ފިނޭންސް މިނިސްޓަރު ވިދާޅުވީ މާލީ ރިފޯމް ޕްރޮގްރާމް ތަންފީޒު ކުރަން ފަށާނީ "ރަނގަޅު ވަގުތު"ގައި ކަމަށް

އެ އިވެންޓުގައި ފިނޭންސް މިނިސްޓަރު ޝަފީގު ވާހަކަ ދައްކަވަނީ. މާލީ ރިފޯމް އެޖެންޑާ ތަންފީޒު ކުރަން ހަރަދު ކުޑަކުރުމުގެ ބާރު އޮތީ ސަރުކާރަށް ކަމަށް ވިދާޅުވި --- ފޮޓޯ: ފިނޭންސް މިނިސްޓްރީ

އެ އިވެންޓުގައި ފިނޭންސް މިނިސްޓަރު ޝަފީގު ވާހަކަ ދައްކަވަނީ. މާލީ ރިފޯމް އެޖެންޑާ ތަންފީޒު ކުރަން ހަރަދު ކުޑަކުރުމުގެ ބާރު އޮތީ ސަރުކާރަށް ކަމަށް ވިދާޅުވި --- ފޮޓޯ: ފިނޭންސް މިނިސްޓްރީ

ރާއްޖޭން އެކުލަވައިލާފައިވާ މާލީ ރިފޯމު އެޖެންޑާ ތަންފީޒު ކުރުމަށް ސަރުކާރު އޮތީ ތައްޔާރަށް ކަމަށާއި އެ ޕްރޮގްރާމްގެ ދަށުން ފިޔަވަޅުތައް އަޅަން ފަށާނީ "އެންމެ ރަނގަޅު ވަގުތު" ގައި ކަމަށް ފިނޭންސް މިނިސްޓަރު ޑރ. މުހައްމަދު ޝަފީގު އިއްޔެ ވިދާޅުވެއްޖެ އެވެ.

އިގުތިސޯދީ ކުރިއެރުމަށް އޮތް އެންމެ ބޮޑު ގޮންޖެހުމަކީ ދައުލަތުގެ ހަރަދުތައް ބޮޑުވުން ކަމަށްވާއިރު ހަރަދު ކުޑަކުރުމަށް، ދުނިޔޭގެ މާލީ އިދާރާތަކުން އަންނަނީ ތަކުރާރުކޮށް ރާއްޖެއަށް ގޮވައިލަމުންނެވެ.

"މޯލްޑިވްސް ޑިވެލޮޕްމަންޓު އަޕްޑޭޓް: ސްކޭލިން ބެކް އެންޑް ރީބިލްޑިން ބަފާސް" ރިޕޯޓު ރަސްމީކޮށް ނެރެން ވޯލްޑް ބޭންކުން އިއްޔެ ބޭއްވި އިވެންޓުގައި ޝަފީގު ވިދާޅުވީ ސަރުކާރުން ރިފޯމް އެޖެންޑާ ސީރިއަސް ކަމެއްގެ ގޮތުގައި ބަލާ ކަމަށެެވެ. ދައުލަތުގެ ހަރަދުތައް ކުޑަކުރުމަކީ ސަރުކާރުގެ އަތްމަތީގައި އޮތް ކަމެއް ކަމަށާއި ގައުމަށް އެންމެ ފައިދާ ހުރި ގޮތަށް އެކަން ކުރަން ޖެހޭ ކަމަށް ވެސް އޭނާ ވިދާޅުވި އެވެ.

"ދައުލަތުގެ ކުންފުނިތައް ރިފޯމް ކުރުމަކީ ކޮންމެހެން ކުރަން ޖެހޭ ކަމެއް. އެކަން ލަސް ކުރެވޭކަށް ނެތް. އަދި, އާސަންދައިގެ ވެސް ލީކުތައް ވެސް އެބަހުރި. ސަބްސިޑީ ނިޒާމު ވެސް ޓާގެޓެޑް ނިޒާމަކަށް ބަދަލުވާން ޖެހޭ," ޝަފީގު ވިދާޅުވި އެވެ.

ސަރުކާރުން އެ ޕްރޮގްރާމް ތަންފީޒު ކުރުމަށް ތައްޔާރަށް އޮތް ކަމަށާއި ދުނިޔޭގެ މާލީ އިދާރާތަކުގެ އެއްބާރުލުން އެކަމަށް ބޭނުންވާނެ ކަމަށް ވެސް ޝަފީގު ވިދާޅުވި އެވެ. އަދި, އެ ފިޔަވަޅުތައް ތަންފީޒު ކުރަން ފަށާނީ "ރަނގަޅު ވަގުތު" ގައި ކަމަށް އޭނާ ވިދާޅުވި އެވެ. އެއީ ކަނޑައެޅިގެން ކޮން ވަގުތެއް ކަމެއް ސަރުކާރުން އަދި ހާމަނުކުރެ އެވެ.

"ވޯލްޑް ބޭންކާއި އައިއެމްއެފްއިން ބުނަނީ ރާއްޖޭގެ ރިފޯމް ޕްރޮގްރާމް މާ އުންމީދީ ކަމަށް. މާ ލަހުން މާ މަދު ފިޔަވަޅުތައް އެޅި ކަމަކަށް ވާން ބޭނުމެއް ނުވޭ. އަޅުގަނޑުމެން މި އުންމީދީ ޕްރޮގްރާމަށް ތައްޔާރު," ފިނޭންސް މިނިސްޓަރު ވިދާޅުވި އެވެ.

ކުރީ ސަރުކާރުން އެކުލަވާލާފައިވާ މެދު ރާސްތާގެ ފިސްކަލް ސްޓްރެޓަޖީ (2024-2026) ގައި އަންދާޒާކުރީ މި އަހަރު 2.7 ބިލިއަން ރުފިޔާ އަދި ތިން އަހަރުގެ ތެރޭގައި 12 ބިލިއަނަށް ވުރެ ގިނަ ރުފިޔާ ސަލާމަތްކުރެވޭނެ ކަމަށެވެ.

ވޯލްޑް ބޭންކުން ލަފާކުރަނީ ރާއްޖޭގެ އިގުތިސޯދު މިއަހަރު 4.7 ޕަސެންޓުން ކުރިއަރާނެ ކަމަށެވެ. އައިއެމްއެފް އިން ވަނީ މި އަހަރު ރާއްޖޭގެ އިގްތިސާދީ ދުވެލި 3.3 ޕަސެންޓު ދަށްވާނެ ކަމަށް ލަފާކޮށްފަ އެވެ.

މި އަހަރު ރާއްޖޭގެ އިގްތިސާދު ކުރިއަރާނީ 5.5 ޕަސެންޓު ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ލަފާ ކޮށްފައިވާ އިރު، ސަރުކާރުން ލަފާކުރާ ގޮތުގައި މި އަހަރު ރާއްޖޭގެ އިގްތިސާދީ ދުވެލި ހުންނާނީ 6.7 ޕަސެންޓުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox