ހުލާސާކޮށް އިއްޔެ: ފަރުހާދަށް ބޮޑު ތުހުމަތެއް!

Dec 5, 2023, 1:28 AM
އެކްޓިން ޕޮލިސް ކޮމިޝަނަރު ފަރުހާދު ފިކުރީ

އެކްޓިން ޕޮލިސް ކޮމިޝަނަރު ފަރުހާދު ފިކުރީ

އެކްޓިން ޕޮލިސް ކޮމިޝަނަރު ފަރުހާދު ފިކުރީގެ ދަރިއަކު ބައިވެރިވާ ކަމަށް ބެލެވޭ ރޭޕް ކޭހެއްގެ މައްސަލައިގެ ހެކި ނައްތާލި ކަމަށް ތުހުމަތު ކުރެވޭތީ، އެ މައްސަލައިގައި ފަރުހާދަށް ފިޔަވަޅު އަޅަން ޕްރޮސެކިއުޓާ ޖެނެރަލްގެ އޮފީހުން އިލްތިމާސްކޮށްފައިވާކަމަކަށް އިއްޔެ ރިޕޯޓުކުރި އެވެ.

މެއި 7، 2018 ގައި ޕީޖީ އޮފީހުން ފުލުހުންގެ އިދާރާއަށް ފޮނުވި ސިޓީއެއްގެ ކޮޕީ "އަދަދު" އަށް ލިބިފައި ވާއިރު އޭގައި ބުނެފައި ވަނީ، ގެސްޓްހައުސްއެއްގެ ތެރޭގައި 16 އަހަރުގެ ކުޑަ އަންހެން ކުއްޖަކު ރޭޕުކޮށް އޭނާގެ ފޮޓޯ ނެގި މައްސަލައަކަށް، "ފަރުހާދު ފިކުރީ ނުފޫޒު ފޯރުވާފައިވާކަން ވަނީ ފާހަގަކުރެވިފައި" ކަމަށެވެ.

ޕީޖީ އޮފީހުގެ ސިޓީގައި ބުނެފައިވާ ގޮތުން ފަރުހާދުގެ މައްޗަށް ތުހުމަތު ކުރެވެނީ، ފޯނެއްގައި ހުރި ފޮޓޯތަކެއް ޑިލީޓްކޮށްލުމުގެ ތުހުމަތެވެ. އެއީ، އަނިޔާ ލިބުނު އަންހެން ކުއްޖާއަށް ބެހެމުން ދިޔައިރު ފަރުހާދުގެ ދަރިފުޅު އޭނާގެ ފޯނުން ނެގި ބަރަހަނާ ފޮޓޯތަކެއް ކަމަށް ސިޓީގައި ބުނެފައިވެ އެވެ.

Advertisement

އެ އަންހެން ކުއްޖާއަށް ގަދަކަމުން ޖިންސީ ގޯނާ ކުރިކަމުގެ ތުހުމަތުގައި 17 އަހަރުގެ ފިރިހެން ކުއްޖަކަށް ދައުވާ ކުރަން ފޮނުވިއިރު، ހާދިސާ ހިނގި ކޮޓަރީގައި ފަރުހާދުގެ ދަރި ވެސް ހުރި ކަމަށާއި އޭނާގެ ފޯނުން އަންހެން ކުއްޖާގެ ބަރަހަނާ ފޮޓޯ ނަގާފައިވާ ކަމަށް އަމިއްލައަށް އިއުތިރާފުވެފައިވާ ކަމަށް ވެސް ސިޓީގައި ބުނެފައިވެ އެވެ.

ނަމަވެސް ކުށެއްގެ ތުހުމަތުކޮށް ފަރުހާދުގެ ދަރިފުޅާ އެއްވެސް ސުވާލެއް ނުކުރާ ކަމަށް ޕީޖީ އޮފީހުން ބުނެފައިވެ އެވެ. އަދި ބަރަހަނާ ފޮޓޯތައް ނެގި ފޯނު އޭނާގެ ދަރިފުޅު އަތުން ފަރުހާދު ނެގުމަށްފަހު، ފުލުހަކު ލައްވައި އެ ފޯނުގައި ހުރި ތަކެތި ޑިލީޓްކޮށްފައިވާކަން، މައްސަލައިގެ ލިޔުންތަކުން އެނގޭ ކަމަށް ޕީޖީ އޮފީހުގެ ސިޓީގައި ބުނެފައިވެ އެވެ.

އެ ފޯނު ސިޓީ އުރައަކަށްލުމަށް ފަހު ފުލުހުންގެ އިދާރާގައި ހުންނަ ފަރުހާދުގެ މޭޒުގެ ވަތްގަނޑުގައި ބާއްވާފައި އޮތް ކަމަށާއި ތަހުގީގު ކުރާ އޮފިސަރު އެ ފޯނުން ބޭނުންވެގެން އެދުމުން ފޯނު ދީފައިވާނެ ކަމަށް އެ މައްސަލައިގައި ފަރުހާދު ދިން ބަޔާނުގައި ބުނެފައިވާ ކަމަށް ޕީޖީ އޮފީހުގެ ސިޓީގައި ބުނެފައިވެ އެވެ.

