ކޮޑެގަލާގައި 20 ކޮޓަރީގެ ރިސޯޓެއް، އިންވެސްޓަރަކީ އިޓަލީ ކުންފުންޏެއް

ގދ. ކޮޑެގަލާ: މި ރަށް ތަރައްގީކުރަނީ އެއްވެސް މޫދު ކޮޓަރިއެއް ނުހުންނަ ގޮތަށް -- ފޮޓޯ/ގޫގުލް އާތު

ގދ. ކޮޑެގަލާ: މި ރަށް ތަރައްގީކުރަނީ އެއްވެސް މޫދު ކޮޓަރިއެއް ނުހުންނަ ގޮތަށް -- ފޮޓޯ/ގޫގުލް އާތު

ގދ. ކޮޑެގަލާގައި 20 ކޮޓަރީގެ ރިސޯޓެއް ތަރައްގީކުރުމުގެ މަސައްކަތް ފަށައިފި އެވެ.

ގައްދޫ ހުޅަނގު އުތުރުން ކޮޑެގަލާއަކީ ޒަމާންތަކެއް ވަންދެން ފިޝަރީޒް މިނިސްޓްރީގެ ބެލުމުގެ ދަށުގައި އޮތް 3.4 ހެކްޓަރުގެ ކުޑަ ފަޅު ރަށެކެވެ. ކުރިން މި ރަށް އެއްވެސް ބޭނުމަކަށް ކުއްޔަށް ދޫކޮށްފައިވާ ކަން އެނގޭކަށް ނެތެވެ. ނަމަވެސް 2017 ގައި ހުވަދު އަތޮޅުން ވަރުވާއަށް ދޫކުރަން ހުޅުވާލި ލިސްޓުގައި މި ރަށް ހިމެނުނެވެ.

ޓޫރިޒަމްގެ ބޭނުންތަކަށް މި ރަށް ހާއްސަކުރީ ކުރީ ސަރުކާރުގަ އެވެ. އެއީ މަޝްރޫއުތަކަށް ބޭނުންވާ ފައިސާ ހޯދަން ކްރޮސް ސަބްސިޑީ އުސޫލުން ދޫކުރާ ރަށެއްގެ ގޮތުގަ އެވެ.

ކްރޮސް ސަބްސިޑީ އުސޫލުން މި ރަށަށް އިންވެސްޓްކޮށްފައި ވަނީ އިޓަކާ ހޯމް މޯލްޑިވްސް ކިޔާ ކުންފުންޏަކުންނެވެ. މި ކުންފުނީގެ ހިއްސާދާރުންނަކީ މުހައްމަދު ހަސަން ކިޔާ ދިވެއްސަކާއި އިޓަލީގެ ކަރީސްމާ ކުންފުންޏެވެ. ކަރީސްމާއަކީ އެކި ވައްތަރުގެ ވިޔަފާރިތަކުގައި ހަރަކާތްތެރިވާ ހޯލްޑިން ކުންފުންޏެކެވެ.

ކޮޑެގަލާ ކުއްޔަށް ދިން ނަމަވެސް ރަށް ދީގެން ލިބުނު ފައިސާގެ އަދަދާއި ކުއްޔަށް ދިން މުއްދަތެއް ނޭނގެ އެވެ. މި މައުލޫމާތު ހޯދަން ގުޅިއިރު ޓޫރިޒަމް މިނިސްޓްރީގެ އެއްވެސް އޮފިޝަލަކު ފޯނަށް ޖަވާބެއް ނުދެ އެވެ.

ކޮޑެގަލާގައި ރިސޯޓެއް ތަރައްގީކުރަން ފާސްކޮށްފައިވާ އީއައިއޭގައިވާ ގޮތުގައި އެތަނުގައި އެއްވެސް މޫދު ކޮޓަރިއެއް ނުހުރެ އެވެ. މުޅިން ހުންނަނީ ބީޗު ވިލާ އެވެ. އެއީ:

  • ޑިލަކްސް އައިލެންޑް ރެސިޑެންސް - ފަސް ކޮޓަރި
  • ޑިލަކްސް ބީޗް ރެސިޑެންސް - ނުވަ ކޮޓަރި
  • ޑިލަކްސް ބީޗް ސުއީޓް - ހަ ކޮޓަރި

މި ރަށް ތަރައްގީކުރަން ހޭދަވާނެ ކަމަށް އަންދާޒާ ކުރާ މުއްދަތަކީ ދެ އަހަރެވެ. އަދި އަމާޒު ހިފާފައިވަނީ މަސައްކަތް އެއްކޮށް ނިންމާ، 2026 އަށް ރިސޯޓު ހުޅުވުމަށެވެ.

މި ރަށް ކުއްޔަށް ނަގާފައިވާ އިޓަކާ ހޯމް މޯލްޑިވްސް ޕްރައިވެޓް ލިމިޓެޑަކީ އިޓަލީގައި މަރުކަޒުވެފައިވާ ކަރިސްމާ ހޯލްޑިންސްގެ ހިއްސާ އޮންނަ މި ކުންފުނިން ރާއްޖޭގައި ރިސޯޓެއް ތަރައްގީކުރަނީ މުޅިން އަލަށެވެ.

ކޮޑެގަލާއަކީ ކަރީސްމާ ކުންފުނިން ރާއްޖޭގައި ތަރައްގީ ކުރާ ފުރަތަމަ ރިސޯޓެވެ. މި ރިސޯޓު ހުޅުވުމުން މި ރަށް ވެގެންދާނީ ގދ. އަތޮޅުގައި ހުޅުވާ ހަތަރު ވަނަ ރިސޯޓަށެވެ. މިހާރު އެ އަތޮޅުގައި ހިންގަމުން އަންނަ ރިސޯޓުތަކަކީ އެންއެޗް ކަލެކްޝަން މޯލްޑިވްސް ހަވޮއްޑާ ރިސޯޓު (ހަވޮއްޑާ) އާއި އައުޓްރިގާ ކޮނޮއްޓާ މޯލްޑިވްސް ރިސޯޓު (ކޮނޮއްޓާ) އާއި އަޔާޑާ މޯލްޑިވްސް (މަގުއްދުވާ) އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox