ބިދޭސީން ރާއްޖޭގައި ވިޔަފާރި ކުރުން މަނާކުރާ ދާއިރާތައް އިކޮނޮމިކް މިނިސްޓްރީން މިއަދު އާންމުކޮށްފި އެވެ.
އިކޮނޮމިކް މިނިސްޓްރީން ނެރުނު އިއުލާނެއްގައި ވަނީ 25 ވިޔަފާރިއެއް ބިދޭސީން ކުރުން މަނާ ކަމަށް ބުނެފަ އެވެ.
އެ 25 ވިޔަފާރިއަކީ:
Advertisement
- ރީޓެއިލް ޓްރޭޑް (އޮންލައިން ވިޔަފާރިވެސް ހިމެނޭގޮތަށް)
- ހޯލްސޭލް ޓްރޭޑް - އިމާރާތް ކުރުމަށް ބޭނުންވާ މުދާ ފިޔަވައި
- ޑޮމެސްޓިކް ލޮޖިސްޓިކްސްގެ މަސައްކަތް
- ޕޯސްޓަލް އަދި ކުރިއާ ސާވިސް
- ކާބޯތަކެތި ވިއްކުމުގެ ހިދުމަތްތައް (ކެފޭ، ރެސްޓޯރަންޓް އަދި ބޭކަރީ ހިންގުން)
- ތަކެތި ކުއްޔަށް ދިނުމުގެ ވިޔަފާރިތައް (އިމާރާތް ކުރުމަށް ބޭނުންކުރާ ބޮޑެތި މެޝިނަރީފަދަ ތަކެތި ހިމެނޭ ގޮތަށް)
- އެމްޕްލޯއިމަންޓް އެޖެންސީ އަދި ވަޒީފާތަކަށް މީހުން ހޯދުމުގެ ހިދުމަތްތައް
- ޓްރެވަލް އެޖެންސީ، ޓުއާ އޮޕަރޭޓާސް، ރިޒަވޭޝަން އަދި މިކަމާ ގުޅުންހުރި އެހެނިހެން މަސައްކަތްތައް
- ލޭންޑްސްކޭޕިން މަސައްކަތް
- ޕަބްލިކް އެޑްމިނިސްޓްރޭޝަން އަދި ގައުމުގެ ދިފާއީ ބާރުތަކާއި ގުޅުންހުރި މަސައްކަތްތައް
- ޖެނެރަލް ޓިއުޝަން ކްލާސް އަދި ގުރުއާން ކްލާސް ހިންގުން
- ޖެނެރަލް ކްލިނިކް ހިންގުމުގެ މަސައްކަތް
- ކޮމްޕިއުޓަރު، އާންމު މުދާ އަދި ގޭތެރޭގައި ބޭނުންކުރާ މުދާ މަރާމާތު ކުރުމުގެ މަސައްކަތް
- ޕްރޮގްރާމިން އަދި ބްރޯޑްކާސްޓިން މަސައްކަތް
- ގާނޫނީ ވަކީލުންގެ ހިދުމަތްތައް
- ފޮޓޯގްރަފީ އަދި ވީޑިއޯގްރަފީގެ މަސައްކަތް
- ޕިކްނިކް އައިލެންޑް ތަރައްގީކުރުމާއި ހިންގުން
- ވިޔަފާރި އުސޫލުން އެއްގަމު އުޅަނދު ދުއްވުން
- ސުވެނިއާ އަދި އަތްތެރި މަސައްކަތުން ތަކެތި އުފައްދައި ވިއްކުން
- ރަބަރު އަދި ޕްލާސްޓިކް ތަކެތި އުފެއްދުން
- ދުންފަތުގެ އިސްތިއުމާލު ކުރުމުގެ ތަކެތި އުފެއްދުމާއި ވިއްކުން
- ލަކުޑިން ތަކެތި އުފެއްދުން (ފަރުނީޗަރު ފިޔަވައި)
- މައިނިން އެންޑް ކޮރީންގެ މަސައްކަތް
- މައިނިން އޮފް ސޭންޑް
- ފޮރެސްޓްރީ
މި 25 ވިޔަފާރީގެ ތެރެއިން ގިނަ ވިޔަފާރިތައް ބިދޭސީން އަންނަނީ ރާއްޖޭގައި ހިންގަމުންނެވެ. އެގޮތުން ގަވައިދާ ހިލާފަށް ވިޔަފާރިކުރާ ބިދޭސީން ދެނެގަނެ، އެ ފަރާތްތައް ބެލުމުގެ ދަށަށް ގެނައުމަށް އަންނަނީ މަސައްކަތް ކުރަމުންނެވެ.
