މޯލްޑިވްސް އޮލިމްޕިކް ކޮމިޓީ މެދުވެރިކޮށް އެތުލީޓުންނަށް ސްކޮލަޝިޕް ފުރުސަތުތަކެއް

Feb 26, 2026, 6:27 AM
މޯލްޑިވްސް އޮލިމްޕިކް ކޮމިޓީ މެދުވެރިކޮށް އެތުލީޓުންނަށް ސްކޮލަޝިޕް ފުރުސަތުތަކެއް

މޯލްޑިވްސް އޮލިމްޕިކް ކޮމިޓީ (އެމްއޯސީ) އިން އިސް ދައުރެއް އަދާކޮށް ރާއްޖޭގެ ކުޅިވަރު އެތުލީޓުންނަށް ޓްރެއިނިން ހެދުމަށްޓަކައި، ދެ ސްކޮލަޝިޕް ފުރުސަތުތަކެއް ހަމަޖައްސައިދީފައިވާ ކަމަށް ބުނެފި އެވެ.

އޮލިމްޕިކް ކޮމިޓީގެ އަހަރީ އާންމު ޖަލްސާ ރޭ ކުރިއަށްދިޔައިރު، ނޫސްވެރިންގެ ބައްދަލުވުމުގައި ވާހަކަ ދައްކަަވަމުން ތަމޫހު އަހުމަދު ސައީދު (ތަމޫ) ވިދާޅުވީ، އިއުލާނުކުރެވިގެންދިޔަ ދެ ސްކޮލަޝިޕަކީ އޮލިމްޕިކް ސޮލިޑާރިޓީގެ ތެރެއިން އިންޓަނޭޝަނަލް އޮލިމްޕިކް ކޮމިޓީ (އައިއޯސީ) މެދުވެރިކޮށް ލިބޭ ސްކޮލަޝިޕްތަކުގެ އިތުރުން، ބީއެމްއެލް ސްކޮލަޝިޕް ކަމަށެެވެ.

"އައިއޯސީން އަޅުގަނޑުމެންނަށް ލިިބިފައިވާ ސްކޮލަޝިޕެއް، އޭގައި ހަ ކުޅިވަރަކުން ހަ އެތުލީޓުން މި ހޮވުނީ، އެ ސްކޮލަޝިޕަކީ އޭގެ ޒާތުގައި އިންޑިވިޖުއަލް އޮލިމްޕިކް ސްޕޯޓަށް ލިބޭ ފުރުސަތުތަކެއް، އަޅުގަނޑުމެން ހުޅުވާލައިގެން، އެތުލެޓިކްސް، ބެޑްމިންޓަން، ޓޭބަލް ޓެނިސް، ސްވިމިން، ޝޫޓިން އަދި ސާފިންގެ ހަ އެތުލީޓުންނަށް މި ލިބުނީ، މިއީ ހަތަރު އަހަރު ދުވަހުގެ ސްކޮލަޝިޕެއް، މި އަންނަ އެލްއޭ 28އާ ހަމައަށް ދެވޭ ޓްރެއިނިން ސްކޮލަޝިޕެއް ހަގީގަތުގައި، ކޮންމެ ކުއްޖަކަށް 1500 ޑޮލަރު މި ލިބެނީ އެއް މަހަށް، ހަތަރު އަހަރު ވަންދެން،" އެެމެރިކާގެ ލޮސް އެންޖެލްސްގައި 2028 ވަނަ އަހަރު އޮންނަ އޮލިމްޕިކްސް އަށް އަމާޒުކޮށް ލިބުނު ސްކޮލަޝިޕްތަކާ ބެހޭގޮތުން، ތަމޫ ވިދާޅުވި އެވެ.

Advertisement

އޭނާ ވިދާޅުވީ، އޮލިމްޕިކް ސްކޮލަޝިޕް ލިބުނު ބައެއް އެތުލީޓުން މިހާރު ވަނީ ސްކޮލަޝިޕްގެ ބޭނުންހިފައި ރާއްޖޭން ބޭރަށް ގޮސް ޓްރެއިނިން ސެންޓަރުތަކުގައި ތަމްރީންތައް ފަށާފައި ކަމަށެވެ.

"އޭގެ އިތުރުން ކުރިއަށް އޮތް އެތުލީޓުން ވެސް ދަނީ ހައި ޕަފޯމަންސް ސެންޓަރުތަކާ ވާހަކަ ދެކެވެމުން، އެ ޓްރެއިނިންތައް ކުރިއަށްގެންދިއުމާ ބެހޭގޮތުން،" ތަމޫ ވިދާޅުވި އެވެ.

އޮލިމްޕިކް ކޮމިޓީން ބީއެމްއެލްއާ ވާހަކަ ދެކެވިގެން ބީއެމްއެލް ސްކޮލަޝިޕްގެ ކަންކަން އިތުރަށް ހަރުދަނާ ކުރުމަށްޓަކައި މަސައްކަތް ކުރަމުން އަންނަ ކަމަށް ވެސް ތަމޫ ވަނީ ވިދާޅުވެފަ އެވެ. އަދި، މިހާރު ސާފިން އެތުލީޓަކަށް ބީއެމްއެލް ސްކޮލަޝިޕް ލިބިފައިވާ ކަމަށް ވެސް ވަނީ ވިދާޅުވެފަ އެވެ.

"އެ ސްކޮލަޝިޕަކީ (ބީއެމްއެލް ސްކޮލަޝިޕަކީ) އެއް އަހަރުގެ ސްކޮލަޝިޕެއް، އަޅުގަނޑުމެން މިހާރު ވާހަކަ ދައްކަނީ، އޭތި އެ އަށް ވުރެން ރަނގަޅަށް ސަސްޓެއިން ކުރެވޭނީ ކިހިނެއްތޯ. ބީއެމްއެލް އިން އެ މަޝްވަރާތަކަށް ތައްޔާރު، ބީއެމްއެލް އިން އެ ސްކޮލަޝިޕްތައް ދެއްވި ތިން ވަނަ އަހަރު މިއީ، އަޅުގަނޑުމެން މި ދަނީ އޭތި ކޮންޓިނިއު ކުރަމުން، އެ އަށް ފީޑްބެކް ވެސް ވަރަށް ރަނގަޅު،"

އޮލިމްޕިކް ކޮމިޓީން މި އަހަރަށް ފާސްކުރި ބަޖެޓުގައި، ހަރަދުވާނެ ކަމަށް ހިމަނާފައިވަނީ 59،750،830.19 ރުފިޔާ އެވެ. އަދި، އާމްދަނީގެ ގޮތުގައި ލިބޭނެ ކަމަށް ހިމަނާފައިވަނީ 54،902،381.42 ރުފިޔާ އެވެ. މި އަހަރު ވެސް އެންމެ ބޮޑު ހަރަދެއް ހިނގާނެ ކަމަށް ހިމަނާފައިވަނީ ގޭމްސްތަކަށެވެ. މި އަހަރު ފަސް ގޭމްސް އެއްގައި ވާދަކުރާ ގޮތަށް ހަމަޖެހިފައި އޮތްއިރު، 46 މިލިއަން ރުފިޔާ އެ ގޭމްސްތަކަށް ހަރަދުވާނެ އެވެ. އެއީ، ބަޖެޓުގެ 72 ޕަސެންޓް ހަރަދެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox