އެފްއޭއެމް ވެޓެރަންސް ލީގު 2024 ގައި ސްޓެލްކޯ ކްލަބް 4-0 އިން ބަލިކޮށް، މޯލްޑިވްސް ސޮކަ މޭޓްސް (އެމްއެސް މޭޓްސް) އިން މުބާރާތުގައި އެ ޓީމުގެ ފުރަތަމަ މޮޅު ހޯދައިފި އެވެ.
ސޮކަ މޭޓްސް މި ފަހަރުގެ މުބާރާތުގައި ކުޅުނު ފުރަތަމަ މެޗުން ދަ ގްރާންޑޭ ސްޕޯޓްސް ކްލަބް އަތުން ވަނީ ބަލިވެފަ އެވެ، އެހެންކަމުން، އިއްޔެގެ މެޗަށް ނުކުތްއިރު ވެސްް އެ ޓީމަށް އޮތީ ނަތީޖާ ނެރެން މުހިންމުވެފަ އެވެ.
ހެންވޭރު ދަނޑުގައި ކުޅުނު މެޗުގެ ފުރަތަމަ ހާފުގައި ސޮކަ މޭޓްސް އިން ދެ ގޯލު ޖެހި އެވެ. އެ ޓީމަށް 23 ވަނަ މިނިޓްގައި ލީޑުނަގައިިދިނީ، އަހުމަދު އަޝްހަމް އެވެ. އޭގެ ހަތަރު މިނިޓް ފަހުން، އަހުމަދު ނިޝާން (ކާނޫ) ވަނީ ގޯލެއް ޖަހައިފަ އެވެ.
ދެ ވަނަ ހާފުގެ ފަހު 10 މިނިޓް ތެރޭ، ސޮކަ މޭޓްސް އިން އިތުރު ދެ ގޯލު ޖެހި އެވެ. މި ހާފުގެ ފުރަތަމަ ގޯލު 51 ވަނަ މިނިޓްގައި ޖެހީ ކާނޫ އެވެ. އަދި ޓީމުގެ ފަހު ގޯލު ޖެހީ، އައްސަދު އަބްދުލް ގަނީ އެވެ. އެއީ މެޗު ނިމެން ތިން މިނިޓަށް ވެފައި ވަނިކޮށެވެ.
ސާޅީސް އަހަރުން މަތީގެ ކުޅުންތެރިންނަށް އަމާޒުކޮށްގެން މި ފަހަރުގެ ވެޓެރަންސް މުބާރާތް ކުރިއަށްދާއިރު، ޓީމުގައި 35 އަހަރުން މަތީގެ ދެ ކުޅުންތެރިން ހިމަނަން ފުރުސަތު އޮވެ އެވެ.
މުބާރާުތުގައި މިއަދު ހަވީރު ކުޅޭ މެޗުގައި، އެންމެ ފަހުން ދެ ފަަހަރުގެ ޗެމްޕިއަން، ހުޅުމާލެ ވެޓެރަންސް ޓީމުން ނުކުންނާނީ ޕޮލިސް ކްލަބާ ދެކޮޅަށެވެ. މެޗު ފަށާނީ 16:30 ގަ އެވެ.
