ފީތަކަށް ލުއި ދިނުމަށްފަހު ޔޮޓުތަކާއި ކްރޫޒްލައިނާތަކާ ގުޅޭ އާ ގަވާއިދެއް ގެޒެޓުކޮށްފި

Jan 2, 2024, 12:52 PM
ރާއްޖޭގައި ދުއްވާ ޔޮޓެއް: މި ގަވާއިދަކީ ކްރޫޒްލައިނާ ޓޫރިޒަމަށް ސީދާ ހުރަހެއް ކަމަށް މާޔާއިން އައީ ބުނަމުން. -- ފޮޓޯ:ސޯޝަލް މީޑިއާ

ރާއްޖޭގައި ދުއްވާ ޔޮޓެއް: މި ގަވާއިދަކީ ކްރޫޒްލައިނާ ޓޫރިޒަމަށް ސީދާ ހުރަހެއް ކަމަށް މާޔާއިން އައީ ބުނަމުން. -- ފޮޓޯ:ސޯޝަލް މީޑިއާ

ބޭރުގެ ޔޮޓުތަކާއި ކްރޫޒްލައިނާތަކުން ދައުލަތަށް ނަގާ ފީތަކަށް ބޮޑު ލުއިތަކެއް ނެގުމަށްފަހު ބޭރުގެ ޓުއަަރިސްޓު އުޅަނދުތައް ރާއްޖޭގައި ދުއްވުމާ ބެހޭ މުޅިން އާ ގަވާއިދެއް ސަރުކާރުން މިއަދު ގެޒެޓުކޮށްފި އެވެ.

ޓޫރިޒަމް މިނިސްޓްރީގެ އާ ގަވާއިދުގައި ވަނީ، ބޭރުގެ ޓުއަރިސްޓު އުޅަނދުތަކާ ގުޅޭ ގޮތުން ކުރީ ސަރުކާރުން މިދިޔަ ސެޕްޓެމްބަރު 14 ގައި ނެރުނު ގަވާއިދު އުވާލައިފަ އެވެ.

އާ ގަވާއިދުވާ ގޮތުން، ހަތް ދުވަހަށްވުރެ ކުރު މުއްދަތަކަށް އަންނަ އުޅަނދުތައް ޕަސެންޖާ ލައިނާތަކުން ހުއްދަ ނަގަންޖެހެ އެވެ. އެއިރުން ޓުއަރިސްޓު އުޅަނދުތަކުން ދުވާލަކު ނަގާ 100 ޑޮލަރުގެ ފީ ކްރޫޒްލައިނާތަަކުން ދައްކާކަށް ނުޖެހޭނެ އެވެ. އަދި ޗާޓަރު ލައިސަންސު ވެސް ނަގާކަށް ނުޖެހެ އެވެ.

ނަމަވެސް ފީއެއްގެ ގޮތުގައި 850 ޑޮލަރު ދުވާލަކަށް ދައްކަންޖެހެ އެވެ.

ކުރީގެ ގަވާއިދު އުވާލުމަށްފަހު އާ ގަވާއިދަކަށް އަމަލު ކުރަން ފަށާފައި މި ވަނީ ޔޮޓު އެޖެންޓުންގެ އެސޯސިއޭޝަނުން ކުރިން ނެރެފައި އޮތް ގަވާއިދަށް ވަރަށް ބޮޑަށް ފާޑުކިޔާފައި އޮއްވަ އެވެ. އެންމެ ބޮޑު މައްސަލައަކަށް ޖަމިއްޔާއިން ދެއްކީ ކްރޫޒްލައިނާތަކުގެ ކޮޓަރިތަކުން ޓީޖީއެސްޓީއަށް ދައްކަންޖެހޭ 16 ޕަސެންޓު ޓެކްސް ދައްކަންޖެހުމެވެ.

އޭގެ ފަހުން ޓުއަރިޒަމް މިނިސްޓަރު އިބްރާހިމް ފައިސަލް ވިދާޅުވީ ގަވާއިދު އިސްލާހު މަސައްކަތް ކުރަމުންދާ ކަމަށެވެ.

"ކުރޫޒު ލައިނާތަކާ ގުޅޭ ގޮތުން ނިމިދިޔަ ސަރުކާރުން ހަދާފައިވާ ގަވާއިދު އިސްލާހު ކުރުމުގެ މަސައްކަތް މިދަނީކުރަމުން. އިރާދަ ކުރެއްވިއްޔާ ދާދި އަވަހަށް މިހާރު ކުރިމަތިވެފައިވާ ދަތިތަކަށް ހައްލު ލިބިގެންދާނެކަމުގެ ޔަގީންކަން އަރުވަން،" ޑިސެމްބަރު 16، ގައި ފައިސަލް ވިދާޅުވެފައި ވެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox