އެމެރިކާގެ އަލަބާމާގައި ނައިޓްރޮޖަން ގޭސް ބޭނުންކޮށްގެން ގައިދީ އަކަށް މަރުގެ އަދަބު ދޭން ނިންމައިފި އެވެ.
މިހާރު އުމުރުން 58 އަހަރުގެ ކެނެތު ޔޫޖީން ސްމިތު އަށް މަރުގެ އަދަބު ދެނީ، އެލިޒަބަތު ސެނެޓް ކިޔާ މީހަކު މަރައިލުމުގެ ކުށް އޭނާގެ ސާބިތުވުމުންނެވެ. އެ މަރުގެ އަނެއް ގާތިލްގެ މައްޗަށް ކުރިން ވަނީ މަރުގެ އަދަބު ތަންފީޒުކޮށްފަ އެވެ.
މީގެ 35 އަހަރު ކުރިން 1998 ގައި ހުކުމް އިއްވާފައިވާ ސްމިތު ވެގެން ދާނީ މުޅި ދުނިޔޭގައި ވެސް ނައިޓްރޮޖަން ގޭސް ބޭނުންކޮށްގެން މަރުގެ އަދަބު ދޭ ފުރަތަމަ މީހާ އަށެވެ.
ނައިޓްރޮޖަން ބޭނުން ކުރުމުން ސިކުންތެއްގެ ތެރޭގައި ހޭނެތި، ސެލްތައް ފަޅައިގެން ގޮސް މަދު މިނެޓެއްގެ ތެރޭގައި މަރުވެދާނެ އެވެ. ނަމަވެސް މަރުގެ އަދަބު ތަންފީޒުކުރުމުގެ މުޅި މަރުހަލާ ފުރިހަމަ ކުރުމަށް ގިނަ ގަޑިއިރުއިރުތަކެއް ނަގާނެ އެވެ.
ނައިޓްރޮޖަން ބޭނުންކުރަން މި ފެށީ ލީތަލް އިންޖެކްޝަން އުފެއްދުމަށް ބޭނުންވާ ބައެއް މާއްދާތައް ލިބުމަށް ދަތިވެ، މަރުގެ އަދަބު ތަންފީޒު ނުކުރެވި ގިނަ ބަޔަކު ތިބުމުންނެވެ.
