ހިޔާނާތާ ގުޅުވަން މިނިސްޓަރު އިހުސާން މަސައްކަތް ކުރަނީ ރައީސް މުއިއްޒު އެދިގެން : ފައްޔާޒު

ފުލުހުންގެ ތަހުގީގަށް މައުލޫމާތު ދިނުމަށް ފަހު ނޫސްވެރިންނާ ފައްޔާޒު ވާހަކަ ދައްކަވަނީ. އޭނާގެ މައްޗަށް ކުރަނީ އަސާސެއް ނެތް ސިޔާސީ ތުހުމަތުތަކެއް ކަމަށް ވިދާޅުވި --- ފޮޓޯ: އިޔާދު އަބްދުލްވައްހާބު

ފުލުހުންގެ ތަހުގީގަށް މައުލޫމާތު ދިނުމަށް ފަހު ނޫސްވެރިންނާ ފައްޔާޒު ވާހަކަ ދައްކަވަނީ. އޭނާގެ މައްޗަށް ކުރަނީ އަސާސެއް ނެތް ސިޔާސީ ތުހުމަތުތަކެއް ކަމަށް ވިދާޅުވި --- ފޮޓޯ: އިޔާދު އަބްދުލްވައްހާބު

ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ) އަށް ލިބިފައިވާ ފައިސާތަކަކަށް ހިޔާނާތްތެރިވި ކަމަށް ތުހުމަތުކޮށް ފުލުހުން މިހާރު ތަހުގީގު ކުރަމުންދާ މައްސަލައާ ގުޅުވުމަށް މަސައްކަތް ކުރަނީ ރައީސް ޑރ. މުހައްމަދު މުއިއްޒުގެ އެދިވަޑައިގަތުމަށް ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ކަމަށް އިދިކޮޅު މައި ޕާޓީ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޗެއާޕާސަން ފައްޔާޒު އިސްމާއީލް ތުހުމަތު ކުރައްވައިފި އެވެ.

ހެންވޭރު ބޯޅަދަނޑު ކައިރީގައި ހުންނަ ސާޖަންޓު އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންއަށް މިއަދު މެންދުރުފަހު ހާޒިރުވެ ވަޑައިގެން އެ މައްސަލައިގެ ތަހުގީގަށް ފައްޔާޒް މައުލޫމާތު ދެއްވި އެެވެ. ގާތްގަނޑަކަށް 35 މިނެޓު އެ އިމާރާތުގެ ތެރޭގައި ހޭދަކުރެއްވުމަށް ފަހު ނުކުމެވަޑައިގެން ނޫސްވެރިންނާ ވާހަކަ ދައްކަވަމުން އޭނާ ވިދާޅުވީ މިއީ ސިޔާސީ ބޭނުމަކަށް ކުރާ ކަމެއް ކަމަށެވެ.

"[މައްސަލައަކީ] އަޅުގަނޑާ ފުރަތަމަ ކަމަކަށް ބެހޭ ކަމެއް ވެސް ނޫން. އެ ގުޅުވަން މަސައްކަތް މި ކުރައްވަނީ ރައީސް މުއިއްޒުގެ ރިކުއެސްޓުގެ މަތިން ހެޕީ މާކެޓު އިހުސާން ކުރާ ކަމެއް މިކަމަކީ. އެހެން ނަމަވެސް ވަރަށް ސާފުކޮށް އޮތް ކަމެއް. ހާމަކޮށްފައި އޮތް ކަމެއް ބޮޑު ކަންތައްގަނޑަކަށް ހަދައިގެން ރައްޔިތުންގެ މެދުގައި އަޅުގަނޑުމެންގެ އަބުރު ކަތިލަން ކުރި ކަމެއް," ފައްޔާޒު ވިދާޅުވި އެވެ.

އޭނާއާ ސުވާލުކޮށްފައިވަނީ ރައީސުލްޖުމްހޫރިއްޔާގެ އޮފީހުގެ ވެބްސައިޓުގައި އާންމުކުރާ ވަޒީރުންގެ މާލީ ބަޔާންތަކުގައި ހާމަކޮށްފައިވާ ވިޔަފާރި މުއާމަލާތަކާ ގުޅޭ މައުލޫމާތާ ގުޅިގެން ކަމަށް ފައްޔާޒު ވިދާޅުވި އެވެ. އެއީ, ސެޕްޓެމްބަރު 2022, ގައި އޭނާއާ ގުޅުން އޮންނަ ކުންފުންޏަކުން ނަގާފައިވާ ލޯނަކާ ގުޅިގެން ކަމަށް އޭނާ ވިދާޅުވި އެވެ.

"ތާކުން ތާކު ނުޖެހޭ ގޮތަކަށް, މައުލޫމާތު ހާމަކޮށްފައި އޮތް އެއްޗެއްގައި ހިފައިގެން ބިރުވެރިކަން އުފައްދަން ކުރާ މަސައްކަތް. އަޅުގަނޑު ބިރު ނުގަންނާނެކަން ފުލުހުންނަށް އެނގޭނެ. ބިރުގަންނަވަން އުޅެނީ އާންމު ރައްޔިތުން," ފައްޔާޒު ވިދާޅުވި އެވެ.

އާރުޑީސީއާ ގުޅިގެން ބަލަމުންދާ މައްްސަލައާ ފައްޔާޒުއާ ގުޅުމެއް އޮތް ކަމަށް މިހާތަނަށް ވެސް އަންގާފައި ނުވާ ކަމަށާއި އޭނާގެ މައްޗަށް ޖިނާއީ އެއްވެސް ތުހުމަތެއް ނެތް ކަމަށް ފުލުހުން ބުނެފައިވާ ކަމަށް ފައްޔާޒުގެ ގާނޫނީ ވަކީލު މަހުފޫޒް ސައީދު ވިދާޅުވި އެވެ.

މިއީ ސިޔާސީ ލީޑަރަކު ފުލުހުންގެ ތަހުގީގަށް މި ވެރިކަމުގައި ތަހުގީގަކަށް ހާޒިރުކުރާ ފުރަތަމަ ފަހަރެވެ. ފައްޔާޒު މި ތުހުމަތުތައް ދޮގު ކުރައްވަ އެވެ. ވިދާޅުވަނީ ތުހުމަތެއް ކުރެވޭ ފަދަ ކަމެއް ވެސް ކުރައްވާފައި ނުވާނެ ކަމަށެވެ.

މިއީ ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އިން ގުޅިގެން ބަލަމުންދާ މައްސަލައެކެވެ. މިހާތަނަށް ފުލުހުން މި މައްސަލާގައި ހާމަކޮށްފައިވާ މައުލޫމާތުތަކުން އެނގޭ ގޮތުގައި މިއީ މީގެ ދޮޅު އަހަރު ކުރިން ސެޕްޓެމްބަރު، 2022، ގައި އެ އިދާރާއަށް ހުށަހެޅި މައްސަލައެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox