މިއީ އޮލިމްޕިކްސްގައި ރާއްޖެ އަށް ތާރީހީ އަހަރެއް

މިއީ އޮލިމްޕިކްސްގައި ރާއްޖެ އަށް ތާރީހީ އަހަރެއް

މި އަހަރަކީ ރާއްޖޭގެ ކުޅިވަރު ތާރީހުގައި ވެސް އެންމެ ގިނަ ކުޅިވަރުތަކުން އޮލިމްޕިކްސް ގޭމްސްގައި ރާއްޖެ ވާދަކުރާނެ ފަހަރު ކަމަށް މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު އަބްދުއްސައްތާރު (ޗަމްޕީ) ވިދާޅުވެއްޖެ އެވެ.

ސައްތާރު މިކަން ހާމަކުރެއްވީ، ގައުމީ ޓޭބަލް ޓެނިސް ތަރި، ފާތިމަތު ދީމާ އަލީ، 16، އޮލިމްޕިކްސް އަށް ކޮލިފައިވި ފުރަތަމަ ދިވެހި އެތުލީޓުގެ ޝަރަފް ހޯދުމާ އެކު، އެ ކަމަށް ހާއްސަކޮށް ސޯޝަލް ސެންޓަރުގައި ބޭއްވި އިވެންޓްގަ އެވެ.

"މިއަދަކީ ވަރަށް އުފާވެރި ދުވަހެއް. އަޅުގަނޑުމެން ވަރަށް ޝައުގުވެރިކަމާ އެކު ވަރަށް ބޭނުންވެގެން އުޅުނު ދުވަހެއް. އަޅުގަނޑުމެން ހީކުރިން މި އޮލިމްޕިކްސްގައި މިއީ އަޅުގަނޑުމެންނަށް އަތުނުވާނެ އެއްޗެއް ކަމަށް ވެސް، އެހެން ނަމަވެސް، މިއަދު މިއޮތީ، ދީމާ، މިއީ ކުރެވޭނެ ކަމެއް ކަމަށް، ވާނެ ކަމެއް ކަމަށް ދައްކުވައިދީފައި. ދީމާ އަށް އަޅުގަނޑުމެންގެ ފަރާތުން ވަރަށް ބޮޑު ޝުކުރެއް،" ސައްތާރު ވިދާޅުވި އެވެ.

ރާއްޖެ އަށް 1988 ވަނަ އަހަރުން ފެށިގެން އަންނަނީ އޮލިމްޕިކްސް އިން ފުރުސަތު ލިބެމުންނެވެ. އެކަމަކު، އެއީ ކޮލިފައިނުވާ ގައުމުތަކަށް، އެކި ކުޅިވަރުތަކުގައި އެތުލީޓުން ދައްކާ ޕާފޯމަންސަށް ބަލާފައި ލިބޭ ޓްރައިޕާޓައިޓް ފުރުސަތެވެ.

އެ ގޮތުން، ރާއްޖެ އަށް 2012 އާ ހަމައަށް ސްވިމިން އާއި އެތުލެޓިކްސް އިން ފުރުސަތު ލިބުނެެވެ. އޭގެ ފަހުން، 2012 ވަނަ އަހަރާއި 2020 އަދި މި ފަހަރުގެ އޮލިމްޕިކްސް އިން، ސްވިމިން އާއި އެތުލެޓިކްސް އަދި ބެޑްމިންޓަނަށް ވެސް ފުރުސަތު ވަނީ ލިބިފަ އެެވެ.

"މި އަހަރު 2024 ގައި، އެތުލެޓިކްސް، ބެޑްމިންޓަން، ސްވިމިން އަދި ޓީީޓީ މި ދަނީ، 2024 އަކީ މިހާ ހިސާބަށް އެންމެ ބޮޑު ކޮންޓިންޖެންޓް، އެންމެ ގިނަ ކުޅިވަރުތައް އޮލިމްޕިކްސްގައި ދާ އަހަރު. މަސައްކަތް ކުރީމަ ކުރިއަށްދެވޭނެ. ކުރަން ޖެހޭ ގޮތަށް އެ ކުރީމަ ކުރިއަށް ދެވޭނެ،" ސައްތާރު ވިދާޅުވި އެވެ.

ތިން ވަނަ ދައުރަކަށް ސްވިމިން އެސޯސިއޭޝަންގެ ރައީސްކަން ކުރައްވަމުން އަންނަ ސައްތާރު ވިދާޅުވީ، އޮލިމްޕިކްްސް އިން ވައިލްޑް ކާޑު ފުރުސަތު ލިބެމުން އައި އައުމަށް ބަދަލެއް ގެނެސް، އާ މިސްރާބަކަށް ކުޅިވަރު މި ގެނައީ ދީމާ ކަމަށެވެ.

"ދެން އަޅުގަނޑުމެން އެހެން ކުޅިވަރުތަކުގައި ވެސް މީތި ބްރޭކްކުރެވޭނެކަން ދައްކުވައިދޭން ޖެހޭ. އެބަޖެހޭ، އެއަށް އެހެން އެސޯސިއޭޝަންތަކުން ވެސް މަސައްކަތްތަކެއް ކުރަން. ބުރަ މަސައްކަތް، އެކަން ކޮށްފިއްޔާ ހާސިލްވާނެ. މި ބޭނުންވަނީ މިހާރަށް ވުރެ ގިނަ އެތުލީޓުންތަކެއް މި ހަރުފަތް ގިރާކޮށްދިނުން،" ސައްތާރު ވިދާޅުވި އެވެ.

އޭނާ ވިދާޅުވީ "އެންމެ 16 އަހަރުގެ އެތުލީޓެއް" ދައްކުވައިދިނީ، މި އޮތް ހުރިހާ ދުވަހަކު ނުކުރެވި ހުރިކަމެއް ބުރަ މަސައްކަތުން ކުރެވިދާނެކަން ކަމަށެވެ.

"ފަހުރުވެރިކަމާ އެކުގައި މުޅި ދިވެހި ސްޕޯޓްސް އަށް ދައްކުވައިދިނީ އަޅުގަނޑުމެންނަށް ކުރެވޭނެއޭ. ތިކުދިން ވެސް ކުރާށޭ. ހުރިހާ އެތުލީޓުންނަށް ދީމާ އެ ދައްކުވައިދިނީ ވަރަށް މުހިންމު އެކްޒާމްޕަލެއް. މި އެގްޒާމްޕަލްގައި ހިފަަހައްޓައިގެން. ތި ކުދިން ކުރިއަށް ގެންދެވިއްޖިއްޔާ އަޅުގަނޑުމެންނަށް މިހާރަށް ވުރެ ފޮނި ނަތީޖާތަކެއް ނެރެވޭނެއޭ،" ސައްތާރު ވިދާޅުވި އެވެ.

މިއީ، ދީމާގެ މައިންބަފައިންގެ ބުރަ މަސައްކަތުން ލިބުނު ނަތީޖާއެއްކަން ފާހަގަކުރައްވައި ސައްތާރު ވިދާޅުވީ، ދީމާގެ ކުރިއެރުމުގައި ޓީޓީ އެސޯސިއޭޝަނާއި ސްޕޯޓްސް މިނިސްޓްރީ އަދި މޯލްޑިވްސް އޮލިމްޕިކް ކޮމިޓީގެ އެއްބާރުލުން ލިބުނީ، ދީމާގެ މައިންބަފައިން ކުރި ހިތްވަރާ އެކުގައި ކަމަށެވެ

ސައްތާރު ވިދާޅުވީ، ރާއްޖޭން ދެން އަމާޒުހިފަންވީ އަދިވެސް އިތުރު ކާމިޔާބު ހޯދުމަށް ކަމަށެވެ.

"ދެން، އަޅުގަނޑުމެން ސުވާލުކުރަންވީ ދެން އޮތީ ކޮން ކަމެއްތޯ ކުރަން ޖެހޭ. މިނިސްޓަރުގެ ވާހަަކައިގެ ވެސް ފާހަގަކުރި، ދެން އޮތީ މި އަށް ވުރެ ބޮޑު ހަރުފަތެއް. އެ އަޅުގަނޑުމެންގެ މި ހިސާބުގެ ބޮޑު ރީޖަނަލް މުބާރާތަކުން ބޮޑު މެޑަލެއް ލިބުން. އެ އަށް ވުރެ ބޮޑު ކާމިޔާބެއް ލިބޭނެ އޮލިމްޕިކްސް އިން،" ސައްތާރު ވިދާޅުވި އެވެ. "އެ ދުވަހަކުން އަޅުގަނޑަށް ނޭނގެ އަޅުގަނޑަށް ވާނެ ގޮތަކަށް ވެސް. އެ ތަން ވެސް ދެކޭނެ ދުވަހެއް އަންނާނެ ކަމަށް ހީކުރަން،"

ފްރާންސްގެ ޕެރިހުގައި މި ފަހަރުގެ އޮލިމްޕިކްސް ކުރިއަށްދާނީ ޖުލައި 26 އިން އޮގަސްޓް 11 އަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox