އޭޝިއަން ޔޫތު ގޭމްސްގައި ގިނަ ކުރިއެރުންތަކެއް ހާސިލްކުރެވުނު

Nov 4, 2025, 4:07 AM
އޭޝިއަން ޔޫތު ގޭމްސްގައި ގިނަ ކުރިއެރުންތަކެއް ހާސިލްކުރެވުނު

ބަހުރޭނުގައި ދާދި ފަހުން ކުރިއަށްދިޔަ އޭޝިއަން ޔޫތު ގޭމްސްގައި ވާދަކުރި ރާއްޖޭގެ އެތުލީޓުންގެ ފަރާތުން ގިނަ ކުރިއެރުންތަކެއް ފެނިގެންދިޔަ ކަމަށާއި ހާސިލްކުރެވުނު ކަންކަމާ މެދު ހިތްހަމަޖެހޭ ކަމަށް މޯލްޑިވްސް އޮލިމްޕިކް ކޮމިޓީން ބުނެފި އެވެ.

އޭޝިއަން ޔޫތު ގޭމްސްގައި މި ފަހަރު ރާއްޖޭން ވާދަކުރީ ބީޗްވޮލީ، ހޭންޑްބޯލް، އެތުލެޓިކްސް، ބާސްކެޓްބޯޅަ 3x3، ބެޑްމިންޓަން، ސްވިމިން އަދި ޓޭބަލް ޓެނިސް އެވެ. އެ ގޮތުން، އަންހެން ބީޗްވޮލީ ޓީމުން ކުއާޓާ ފައިނަލަށް ދަތުރުކުރިއިރު، ފެތުމުންނާއި އެތުލެޓިކްސް އިން ވަނީ ގައުމީ ރެކޯޑްތަކެއް އާ ކޮށްފަ އެެވެ. އޭގެ ތެރޭގައި ވަރަށް ގިނަ ދުވަސްވީ ރެކޯޑްތަކެއް ވެސް ހިމެނެ އެވެ.

މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ އާ ސެކްރެޓަރީ ޖެނެރަލްގެ މަގާމަށް ތަމޫހު އަހުމަދު ސައީދު (ތަމޫ)، "އަދަދު ސްޕޯޓްސް" އަށް ވިދާޅުވީ، ބަހުރޭނުގައި ކުރިއަށްދިޔަ ތިން ވަނަ އޭޝިއަން ޔޫތު ގޭމްސްގެ ތެރެއިން އެތުލީޓުންނާއި ކޯޗުންނާ ވާހަކަ ދެކެވުނު ކަމަށާއި ކުރެވުނު މަސައްކަތްތަކާއި ނެރުނު ނަތީޖާތަކާ މެދު ހިތްހަމަޖެހޭ ކަަމަށް ބުނެފައިވާ ކަމަށެވެ.

"ކޯޗުންނާއި ކުޅުންތެރިންނަށް ވެސް ފެނިގެންދިޔަ ކުރިއެރުން، މެޗުން މެޗަށް އެ އައި ކުރިއެރުން. ގައުމީ ރެކޯޑްތަކެއް ހެދިގެންދިޔަ، ޕާސަނަލް ބެސްޓްތަކެއް ވެސް ފެނިގެންދިޔަ، މިއީ، ހަގީގަތުގައި އެތުލީޓުން އިތުރަށް ކުރިއަށްދާން ލިބިގެންދިޔަ ހިތްވަރެއް،" ތަމޫ ވިދާޅުވި އެވެ.

ދެ ވަނަ ދައުރަކަށް މޯލްޑިވްސް އޮލިމްޕިކް ކޮމިޓީގެ ސެކްރެޓަރީ ޖެނެރަލްގެ މަގާމު ފުރުއްވަމުން އަންނަ ތަމޫ ފާހަގަކުރެއްވި ގޮތުގައި، ކޯޗުން ގާތުގައި، އިވެންޓްތަކާއި މެޗުތަކުގައި ކަންކަން ދިޔަ ގޮތް އޮޅުންފިލުވާލުމަށް އެހުމުން، ބުނެފައިވަނީ، ޕްރެކްޓިހުގައި ދަސްކޮށްދިން ކަންކަން މެޗުތަކުގައި ވަރަށް ރަނގަޅަށް ބޭނުންހިފި ކަމަށާއި މިއީ ހަގީގަތުގައި ވެސް ކުރިއެރުމެއް ކަމަށެވެ.

މި ހުރިހާ ކަމަކަށް ބަލާއިރު، އެތުލީޓުން ކުރި މަސައްކަތުން ފާހަަގަވެގެންދިޔައީ، ކަނޑައަޅާ ޓާގެޓަށް ވާސިލްވުމަށްޓަކައި، ކުރަން ޖެހޭ ކަންކަން ކުރެވޭނެކަން ކަމުގައި ތަމޫ ވިދާޅުވި އެވެ.

"ޓާގެޓްތައް ހާސިލްކުރެވިދާނެކަން ފެނިގެންދިޔަ، ކަނޑައަޅާ ޓާގެޓަށް ވުރެން މައްޗަށް ދެވިދާނެކަން ވެސް ފެނުނު. އެހެންވީމަ، މީގެ ސަބަބުން ރާއްޖޭގެ ކުޅިވަރުގެ މުސްތަގުބަލަށް އަދި އެ އެތުލީޓުން އިންޑިވިޖުއަލީ ކުރިއަރަން ބަލާއިރު ރަނގަޅު ބަދަލުތަކެއް ފެނިގެންދާނެ،" ތަމޫ ވިދާޅުވި އެވެ.

މި ގޭމްސް އެތުލީޓުންގެ "ލޯ ހުޅުވި" ރާއްޖޭގެ ކުޅިވަރުގެ ސިސްޓަމް ހަރުދަނާ ކުރުމަށްޓަކައި، ބޭނުންހިފޭނެ ގިނަ ކަންތައްތަކެއް ފެނިގެންދިޔަ ކަމަށް ތަމޫ ވަނީ ފާހަގަކުރައްވައިފަ އެވެ.

އިސްލާމިކް ސޮލިޑާރިޓީ ގޭމްސްގެ ތައްޔާރީތައް ރަނގަޅުވާނެކަމުގެ އުންމީދު

ރާއްޖޭން މިހާރު ތައްޔާރުވަމުން އަންނަނީ، މި މަހު 7-21 އަށް ސައުދީ އަރަބިއްޔާގެ ރިޔާދުގައި ކުރިއަށްދާ އިސްލާމިކް ސޮލިޑާރިޓީ ގޭމްސް އަށެވެ.

މި ފަހަރުގެ އިސްލާމިކް ސޮލިޑާރިޓީ ގޭމްސްގައި، ރާއްޖޭން ވާދަކުރަނީ، ހޭންޑްބޯޅަ ފިރިހެން ޓީމާއި އަންހެން ޓީމުގެ އިތުރުން، އެތުލެޓިކްސްގެ އަންހެން އަދި ފިރިހެން އެތުލީޓަކާއި ފެތުމުން ފަސް ފިރިހެން އަދި ހަަތަރު އަންހެން އެތުލީޓުންގެ އިތުރުން، ޓޭބަލް ޓެނިހުން ތިން ފިރިހެން އަދި ތިން އަންހެން ކުޅުންތެރިންނެވެ.

ތަމޫ ވިދާޅުވީ، މި ގޭމްސް އަށް ވެސް ރާއްޖޭގެ ޓީމުތަކުން އެކަށީގެންވާ ރަނގަޅު މިންވަރަކަށް ތައްޔާރުވެފައިވާ ކަމުގެ އުންމީދު އެބައޮތް ކަމަށެވެ.

ޖުމްލަ އެކު، 73 މީހުން (ކުޅުންތެރިންނާއި އޮފިޝަލުން) ހިމެނޭހެން އޮތް މި ކޮންޓިންޖެންޓްގެ ޗެފް ޑި މިޝަން އަކީ، މުހައްމަދު ޖައުޝަން ޝަރީފް (ޖައު) އެވެ. އަދި، ޑެޕިއުޓީ ޗެފް ޑި މިޝަން އަކީ، މަރިޔަމް ޝައުފާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox