ސްޓޯން ހޮޓެލްސް ހުޅުވައި ދިއްފުއްޓަށް މަތީފަންތީގެ ޓޫރިޒަމް

ދިއްފުށީގައި ހުޅުވި ސްޓޯން ހޮޓެލްސް: މިއީ މިހާތަނަށް ދިއްފުށީގައި ހުޅުވި އެންމެ ފެންވަރު ރަނގަޅު، އެންމެ ބޮޑު ހޮޓާ -- ފޮޓޯ: ސްޓޯން ހޮޓެލްސް

ދިއްފުށީގައި ހުޅުވި ސްޓޯން ހޮޓެލްސް: މިއީ މިހާތަނަށް ދިއްފުށީގައި ހުޅުވި އެންމެ ފެންވަރު ރަނގަޅު، އެންމެ ބޮޑު ހޮޓާ -- ފޮޓޯ: ސްޓޯން ހޮޓެލްސް

މުޅިން އަލަށް ޓޫރިޒަމް ދާއިރާއަށް ނިކުންނަ ސްޓޯން ހޮޓެލްސް ކުންފުނިން ދިއްފުށީގައި ތަރައްގީކުރި 50 ކޮޓަރީގެ މަތީފަންތީގެ "ސްޓޯން ހޮޓެލްސް ދިއްފުށި" ހުޅުވައިފި އެވެ.

ސްޓޯން ހޮޓެލްސް ރަސްމީކޮށް ހުޅުއްވައިދެއްވީ އިއްޔެ ބޭއްވި ރަސްމިއްޔާތެއްގައި ޓޫރިޒަމްގެ ސްޓޭޓް މިނިސްޓަރު އަހުމަދު ނާޒިމް މުހައްމަދާއި ވެލިގާ އަދި ސްޓޯން ހޮޓެލްސް ކުންފުނީގެ ޗެއާމަން މުހައްމަދު އަބޫބަކުރެވެ.

މިއީ މިހާތަނަށް ދިއްފުށީގައި ހުޅުވި އެންމެ ބޮޑު ހޮޓަލެވެ. އަދި އެންމެ ގިނަ ހިދުމަތްތަކެއް ލިބޭ ހޮޓަލު ވެސް މެ އެވެ.

ޓޫރިޒަމްގެ ސްޓޭޓް މިނިސްޓަރު އަހުމަދު ނާޒިމް މުހައްމަދާއި ވެލިގާ އަދި ސްޓޯން ހޮޓެލްސް ކުންފުނީގެ މެނޭޖިން ޑިރެކްޓަރު މުހައްމަދު އަބޫބަކުރެ
ޓޫރިޒަމްގެ ސްޓޭޓް މިނިސްޓަރު އަހުމަދު ނާޒިމް މުހައްމަދާއި ވެލިގާ އަދި ސްޓޯން ހޮޓެލްސް ކުންފުނީގެ މެނޭޖިން ޑިރެކްޓަރު މުހައްމަދު އަބޫބަކުރެ

ޓޫރިޒަމްގެ ސްޓޭޓް މިނިސްޓަރު އަހުމަދު ނާޒިމް މުހައްމަދާއި ސްޓޯން ހޮޓެލްސް ކުންފުނީގެ މެނޭޖިން ޑިރެކްޓަރު މުހައްމަދު އަބޫބަކުރު ސްޓޯން ހޮޓެލްސް ހުޅުއްވައިދެއްވަނީ: ސްޓޯން ހޮޓެލްސްއިން ރިސޯޓުތަކުން ލިބޭ ގިނަ ހިދުމަތްތައް ލިބޭ -- ފޮޓޯ: އަމަން ހަލީމް/އަދަދު

ރިސޯޓުތަކުން ލިބޭ ގިނަ ހިދުމަތްތަކެއް ލިބޭ ގޮތަށް ތަރައްގީކޮށްފައިވާ ސްޓޯން ހޮޓެލްގައި ހަތް ވައްތަރެއްގެ ކޮޓަރި ހުރެ އެވެ. އޭގެ ތެރެއިން އެންމެ ފާހަގަކޮށްލެވެނީ ގްރޭންޑް އިންފިނިޓީ ސީވިއު ރޫމްތަކާއި ގްރޭންޑް ސީވިއު ރޫމްތަކެވެ. މިއީ މޫދާއި އިރުއޮއްސޭ މަންޒަރު ފެންނަ ދިމާލަށް ހުންނަ ކޮޓަރިތަކެވެ.

މި ތަނުގައި އެކި ވައްތަރުގެ ކެއުމަށް ހާއްސަ ހަ ރެސްޓޯރަންޓު ހުރެ އެވެ. އަދި ސްޕާ އާއި މޫދު ކުޅިވަރާއި ޑައިވިން އާއި އެކްސްކާޝަން ހިދުމަތް ސީދާ ހޮޓަލުން ގެސްޓުންނާ ހަމައަށް ފޯރުކޮށްދެ އެވެ. އަދި ހަފުތާގެ ހުރިހާ ދުވަހެއްގައި 24 ގަޑިއިރު ރިސެޕްޝަން ހިދުމަތާއި މިހާރުގެ ހޮޓާތަކުން ލިބޭ ޒަމާނީ ހުރިހާ ހިދުމަތެއް ވެސް ލިބެ އެވެ.

ސްޓޯން ހޮޓެލްސްއިން ބުނި ގޮތުގައި އެ ހޮޓެލް ޕްރޮމޯޓު ކުރުމުގެ އިތުރުން، މަންޒިލެއްގެ ގޮތުގައި ދިއްފުށި މާކެޓުކުރަން ހާއްސަ މަސައްކަތްތަކެއް ވެސް ކުރެވޭނެ އެވެ. އެއާ އެކުއެކީ ރަށުގެ ތަރައްގީއަށް ކުރެވޭ މަސައްކަތުގައި އާއި އާންމު ރައްޔިތުންގެ މަންފާއަށް ކުރެވޭ ހުރިހާ ކަމެއްގައި އެ ހޮޓަލުގެ ފުރިހަމަ ބައިވެރިވުމާއި އެއްބާރުލުން ލިބިގެންދާނެ ކަމަށް ވެސް ބުންޏެވެ.

ސްޓޯން ހޮޓެލްސްގައި ހުންނަ އާނު ރެސްޓޯރަންޓް އެންޑް ބާ: މި ތަނުގައި އެކި ވައްތަރުގެ ކެއުމަށް ހާއްސަ ހަ ރެސްޓޯރަންޓު ހުރޭ -- ފޮޓޯ: އަމަން ހަލީމް/އަދަދު
ސްޓޯން ހޮޓެލްސްގައި ހުންނަ އާނު ރެސްޓޯރަންޓް އެންޑް ބާ: މި ތަނުގައި އެކި ވައްތަރުގެ ކެއުމަށް ހާއްސަ ހަ ރެސްޓޯރަންޓު ހުރޭ -- ފޮޓޯ: އަމަން ހަލީމް/އަދަދު

ސްޓޯން ހޮޓެލްސްގައި ހުންނަ އާނު ރެސްޓޯރަންޓް އެންޑް ބާ: މި ތަނުގައި އެކި ވައްތަރުގެ ކެއުމަށް ހާއްސަ ހަ ރެސްޓޯރަންޓު ހުރޭ -- ފޮޓޯ: އަމަން ހަލީމް/ އަދަދު

ސްޓޯން ހޮޓެލްސްއިން ވަނީ ވަރަށް އަވަހަށް ނ. މަނަދޫގައި 100 ކޮޓަރީގެ ޓޫރިސްޓު ހޮޓަލެއް އެޅުމުގެ މަސައްކަތް ވެސް ފަށާނެ ކަން، އިއްޔެގެ ރަސްމިއްޔާތުގެ ތެރެއިން، އިއުލާންކޮށްފަ އެވެ.

މި ހިތްގައިމު ހޮޓެލްގެ އިތުރު ފޮޓޯތައް

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox