ދުވަސްވީ މައިންބަފައިން ބަލަން ބޭނުންވާ ދަރިންނަށް ހައުސިން މަޝްރޫއުތަކުން އިތުރަށް ޕޮއިންޓު ދެނީ

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން މިނިސްޓަރު ޑރ. އައިޝަތު ޝިހާމް -- ފޮޓޯ: ސޯޝަލް މިނިސްޓްރީ

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން މިނިސްޓަރު ޑރ. އައިޝަތު ޝިހާމް -- ފޮޓޯ: ސޯޝަލް މިނިސްޓްރީ

އުމުރުން ދުވަސްވީ މައިންބަފައިން ކައިރީގައި ގެންގުޅެން ބޭނުންވާ ދަރިންނަށް ހައުސިން މަޝްރޫއުތަކުގައި އިތުރަށް ޕޮއިންޓު ދޭން ނިންމައިފި އެވެ.

މިއަދު ބޭއްވި ނޫސްވެރިންގެ ބައްދަލުވުމުގައި ސޯޝަލް އެންޑް ފެމިލީ ޑިވެލޮޕްމަންޓް މިނިސްޓަރު ޑރ. އައިޝަތު ޝިހާމް ވިދާޅުވީ ކުރިއަށް އޮތް އަހަރުތަކުގައި ރާއްޖޭގައި އުމުރުން ދުވަސްވީ މީހުން އާބާދީ އިތުރުވަމުން ދާނެ ކަމަށް އަންދާޒާ ކުރެވޭއިރު, އިސްރަށްވެހިންނަށް އެންމެ ބޮޑަށް ބޭނުން އެއް ކަމަކީ ބޯހިޔާވަހިކަން ކަމަށެވެ.

ދުވަސްވީ އުމުރުގައި ބޯހިޔާވަހިކަން ފޯރުކޮށްދިނުމަށް ދުރު ރާސްތާގެ ޕްލޭނަކަށް އަލިއަޅުއްވާލައްވަމުން މިނިސްޓަރު ވިދާޅުވީ މައިންބަފައިންނާއެކު ދިރިއުޅެން ބޭނުންވެ, އެ ފުރުސަތު ނުލިބި ތިބި މީހުންނަށް ފުރުސަތު ހައުސިން ސްކީމުތަކުގެ ތެރެއިން ފަހިކޮށްދޭން ނިންމާފައިވާ ކަމަށެވެ.

"މިހާރު ޑރ. މުއިއްޒު ނިންމަވާފައި އަދި ކެބިނެޓުން ވެސް ފާސްވެގެން އެޑްވައިސް ކުރައްވާފައި އޮތީ މީގެ ފަހުން ހެދޭ ހައުސިން ސްކީމުތަކުގައި އާއިލާއިން އެމީހުންގެ މައިންބަފައިން ބަލާ ކަމަށް ވެއްޖިއްޔާ އިތުރު ޕޮއިންޓުތަކެއް, ސިސްޓަމްތަކެއް ހެދިގެން އެމީހުންނަށް އިތުރަށް ފައިދާވާ ކަހަލަ ގޮތަކަށް މި ލިސްޓުތަކެއް ހެދިގެން ދިއުން," މިނިސްޓަރު ވިދާޅުވި އެވެ.

މިނިސްޓަރު އައިޝަތު ޝިހާމް ވިދާޅުވީ ދުވަސްވީ މައިންބަފައިންނާއެކު ދިރިއުޅެން ބޭނުންވެ, ބޯހިވަހިކަމުގައި ހުރި ޖާގައިގެ ދަތިކަމާހެދި އެ ފުރުސަތު ނުލިބި ތިބި މީހުން އެބަތިބި ކަމަށެވެ.

އެހެންކަމުން އެކަމުގެ ހައްލެއްގެ ގޮތުން ދެން ހަދާ ހުރިހާ ހައުސިން ސްކީމެއްގެ ތެރެއިން އެއް ފްލެޓެއްގައި މައިންބަފައިން އެކޮމޮޓޭޑް ކުރެވޭ ގޮތަށް, ނުވަތަ ދަރިންގެ ފްލެޓާ ޖެހިގެން އިންނަ ފްލެޓެއްގައި ވިޔަސް އެކޮމޮޓޭޑް ކުރެވޭ ކަހަލަ ގޮތަކަށް ޕޮއިންޓް ސިސްޓަމުން ފައިދާތަކެއް ލިބިގެންދާނެ ކަމަށް އޭނާ ވިދާޅުވި އެވެ.

މިނިސްޓަރު ވިދާޅުވީ ރާއްޖޭގެ ތަރައްގީ ދިޔަ ދިމާލުން މައިންބަފައިންނާ ވަކިން, ކިޔެވުމާއި ވަޒީފާ އަދާކުރުން ފަދަ ކަންކަމަކަށް ގިނަ ބަޔަކު ހިޖުރަކޮށް, އެތަންތަނުގައި ދިރިއުޅެން ފަށާފައިވާ ކަމަށެވެ. އަދި މިހާރު ރާއްޖޭގައި އޮތީ ހިޖުރަކޮށް, ދިރިއުޅުން ބިނާކުރުމަށްފަހު އެ ހުރިހާ ކަމެއް ދޫކޮށް, އަނބުރާ މައިންބަފައިން ކައިރިއަށް ކުރީގެ މުޖުތަމައަށް ނުވަތަ ރަށަށް ދެވޭ ކަހަލަ ސިސްޓަމެއް ނޫންކަން ވެސް ފާހަގަކުރެއްވި އެވެ.

މީގެ އިތުރުން, ކުރިން އުޅެހެން ބޮޑެތި އާއިލާތައް އެކުގައި އުޅުމުގެ ބަދަލުގައި މިހާރު އޮތީ ކުދިން ކައިވެނި ކުރުމަށްފަހު ނިއުކްލިއާ އާއިލާތައް ވަކިން ދިރިއުޅުން ބަދަލު ކުރުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox