ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) ގެ ސީއީއޯގެ މަގާމަށް، ހެލްތު މިނިސްޓްރީގެ ސްޓޭޓު މިނިސްޓަރުކަމުގެ މަގާމުގައި ހުންނެވި އާމިނަތު ޝިރުނާ އައްޔަނުކޮށްފި އެވެ.
އެންސްޕާގެ ސީއީއޯގެ މަގާމު ހުސްވީ އެ މަގާމުގައި ކުރިން ހުންނެވި، ހީނާ ވަލީދު މިދިޔަ އޭޕްރިލް 14، ގައި ހެރިޓޭޖު މިނިސްޓަރަކަށް އައްޔަނުކުރުމާ ގުޅިގެންނެވެ. އޭނާ އެ މަގާމާ ހަވާލުވެވަޑައިގަތީ އެންސްޕާގެ ސީއީއޯކަމުންނާއި ސަރުކާރުގެ ތަރުޖަމާނުކަމުން އިސްތިއުފާދެއްވުމަށްފަހު އެވެ.
އެންސްޕާގެ ސީއީއޯގެ މަގާމަށް މިއަދު އައްޔަނުކުރި ޝިރުނާ ސްޓޭޓު މިނިސްޓަރުގެ ހައިސިއްޔަތުން މި ސަރުކާރުގައި އެންމެ ފުރަތަމަ ހުންނެވީ ތެލެސީމިއާ ސެންޓަރުގެ ޒިންމާއާ ހަވާލުވެވަޑައިގެންނެވެ.
އެ ޒިންމާ އޭނާ އަދާކުރައްވަމުން ގެންދެވި ދުވަސްވަރު، ތެލެސީިއާ ސެންޓަރުގެ ހާލަތު ގޯސްވެ، އެ ސެންޓަރުން ހިދުމަތް ހޯދާ މީހުންގެ ފާޑުކިޔުން ވަރަށް ބޮޑަށް ޝިރުނާއަށް އަމާޒުވި އެވެ.
ތެލެސީމިއާ ސެންޓަރުގެ ވެރިން އިސްތިއުފާއަށް ގޮވާލައި މުޒާހަރާ ކުރަނީ
މި މައްސަލަ ހޫނުވީ އެ ތަނުން ލިބެން ޖެހޭ ބޭސް ނުލިބި ފިލްޓަރުތައް ހަލާކުވުމުގެ ސަބަބުން ގިނަ އަދަދެއްގެ ލޭ ޕެކެޓުތަކެއް އުކާލަން ޖެހުމުންނެވެ. އެންމެ ފުރަތަމަ މިކަމުގެ ކަންބޮޑުވުންތައް ތެލެސީމިއާއަށް ފަރުވާ ހޯދާ މީހުން ހިއްސާކުރީ ސޯޝަލް މީޑިއާގަ އެވެ.
ތެލެސީމިއާ ސެންޓަރުން ލިބެންޖެހޭ ބޭސްތައް ނުލިބުމާއި ފިލްޓަރުތައް ހަލާކުވުުގެ ސަބަބުން ގިނަ އަދަދެއްގެ ލޭ ޕެކެޓުތައް އުކާލަން ޖެހުން ފަދަ ކަންކަން ތަކުރާރުވަމުން ދިޔުމުގެ ސަބަބުން ޝިރުނާގެ އިސްތިއުފާއަށް ވެސް އޭރު އާންމުން ގޮވި އެވެ.
އެ މައްސަލަ ހޫނުވީ އެ ތަނުން ލިބެން ޖެހޭ ބޭސް ނުލިބި ފިލްޓަރުތައް ހަލާކުވުމުގެ ސަބަބުން ގިނަ އަދަދެއްގެ ލޭ ޕެކެޓުތަކެއް އުކާލަން ޖެހުމުންނެވެ. އެންމެ ފުރަތަމަ މިކަމުގެ ކަންބޮޑުވުންތައް ތެލެސީމިއާއަށް ފަރުވާ ހޯދާ މީހުން ހިއްސާކުރީ ސޯޝަލް މީޑިއާގަ އެވެ.
