ޒަވީ ދެއްކި މެސީގެ ވާހަކަތަކަށް ލަޕޯޓާ އާއި ޓެބާސްގެ ރައްދެއް

Mar 9, 2026, 5:30 PM
ޒަވީ ދެއްކި މެސީގެ ވާހަކަތަކަށް ލަޕޯޓާ އާއި ޓެބާސްގެ ރައްދެއް

ބާސެލޯނާ (މާޗް 9) - ބާސެލޯނާ އަށް ޒަވީ ހެނާންޑޭޒް ކޯޗުކޮށްދިންއިރު، 2023 ވަނަ އަހަރު ލިއޮނަލް މެސީ، އެނބުރި އެ ޓީމަށް ގެންނަން ހަމަޖެހުނު ކަމަށާއި އެ ކަމަށް ހުރަސް އެޅީ ބާސެލޯނާގެ ކުރީގެ ރައީސް ލަޕޯޓާ ކަމަށް ބުނެ، ޒަވީ ދެއްކި ވާހަކަތަކަށް ލަޕޯޓާ އާއި ލަލީގާގެ ރައީސް ހަވިއޭ ޓެބާސް ރައްދުދެއްވައިފި އެވެ.

ސްޕެއިނުގެ ނޫހަކަށް ޒަވީ ދިން އިންޓަވިއުއެއްގައި ބުނެފައިވަނީ 2022 ވަނަ އަހަރުގެ ފީފާ ވޯލްޑް ކަޕް ނިމުމަށް ފަހު، 2023 ވަނަ އަހަރުގެ ޖޫން މަހު ޕީއެސްޖީއާ އެކު، މެސީ ހަދާފައި އޮތް ކޮންޓްރެކްޓް ހަމަވުމުން، އޭނާ ހުރީ އެނބުރި ބާސެލޯނާ އަށް އަންނަން ތައްޔާރަށް ކަމަށެވެ. އަދި، 2023 ވަނަ އަހަރުގެ ޖެނުއަރީ މަހުން ފެށިގެން މެސީއާ އެކު އެ ވާހަކަތައް ދެކެވުނު ކަމަށާއި އެ ކަންކަމަށް ހުރަސް އެޅީ ލަޕޯޓާ ކަމަށް ޒަވީ ވަނީ ބުނެފަ އެވެ.

ޒަވީ ބުނެފައިވަނީ، މެސީ އަލުން ގެންނަން ލަޕޯޓާ ބޭނުންނުވާ ކަމަށާއި އެކަން ނުކުރެވޭނެ ގޮތަށް ދެއްކޭނެ ހުރިހާ ވާހަކައެއް ލަޕޯޓާ ދައްކާނެ ކަމަށެވެ. އަދި، ސްޕެނިޝް ލީގުން ވެސް ބާސެލޯނާގެ މުސާރައިގެ އޮނިގަނޑުގެ ތެރެއިން މެސީ ގެނެވޭ ގޮތެއް އޮތް ކަމަށް ބުނި ކަމަށާއި އެކަމަކު ވެސް ލަޕޯޓާ އެ ގޮތަށް ކުރިއަށްދާން ބޭނުންނުވާތީ މެސީ އަށް އެނބުރި ބާސެލޯނާ އަށް ނާދެވުނީ ކަމަށެވެ.

"އަހަރެން ބޭނުމީ ހަގީގަތް ހާމަކުރަން، މެސީ އެނބުރި ބާސެލޯނާ އަށް ނާންނާނެ ލަޕޯޓާ ހުއްޓައި. މިއީ، ލަލީގާ ނޫނީ ޖޯޖް މެސީ (މެސީގެ އޭޖެންޓް އަދި އޭނާގެ ބައްޕަ) ފައިސާ އަށް ޑިމާންޑްކުރާތީ ނުވެ އޮތް ކަމެއް ނޫން،" ޒަވީ ބުންޏެވެ.

ޒަވީ ބުނީ، ލަޕޯޓާގެ ފަރާތުން ފެނުނު ކަންތައްތަކުގެ ސަބަބުން މެސީއާ ދެމެދު އޮތް ގުޅުމަށް ވެސް އަސަރުކުރި ކަމަށެެވެ. އެކަމަކު، ފަހުން ހަގީގަތް އެނގުމާ އެކު، އެ ހިޔާލުތަފާތުވުންތަކަށް ހައްލު ލިބިފައިވާ ކަމަށެވެ.

ބާސެލޯނާގައި އޭނާގެ ކުޅުންތެރިއެއް އަދި ކޯޗެއްގެ ކެރިއަރު ނިމިފައިވާ ކަމަށް ޒަވީ ވަނީ ބުނެފަ އެވެ.

މި ވާހަކަތަކާ ގުޅިގެން، ލަލީގާގެ ރައީސް ޓެބާސް ވިދާޅުވީ، މެސީ އެނބުރި ގެންނަން ބާސެލޯނާ އިން ކުރި މަސައްކަތުގައި، އެ ކްލަބްގައި އޮތް މުސާރައިގެ އޮނިގަނޑުގެ މައްސަލަތަކުގެ ތެރެއިން ހައްލުތަކެއް ހޯދައިދޭން ލަލީގާ އިން ހުއްދައެއް ނުދޭ ކަމަށެވެ. އަދި، ޒަވީ ދިން އިންޓަވިއުގައި ލަލީގާއާ ބެހޭގޮތުން ދެއްކީ ހަގީގަތާ ހިލާފު ވާހަކައެއް ކަމަށް ޓެބާސް ވިދާޅުވި އެވެ.

ލަޕޯޓާ އަންނަނީ ބާސެލޯނާގެ ރައީސް ކަމުން ދުރުވެ، ކުރިއަށް އޮތް އިންތިހާބުގައި ވެސް ވާދަކުރައްވައި، ކެމްޕެއިން ކުރައްވަމުންނެވެ. އެ ގޮތުން، ޒަވީގެ މި އިންޓަވިއުއާ ގުޅޭގޮތުން ލަޕޯޓާ ވެސް ވަނީ މީޑިއާގައި ވާހަކަ ދައްކަވައިފަ އެވެ.

އެ ގޮތުން، ލަޕޯޓާ ވިދާޅުވީ، 2023 ވަނަ އަހަރުގެ މާޗް މަަސް ތެރޭގައި، އޭނާއާ ބައްދަލުކޮށް ޒަވީ ވަނީ މެސީގެ ވާހަކަ ދައްކާފައި ކަމަށެވެ.

އެކަމަކު، އެ އަހަރުގެ މެއި މަހު، މެސީގެ ބައްޕަ ޖޯޖް، ވަނީ ލަޕޯޓާއާ ބައްދަލުކޮށް، އެ އަހަރު ތެރޭ މެސީ އެނބުރި ބާސެލޯނާ އަށް އައުން ވެގެންދާނީ ބާސެލޯނާ އަށް ބޮޑު ޕްރެޝަރަކަށް ކަމަށް ބުނެފަ އެވެ. އަދި، އެ ހުރިހާ ކަމަކަށް ބަލާފައި، މެސީ ނިންމީ އިންޓަ މިއާމީ އަށް ދިއުމަށް ކަމަށް ލަޕޯޓާ ވިދާޅުވި އެވެ.

އޭނާގެ ރައީސް ކަމުގައި، މެސީ ބާސެލޯނާ އަށް ގެންނަން މަސައްކަތް ކުރާނެ ކަމަށް އަބަދުވެސް ވާހަކަ ދެއްކެވި، ލަޕޯޓާ ވިދާޅުވީ، 2023 ވަނަ އަހަރު ބާސެލޯނާ އިން މެސީ އަށް ހާއްސަ މެޗެއް ކުޅުމުގެ މަޝްވަރާތަކެއް ކުރި ކަމަށާއި އަދި ބާސެލޯނާގެ ދަނޑު ބޭރުގައި މެސީގެ ސްޓެޗޫއެއް ބަހައްޓަން ވެސް ރޭވުންތަކެއް އޮތް ކަމަށެވެ.

ލަޕޯޓާ ވިދާޅުވީ، މި ހުރިހާ ކަމެއް ކުރަން ބޭނުންވީ، ބާސެލޯނާގެ ދަނޑު ކޭމްޕް ނައުގެ މަސައްކަތް އެއްކޮށް ފުރިހަމަވެ ނިމުމުން ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox