ހުޅުމާލޭގެ ދެވަނަ ފިޔަަހީގައި ހުންނަ ވިނަރެސް ފްލެޓްތަކަށް ވަންނަ ދޮރާށިތަކަށް ގެއްލުންދޭތީ އެތަންތަނުގެ އެކްސެސް ކޮންޓްރޯލް ސިސްޓަމް ވަގުތީ ގޮތުން ނިއްވާލައިފި އެވެ.
ސޯޝަލް މީޑިއާ އެކްސް ގައި އެޗްޑީސީން ހިންގާ "މައިހުޅުމާލެ" ހޭންޑުލް އިން ކުރި ޕޯސްޓެއްގައި ބުނީ އެކްސެސް ކޮންޓްރޯލް ސިސްޓަމްތައް މިއަދު މެންދުރުފަހު ނިއްވައިލަނީ ދޮރާށިތަކަށް "ގަސްދުގައި ގެއްލުންދީފައި" ވާތީ ކަަމަށެވެ. އެ މައުލޫމާތު ހިއްސާކުރަނީ ހިތާމައާ އެކުގައި ކަަމަށް ވެސް އެ ކޯޕަރޭޝަނުން ބުންޏެވެ.
ފުލުހުން ބުނީ ވިނަރެެސްގެ ދޮރާށިތަކަށް ގެއްލުން ދިން މައްސަލަ އެޗްޑީސީން ހުށަހަޅާފައިވާ ކަމަށާއި އެކަން ބަލަމުން އަންނަ ކަމަށެެވެ.
ދޮރާށިތަކަށް ގެއްލުން ދިނުުމުން އެކްސެސް ކޮންޓްރޯލް ސިސްޓަމްތައް ނިއްވައިލާ ވާހަކަ ބުނުުމުން ސޯޝަލް މީޑިއާގައި ބައެއް މީހުން އެޗްޑީސީއަށް ފާޑު ކިޔާފައި ވެ އެެވެ.