އޭގެ ފަހުން ފުލުހުން ހެދި އެ ފޯނުގެ ފޮރެންސިކް ރިޕޯޓުގައި އެ ފޯނުގައި އެއްވެސް ޑޭޓާއެއް ނެތް ކަމަށް ލިޔެފައިވާ ކަމަށް ޕީޖީ އޮފީހުގެ ސިޓީގައި ބުނެފައިވެ އެވެ.

ޕީޖީ އޮފީހުގެ ސިޓީގައި ބުނެފައި ވަނީ އެ މައްސަލައަކީ ޖިނާއީ ދައުވާއެއް ކުރެވިދާނެ މައްސަލައެއް ނަމަވެސް އެ ދައުވާ ކުރަންޖެހޭނެ ކަމަށް ގާނޫނުގައި ބަޔާންކުރާ މުއްދަތު ހަމަވެފައިވާތީ ދައުވާއެއް އުފެލެން ނެތް ކަމަށެވެ. އެ މައްސަލަ ފުލުހުން ފޮނުވީ ދައުވާ ކުރެވޭ ގާނޫނީ މުއްދަތު ހަމަވުމުގެ ފަސް ދުވަސް ކުރިންނެވެ.

"...2014 ގައި ތިޔަ ސާވިސްއަށް އެ މައްސަލަ ހުށަހެޅި ތަހުގީގު ކުރައްވަން ފަށްޓަވާފައިވީ ނަމަވެސް މި މައްސަލަ މި އޮފީހަށް ހުށަހަޅުއްވާފައި ވަނީ ގާނޫނު ނަންބަރު 12/2016 (ޖިނާއީ އިޖުރާއަތުގެ ގާނޫނު) އަށް އަމަލު ކުރަން ފެށުމާ ގުޅިގެން އެ ގާނޫނުގެ 94 ވަނަ މާއްދާގެ ށ. ގެ ދަށުން ދައުވާ ކުރުމުގެ މުއްދަތު 2017 އޯގަސްޓު 15 ވަނަ ދުވަހަށް ހަމަވާތީ، 2017 އޯގަސްޓު 10 ވަނަ ދުވަހު ޑިއުޓީ ޕްރޮސިކިއުޝަނުންނެވެ،" ސިޓީގައި ބަޔާންކޮށްފައިވެ އެވެ.

ނަމަވެސް އެ މައްސަލައިގައި އިދާރީ ފިޔަވަޅެއް އަޅަންޖެހޭ ކަމަށް ޕީޖީ އޮފީހަށް ފެންނަ ކަމަށް ވެސް އެ ސިޓީގައި ބުނެފައިވެ އެވެ.

"ޖިނާއީ ދައުވާއެއް ނުކުރެވުނު ނަމަވެސް، މި ފަރާތްތަކަކީ މިހާރު ވެސް ފުލުހުންގެ ވަޒީފާގައި އުޅޭ ފަރާތްތަކެއް ކަމަށްވުމުން، މިފަދަ އަމަލުތައް ކުރާ ފަރާތްތަކާމެދު އިދާރީ ފިޔަވަޅެއް އަޅަންޖެހޭ ކަމަށް ފެންނާތީ މިކަންކަން ތިޔަ ސާވިސްއާ ހިއްސާ ކުރުމުގެ ގޮތުން މި ވާހަކަ ދެންނެވިން،" ޑެޕިއުޓީ ޕީޖީއަކު ސޮއިކޮށް ފޮނުވާފައި އޮތް އެ ސިޓީގައި ބުނެފައިވެ އެވެ.

ފުލުހުންގެ ހިދުމަތުގެ ގާނޫނަށް 2021 ގައި އަމަލު ކުރަން ފެށިއިރު، ކޮރަޕްޝަނާއި ލާއިންސާނީ އަމަލުތައް ކުރި ކަމަށް ތުހުމަތު ކުރެވޭ ފުލުހުން ވަކި ކުރަންޖެހޭ ކަމަށް ބުނެފައި އޮތުމުން ފަރުހާދު ހިމެނޭ ގޮތަށް ހަތް އޮފިސަރަކު ކަނޑާލުމަށް ފުލުހުން ނިންމި އެވެ. ފަރުހާދު ކަނޑާލަން ނިންމީ ހެކި ނައްތާލި މައްސަލައިގަ އެވެ. ނަމަވެސް ފުލުހުންގެ އާ ބޯޑުން ވަނީ އެ ނިންމުން ބަދަލުކޮށްފަ އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox