ޝަމްނާޒުމެން ގެއިން ގެންދިޔަ ޑޯލްގައި ސިހުރުގެ އެއްވެސް ކަމެއް ނެތް ކަމަށް އިސްލާމިކް މިނިސްޓަރީން ބުނެފި

ޝަމްނާޒުގެ ގެއިން ފުލުހުން ގެންދިޔަ ވޫލުން ވިޔެފައިވާ ޑޯލްއާއި ފޯނު -- ފޮޓޯ: އަދަދު

ޝަމްނާޒުގެ ގެއިން ފުލުހުން ގެންދިޔަ ވޫލުން ވިޔެފައިވާ ޑޯލްއާއި ފޯނު -- ފޮޓޯ: އަދަދު

ސިހުރު ހެދިކަމުގެ ތުހުމަތުގައި ހައްޔަރު ކޮށްފައިވާ ތިމާވެއްޓާ ބެހޭ މިނިސްޓަރީގެ ކުރީގެ ސްޓޭޓް މިނިސްޓަރު، ފާތިމަތު ޝަމްނާޒު އާއި އޭނާގެ ކޮއްކޮ، ހައްވާ ސަނާ ސަލީމްގެ ގެއިން ހެކީގެ ގޮތުގައި ފުލުހުން ގެންދިޔަ ތަޅުދަނޑި ފުލު [ވޫލުން ގަތާފައިވާ ޑޯލް] ގައި ސިހުރުގެ އެއްވެސް ކަމެއް ނެތް ކަމަށް އިސްލާމިކް މިނިސްޓްރީން ބުނެފި އެވެ.

ޝަމްނާޒުގެ މައްސަލައާ ގުޅޭ ގޮތުން "އަދަދު" އާ ވާހަކަ ދައްކަވަމުން އޭނާގެ ވަކީލު އަލީ ޝާހު ވިދާޅުވީ ޝަމްނާޒުއާ ދެކޮޅަށް މިހާތަނަށް ފުލުހުންނަށް އެއްވެސް ހެއްކެއް ދެއްކިފައި ނުވާ ކަމަށާއި އެ ގެއިން ގެންދިޔަ ޑޯލްގައި ވެސް ސިހުރުގެ އެއްވެސް ކަމެއް ނެތް ކަމަށް އިސްލާމިކް މިނިސްޓްރީއާ ހަވާލާދީ ފުލުހުން ކޯޓުގައި ބުނެފައިވާ ކަމަށެވެ.

"ޝަމްނާޒުމެން ގެއިން ގެންދިޔަ ކަމަށް އެ ބުނާ ފަށު ފުލަކާއި އަނެކައްޗަކާއި އެ ހުރިހާ އެއްޗެއް އިސްލާމިކް މިނިސްޓަރީން ތަހުލީލު ކުރުމަށްފަހު އިސްލާމިކް މިނިސްޓަރީން ރައުޔު ދީފައި އެބައިން އޭގައި ނެތޭ ސިހުރާ ގުޅޭ ނުވަތަ ޝިރުކުގެ އެއްވެސް އެއްޗެއް ނުހިމެނެޔޭ،" ޝާހު ވިދާޅުވި އެވެ.

"ކޯޓުގައި ފުލުހުން ބުނީ އިސްލާމިކް މިނިސްޓަރީން އެގޮތަށް ރައުޔު ދީފައި އެބަ އޮތޭ ޝިރުކުގެ އެއްވެސް އެއްޗެއް އޭގައި ނުހިމެނޭ ކަމަށް."

"އަދަދު" އަށް އެނގިފައިވާ ގޮތުގައި ޝަމްނާޒުމެންގެ ގެއިން ފުލުހުން ގެންދިޔަ ތަކެތީގެ ތެރޭގައި، ޝަމްނާޒު އާއި ސަނާގެ ފޯނުގެ އިތުރުން ސީލްކޮށްފައިވާ ފޯނެއް ކެނޑުމަށް ފަހު އެ ފޯނާއި، އައިއޯއައިޖީ [އިންޑިއަން އޯޝަން އައިލެންޑް ގޭމްސް] މުބާރާތެއްގައި ބެހި ތަޅުދަނޑިފުލަކާއި، ސަނާގެ ކޮޓަރިން ފެނުނު އިސްތަށިކޮޅަކާއި، ސަމްނާޒުގެ ކޮޓަރިން، ކަރު އަޅާ ފަށެކެވެ.

ފުލުހުން ގެންދިޔަ ތަޅުގަނޑިފުލުލާ އެއްޗަކީ ވޫލުން ވިޔެފައިވާ ޑޯލްއެކެވެ.

މި މައްސަލައިގައި ޝަމްނާޒު ހައްޔަރުކުރީ، އަދި ގެ ބަލައި ފާސްކުރީ ހަމައެކަނި އިންޓެލިޖެންސް ރިޕޯޓެއްގެ މައްޗަށް ބިނާކޮށެވެ.

ސިހުރުގެ ތުހުމަތުގައި ޝަމްނާޒު އާއި ސަނާގެ އިތުރުން ދެން ހައްޔަރު ކުރީ ސިހުރު ހެދި ކަމަށް ބުނާ ތ. ކިނބިދޫ، ނިވައިދޮށުގޭ، ހުސައިން ސަމީރު އެވެ. އެކަމަކު ސަމީރު ވަނީ މިހާރު ދޫކޮށްލައިފަ އެވެ.

ޝަމްނާޒު އާއި ސަނާ ހައްޔަރުކުރީ ސަމީރަށް އެކި ފަހަރުމަތިން، ފައިސާ ދީގެން "ދެމަފަރިން ދުރުމުރުމަށާއި ލޯބި ހާސިލްކުރުމަށާއި މީހުންނާ ގާތް ގުޅުން އުފެއްދުމަށް ސިހުރު ހާހޫރާ ހަދަމުން އަންނަ ކަމަށް ތުހުމަތުކުރެވޭ މައްސަލައިގައި މީނާގެ ފުށުން މިފަދަ ކުށުގެ އަމަލެއް ތަކުރާރުކޮށްފާނެ ކަމަށް ބެލެވޭތީ މުޖުތަމައުގެ ރައްކާތެރިކަމަށްޓަކައި" ކަމަށް ބުނެ އެވެ.

ޝާހު ވިދާޅުވީ ޝަމްނާޒު ހައްޔަރު ކޮށްފައި ވަނީ ސިޔާސީ ނުފޫޒުން ކަމަށާއި އޭނާ ހުރީ ފްރޭމް ކޮށްފައި ކަމަށެވެ. ޝަމްނާޒުއާ ދެކޮޅަށް އެއްވެސް ހެއްކެއް ފުލުހުންނަށް ނުދެއްކެނީ އެ ސަބަބާ ހުރެ ކަމަށް ވެސް ޝާހު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox