވީ، ކަޒަކްސްތާނުގެ އައިނާޒް އަދިލްގެރެޔަވާ އަތުން ފަސް ސެޓު ކުޅެގެން، 3-2 އިންނެވެ. އައިނާޒް ފުރަތަމަ ސެޓު، 08-11 އިން ގެންގޮސްފައިވަނިކޮށް އަލްސާ ވަނީ ދެން ކުޅުުނު ދެ ސެޓުން، 12-10، 13-11 އިން މޮޅުވެފަ އެވެ. އެކަމަކު، ދެން ކުޅުނު ދެ ސެޓު ގެންގޮސް އައިނާޒް މޮޅުވީ އެވެ. އޭނާ ސެޓުތައް ގެންދިޔައީ، 09-11، 02-11 އިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox