އެމްއައިބީ ގެސްޓްހައުސް އެވޯޑްސް ކްރޯ މޯލްޑިވްސްއާ ހަވާލުކޮށްފި

އެމްއައިބީ ގެސްޓްހައުސް އެވޯޑްގެ މަސައްކަތްތައް ކްރޯ މޯލްޑިވްސްއާ ހަވާލުކުރުން -- ފޮޓޯ: މުހައްމަދު ޝަހުޒާން / އަދަދު

އެމްއައިބީ ގެސްޓްހައުސް އެވޯޑްގެ މަސައްކަތްތައް ކްރޯ މޯލްޑިވްސްއާ ހަވާލުކުރުން -- ފޮޓޯ: މުހައްމަދު ޝަހުޒާން / އަދަދު

މޯލްޑިވްސް އިސްލާމިކް ބޭންކް (އެމްއައިބީ) އިން އިސްނަގައިގެން ގެސްޓްހައުސް ސިނާއަތުގައި ފާހަކޮށްލެވޭ ފަރާތްތަކުގެ އަގުވަޒަންކުރުމަށްޓަކައި ދިނުމަށް ނިންމާފައިވާ އެވޯޑުގެ އެންމެހާ މަސައްކަތްތައް ކުރިއަށްގެންދަން ކްރޯ މޯލްޑިވްސްއާ ހަވާލުކޮށްފި އެވެ.

އޮޑިޓިން، ޓެކްސް އަދި އެޑްވައިޒަރީ ދާއިރާގައި ރާއްޖޭގައި ފުޅާދާއިރާއެއްގައި މަސައްކަތްކުރާ ގްލޯބަލް ނެޓްވޯކެއް ކަމަށްވާ ކްރޯ މޯލްޑިވްސްއާ މި މަސައްކަތް ހަވާލުކުރީ މި އަހަރު އޮކްޓޯބަރު މަހު ބާއްވާ އެމްއައިބީ ގެސްޓްހައުސް ސިމްޕޯޒިއަމްގެ ތެރެއިން އެ އެވޯޑު ދިނުމަށެވެ.

މި އެވޯޑާ ގުޅިގެން ކްރޯ މޯލްޑިވްސްއާ ހަވާލުކުރެވިފައިވާ މައިގަނޑު މަސްއޫލިއްޔަތުތަކަކީ އެވޯޑު ދިނުމަށް ބޭނުންކުރާ އުސޫލުތަކާއި އޮނިގަނޑު އެކުލަވާލުން، ނޮމިނޭޝަނާއި އެޕްރލިކޭޝަން ފޯމު ހުށަހެޅުމުގެ މަސައްކަތްތައް ކުރިއަށް ގެންދިއުން، ޖަޖިން ޕެނަލް އެކުލަވާލުން، އެޕްލިކޭޝަން އިވެލުއޭޓް ކުރުމުގެ މަސައްކަތް ބެލެހެއްޓުން އަދި އެވޯޑް ލިބޭ ފަރާތްތައް އިއުލާންކުރުމުގައި އެހީތެރިވުމެވެ.

ކްރޯ މޯލްޑިވްސްގެ މެނޭޖިން ޕާޓްނަރު ހަސަން މުހައްމަދު ވިދާޅުވީ މިފަދަ މުހިންމު މަސައްކަތެއް ކުރިއަށްގެންދަން އެމްއައިބީން އިސްނެގުމަކީ ގެސްޓްހައުސް ސިނާއަތުގެ ދާއިރާގައި މަސައްކަތްކުރާ ފަރާތްތަކުގެ ފެންވަރު ރަނގަޅުވެ، ދެމެހެއްޓިނިވި ފަތުރުވެރިކަން ކުރިއަރުވަން ލިބޭނެ ހިތްވަރެއް ކަމަށެވެ.

ގެސްޓްހައުސްތަކަށް ދެވޭ އެވޯޑް:

  1. ސާވިސް އެކްސެލެންސް އެންޑް ހޮސްޕިޓާލިޓީ އެވޯޑް.
  2. އޮތެންޓިކް މޯލްޑިވިއަން އެކްސްޕީރިއަންސް އެވޯޑް.
  3. އައިލެންޑް އެކްސްކާޝަންސް އެންޑް އެކްސްޕީރިއަންސެސް އެވޯޑް.
  4. ކަލިނަރީ އެކްސްޕީރިއަންސް އެވޯޑް.
  5. އިކޯ ފްރެންޑްލީ އެވޯޑް.
  6. ކޮމިއުނިޓީ އިމްޕެކްޓް އެވޯޑް.
  7. ޑިޖިޓަލް ޕްރެސެންސް އެވޯޑް.
  8. އައިކޮނިކް މެރިން އެންޑް ޑައިވް އެކްސްޕީރިއަންސް އެވޯޑް.

ވަކިވަކި ފަރުދުންނަށް ދެވޭ އެވޯޑް:

  1. ޓެލެންޓް އެންޑް ކަލްޗާ ޗެމްޕިއަން އެވޯޑް.
  2. ގެސްޓް އެކްސްޕީރިއަންސް ޗެމްޕިއަން އެވޯޑް.
  3. އައުޓްސްޓޭޑިން ޑައިވް ލީޑާ އެވޯޑް.

ރަށަށް ދެވޭ އެވޯޑް:

  1. ގެސްޓްހައުސް ވިޔަފާރި ތަރައްގީކޮށް ވިޔަފާރި ފުޅާކުރުމަށް އެހީތެރިވެދޭ ރަށްތަކުގެ ތެރެއިން ފާހަގަކޮށްލެވޭ ރަށަށް ދެވޭ އެވޯޑް.

އެވޯޑްތަކަށް ކުރިމަތިލުމުގެ ފުރުސަތު މި އަހަރުގެ ޖުލައި 15، އިން އޮގަސްޓް 20، ގެ ނިޔަލަށް ހުޅުވާލަން ހަމަޖެހިފައިވާއިރު، އެޕްލިކޭޝަން ހުށަހަޅަންޖެހޭނީ އޮންލައިން ޕޯޓަލް މެދުވެރިކޮށެވެ. ގެސްޓްހައުސް ސިމްޕޯޒިއަމް ބާއްވަނީ މި އަހަރުގެ އޮކްޓޯބަރު ކޮން ދުވަހެއްގައި ކަމެއް އެމްއައިބީން ހާމައެއް ނުކުރެ އެވެ.

ގެސްޓްހައުސް ދާއިރާއާ ހުރިހާ އެންމެން އެއް ތަނަކަށް ގެންނަ އެމްއައިބީ ސިމްޕޯޒިއަމްގެ މިދިޔަ އަހަރާއި އޭގެ ކުރީ އަހަރުވެސް ބާއްވާފައިވެ އެވެ. އެމްއައިބީގެ ގެސްޓްހައުސް އެވޯޑްސް އިއުލާންކުރީ މިދިޔަ އަހަރު 150 އަށްވުރެ ގިނަ ބައިވެރިންނާއެކު ކުރިއަށްގެންދިޔަ ސިމްޕޯޒިއަމް ނިންމާލަމުންނެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox