އެފްއޭއެމް ވެޓެރަންސް ލީގު: ސެމީގެ ފުރަަތަމަ ޖާގަަތަށް ހުޅުމާލެ ވެޓެރަންސް އާއި ދަ ގްރާންޑޭ އަށް

Mar 26, 2024, 4:36 PM
ދަ ގްރާންޑޭ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އަބީދު

ދަ ގްރާންޑޭ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އަބީދު

އެފްއޭއެމް ވެޓެރަންސް ލީގުގެ ސެމީ ފައިނަލްގެ ފުރަތަމަ ޖާގަތަށް އެންމެ ފަހުގެ ޗެމްޕިއަން، ހުޅުމާލެ ވެޓެރަންސް ކްލަބާއި ރަނަރަޕް ދަ ގްރާންޑޭ ސްޕޯޓްސް ކްލަބުން ހޯދައިފި އެވެ.

ހުޅުމާލެ ވެޓެރަންސް އިން ވަނީ އިއްޔެ ހަވީރު ކުޅުނު މެޗުން، ހުއްރިއްޔާ ސްޕޯޓްސް ކްލަބް (ހުރާ)، 2-1 އިން ބަލިކޮށް، ގްރޫޕްގައި ކުޅުނު ތިން މެޗުން ވެސް މޮޅުވެ، ބާކީ މެޗެއް އޮއްވައި، ސެމީގެ ޖާގަ ޔަގީންކޮށްފަ އެވެ.

ދަ ގްރާންޑޭ އިން ވަނީ މިއަދު ކުޅުނު މެޗުން ލެގޫންސް ސްޕޯޓްސް ކްލަބް އަތުން 4-1 އިން މޮޅުވެފަ އެވެ. ދަ ގްރާންޑޭ ވެސް ވަނީ މުބާރާތުގައި މިހާތަނަށް ކުޅުނު ތިން މެޗުން މޮޅުވެފަ އެވެ.

Advertisement

އިއްޔެ ހަވީރު ކުޅުނު މެޗުގައި ފުރަތަމަ ލީޑުނެގީ ހުރާ އިންނެވެ. މެޗުގެ 21 ވަނަ މިނިޓްގައި ހުރާގެ ކެޕްޓަން، މައުސޫމް އަބްދުލް ގަފޫރު (މާސޭ) ވަނީ އެ ޓީމަށް ލީޑުނަގައިދީފަ އެވެ. މެޗުގެ 29 ވަނަ މިނިޓްގައި، ފުރަތަމަ ހާފު ނިމުމުގެ ކުރިން، އަހުމަދު މުހައްމަދު (އައްމަޑޭ) ވަނީ ހުޅުމާލެ ވެޓެރަންސް އަށް އެއްވަރުކޮށްދީފަ އެވެ.

ހުޅުމާލެ ވެޓެރަންސް ޓީމުގެ ޕެނަލްޓީ ޖެހުމަށް ފަހު، ކޮކީ އުފާފާޅުކުރަނީ.--- ފޮޓޯ: އަބްދުﷲ އަބީދު

މެޗުގެ އިތުރު ވަގުތުގައި، ހުޅުމާލެ ވެޓެރަންސް މޮޅުވި ގޯލު ޖެހީ ޕެނަލްޓީ އަކުން ހުސެއިން ޝިމާޒް (ކޮކީ) އެވެ. މި ޕެނަލްޓީ އަކީ، ހުޅުމާލެ ވެޓެރަންސްގެ އައްމަޑޭ، ހުރާގެ ތިން ކުޅުންތެރިން ކައިރިން ނައްޓާފައި އޭރިއާތެރެއަށް ވަން ވަގުތު ކުރި ފައުލަކަށް ރެފްރީ ދިން ޕެނަލްޓީ އެކެވެ.

މި ޕެނަލްޓީ ދޭން ރެފްރީ ޒަހީރު ހުސެއިން ނިންމުމުން ހުރާގެ ކުޅުންތެރިން ވަރަށް ބޮޑަށް ނުރުހުން ފާޅުކުރި އެވެ. އަދި ޕެނަލްޓީ ޖެހި ފަހުން، ހުރާގެ ފޯވާޑް، އާދަމް ލަރީފް (ރޮނާ) ތަކުރާރުކޮށް ރެފްރީ ޒަހީރުއާ ބޭއަދަބީ ބަހުން މުއާމަލާތުކޮށް ހަމަލާދޭން މަސައްކަތް ކުރުމުން އޭނާ އަށް ދެ ރީނދޫ ކާޑު ދައްކައި، ރަތް ކާޑެއް ދެއްކި އެވެ. އޭގެ ފަހުން، ރެފްރީ ޒަހީރު އަށް ރޮނާ ހަމަލާދޭން މަސައްކަތް ކުރުމުން މެޗު ހުއްޓާލީ އެވެ.

ކ. މާފުށްޓަށް ނިސްބަތްވާ ދަ ގްރާންޑޭ ޓީމުން ވަނީ މިއަދު ފަސޭހައިން ލެގޫންސް ބަލިކޮށްފަ އެވެ.

މެޗު ފަށައިގެން، 11 މިނިޓް ތެރޭ ދަ ގްރާންޑޭ ޓީމުގެ އަހުމަދު ޝަކީބު ދެ ގޯލު ޖަހައި، ދަ ގްރާންޑޭ އަށް ލީޑުނަގައިދިނެވެ.

ދެ ވަނަ ހާފު ފެށިތަނާ، ލެގޫންސް ފަހަތަށް އައި ބޯޅައެއް ހޯދައި، ސައުދު އިސްމާއިލް ވަނީ ދަ ގްރާންޑޭގެ ތިން ވަނަ ގޯލު ޖަހައިފަ އެވެ.

އޭގެ ފަހުން، ދަ ގްރާންޑޭގެ ކުޅުންތެރިއަކު އަތުގައި އޭރިއާތެރެއިން ބޯޅަ ޖެހުމުން، ރެފްރީ ދިން ޕެނަލްޓީ ކާމިޔާބުކޮށް، ލެގޫންސްގެ ހުސެއިން ރަޝީދު އެ ޓީމަށް ލަނޑެއް ޖަހައިދިނެވެ.

މެޗުގެ ތިން ޕޮއިންޓް ދަ ގްރާންޑޭ އަށް ޔަގީންކޮށްދިން ލަނޑު ޖެހީ، ހަސަން ޝަރީފް އެވެ.

ސާޅީސް އަހަރުން މަތީގެ ކުޅުންތެރިންނަށް ހާއްސަކޮށްގެން މި ފަހަރުގެ ވެޓެރަންސް މުބާރާތް ކުރިއަށްދާއިރު، މުބާރާތުގެ މެޗެއް މާދަމާ ވެސް އޮންނާނެ އެވެ. ބައްދަލުކުރާނީ ޕޮލިސް ކްލަބާއި ދިވެހި ސިފައިންގެ ކްލަބް އެވެ. މުބާރާތުގެ ހުރިހާ މެޗެކޭ އެއްގޮތަށް، ހެންވޭރު ދަނޑުގައި ކުޅޭ މި މެޗު ފަށާނީ، މާދަމާ ހަވީރު 16:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox