ވަޒީރަކަށް މިދިޔަ އަހަރު ފޮނުވި ސުވާލުގެ ޖަވާބު އިއްވީ މިއަދު؛ އަސްލަމް ވިދާޅުވީ ދެން އެހެން ނުވާނެ ކަމަށް

މަޖިލީހުގެ ރައީސް މުހައްމަދު އަސްލަމް، ސުވާލުތަކުގެ ޖަވާބު އަވަހަށް އިއްވޭނެ އިންތިޒާމް ހަމަޖައްސާނެ ކަމަށް ވިދާޅުވި - ފޮޓޯ: މަޖިލިސް

މަޖިލީހުގެ ރައީސް މުހައްމަދު އަސްލަމް، ސުވާލުތަކުގެ ޖަވާބު އަވަހަށް އިއްވޭނެ އިންތިޒާމް ހަމަޖައްސާނެ ކަމަށް ވިދާޅުވި - ފޮޓޯ: މަޖިލިސް

ކުރީގެ އިސްލާމިކް މިނިސްޓަރު ޑރ އަހުމަދު ޒާހިރަށް މިދިޔަ އަހަރު ފޮނުއްވި ސުވާލުތަކުގެ ޖަވާބުތައް މިއަދު މަޖިލީހުގެ ތަޅުމުގައި އިއްވުމަށް ފަހު، އާ ރިޔާސަތާއެކު އެގޮތަށް ކަންކަން ނުހިނގާނެ ކަމުގެ ޔަގީންކަން މަޖިލީހުގެ ރައީސް މުހައްމަދު އަސްލަމް ދެއްވައިފި އެވެ.

ލިޔުމުން ޖަވާބު ހޯދުމަށް ޒާހިރަށް ފޮނުވާފައިވާ 10 ސުވާލެއްގެ ޖަވާބު މިއަދުގެ ތަޅުމުގައި މަޖިލީހުގެ އަމީންއާންމު އިއްވާފައިވެ އެވެ. އެ ސުވާލުތަކަކީ މިދިޔަ އަހަރު މިނިސްޓަރަށް ފޮނުއްވާފައިވާ ސުވާލުތަކެއް ކަމަށް ސުވާލު ހުށަހެޅުއްވި މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ތަކުރާރުކޮށް ވިދާޅުވި އެވެ.

ސުވާލުތަކުގެ ޖަވާބު އިއްވައި ނިމުމުން، ރައީސް އަސްލަމް ވިދާޅުވީ އެބޭފުޅާ މަޖިލީހުގެ ރައީސްކަމާ ހަވާލުވެވަޑައިގެންނެވި އިރު، ލިޔުމުން ޖަވާބު ހޯއްދެވުމަށް 50 ސުވާލު ހުށަހަޅުއްވާފައި އޮތް ކަމަށެވެ.

Advertisement

"މީގެ އެއް އަހަރު ކުރިން މެމްބަރުން ފޮނުއްވި ސުވާލުތަކުގެ ޖަވާބު މަޖިލީހަށް ލިބި، އެހެންނަމަވެސް މަޖިލީހުގައި ޖަވާބުތައް އިއްވިފައި ނުވޭ،" އަސްލަމް ވިދާޅުވި އެވެ.

އަސްލަމް ވިދާޅުވީ ކުރިއަށް އޮތް ތަނުގައި ލިޔުމުން ހުށަހަޅާ ސުވާލުތަކުގެ ޖަވާބު ވީހާވެސް އަވަހަށް، މަޖިލީހުގެ ގަވާއިދު ބުނާ މުއްދަތުގެ ތެރޭގައި އެ ޖަވާބުތައް ލިބޭނެ އިންތިޒާމު ހަމަޖައްސާނެ ކަމަށް ވިދާޅުވި އެވެ. މަޖިލީހުގެ އާންމު ޖަލްސާތަކުގެ އިތުރަށް ޖަލްސާތައް ބާއްވައިގެން ވެސް ޖަވާބު ލިބޭނެ އިންތިޒާމު ހަމަޖައްސާނެ ކަމަށް އަސްލަމް ވިދާޅުވި އެވެ.

މެމްބަރު ރަޝީދު ކުރެއްވި ސުވާލުތަކުގެ ތެރެއިން މިއަދު މަޖިލީހަށް އިއްވި ޖަވާބުތަކުގެ ތެރޭގައި 2019 ވަނަ އަހަރު ހައްޖު ކޯޕަރޭޝަނުން ކުރި ހައްޖު ދަތުރާއި ކޮވިޑްގެ ތެރޭގައި ހިންގާފައި ހުރި ހަރަދުތަކާ ގުޅޭ ސުވާލުތަކުގެ ޖަވާބުތައް ހިމެނެއެވެ.

ޒަކާތު ފަންޑުން ދަރިވަރުންނަށް ހޭދަ ކުރާ ފައިސާގެ ތަފްސީލް ހޯދުމަށް ކުރި ސުވާލުގެ ޖަވާބުގައި ކުރީގެ މިނިސްޓަރު ވިދާޅުވީ ޒަކާތު ފަންޑުން ކިޔަވާ ދަރިވަރުންނަށް ހޭދަކުރާ ފައިސާ އެ ދަރިވަރުންނާ ހަވާލު ކުރަނީ މިނިސްޓްރީން ކަމަށެވެ. ޒަކާތު ސްކޮލަޝިޕްގެ ދަށުން ކިޔަވާ ދަރިވަރުންނަށް ދޭ ފައިސާ ޖަމާކުރަނީ އެ ދަރިވެއްގެ އެކައުންޓަށް ކަމަށާއި ކޯސް ފީ ޖަމާކުރަނީ ކޮލެޖު ނުވަތަ ޔުނިވާސިޓީގެ އެކައުންޓަށް ކަމަށް މިނިސްޓަރު ވިދާޅުވި އެވެ.

އެގޮތުން 2020 ވަނަ އަހަރު 13 ދަރިވަރަކަށް 508،242 (ފައްސަތޭކަ އަށްހާސް ދުއިސައްތަ ސާޅީސް ދޭއް) ރުފިޔާ އަދި 2021 ވަނަ އަހަރު 180 ދަރިވަރަކަށް 11،405،086.96 (އެގާރަ މިލިއަން ހަތަރު ސަތޭކަ ފަސްހާސް އަށްޑިހަ ރުފިޔާ ނުވަދިހަ ހަ ލާރި) ޒަކާތު ފަންޑުން ހޭދަކޮށްފައިވާ ކަމަށް މިނިސްޓަރުގެ ޖަވާބުގައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox