ގާބުރިއަކުން މީހެއްގެ ބޮލުގައި ޖެހި ކަމަށް ބުނެ ފުލުހުން ހައްޔަރުކުރި މަސްވެރިޔާ އަލީ ސާޖިދު ބަންދުން ދޫކޮށްލައިފި އެވެ.
އޭނާ ދޫކޮށްލީ, ބަންދުގައި ހަތް ދުވަހު ބެހެއްޓުމަށްފަހު އެވެ.
ސާޖިދު މިއަދު ކުރި ޕޯސްޓެއްގައި ބުނީ އޭނާ ފުލުހުންގެ ބަންދުން ދޫކޮށްލާފައިވާ ކަމަށެވެ. އަދި އޭނާ ހައްޔަރުކުރީ ކޯޓު އަމުރެއް ނެތި ގާނޫނާ ހިލާފަށް ކަމަށް ސާޖިދު ބުންޏެވެ.
ފުލުހުން މީގެ ކުރިން ބުނެފައިވާ ގޮތުން, އަންހެނެއްގެ ބޮލުގައި ގާބުރިއަކުން ޖެހިކަމުގެ ތުހުމަތުގައި ޖޫން 29، ގައި ހައްޔަރުކުރި ސާޖިދުގެ ބަންދަށް ހަތް ދުވަހު މުއްދަތު ޖެހީ ޖޫން 30، ގެ ވަގުތެއްގައި ވިލިނގިލި މެޖިސްޓްރޭޓު ކޯޓުންނެވެ.
ގއ. ވިލިނގިލިން "އަދަދު" ނޫހަށް މައުލޫމާތު ދިން މީހަކު ބުނީ ސާޖިދު ގާބުރިއަކުން ޖެހި ކަމަށް ފުލުހުން ބުނަނީ ކުޑަ ކުއްޖަކަށް ގަނާކުރި ތުހުމަތު އޭނާ ކުރާ އަންހެން މީހެއްގެ ބޮލުގައި ކަމަށެވެ. އެ މައްސައިގައި ސާޖިދުގެ ގައިގައި ތަޅައިގަންނަން ބަޔަކު އުޅުނު ކަމަށް އެ ރަށުން ވާހަކަ ދެއްކި މީހަކު ބުންޏެވެ.
ސޯޝަލް މީޑިއާގެ އެކްޓިވިސްޓެއްގެ ގޮތުގައި ވެސް ހަރަކާތްތެރިވާ ސާޖިދު އަންނަނީ މި ސަރުކާރަށް ވަރަށް ބޮޑަށް ފާޑުކިޔަމުންނެވެ. ހާއްސަކޮށް މަސްވެރިންގެ ހައްގުތަކާ ގުޅޭ ގޮތުން އޭނާ އަޑުއުފުލަ އެވެ. އަދި އިޖުތިމާއީ ބައެއް މައްސަލަތައް ވެސް ފެންމަތިކޮށްފައިވެ އެވެ.
